Lizsij dih Gaihcij 9:21 - Gij Baujcingq Moq Caeuq Geij Bonj Gij Baujcingq Daeuzdaeuz

²¹ Miz mbat he, de gw laeuj fiz le, loxgenz loxgangh hwj ninz youq ndaw cangqbungz.

Lizsij dih Gaihcij 9:21 Iomraidhean Croise

Lizsij dih Gaihcij 6:9

Laj neix dwg ranz Nozyaq dih lizsij. Nozyaq dwg boux simndei simsoh he hih vunz; youq daih mwhde, Nozyaq dwg boux mij gijmaz ndaej diudik he dih vunz, aenvih de haenj dingq Cangqdiq gaen Cangqdiq.

Lizsij dih Gaihcij 9:20

Nozyaq dwg boux nungzminz he, yiengq de ok ruz ma le, couh sien guh aen suen he hwj ndaem buzdauz.

Lozmaj Saw 13:13

Gyoengqraeuz guh vunz ij guh cingqdangq hih vunz, caemh ij guh gij saeh cingqdangq yawj ndaej raen rongh he. Mbouj ndaej caenhrox gwgw angqangq ndaengndaeng ndwetndwet, mbouj ndaej hozgenz, rahoengz, doxceng.

Gohlimzdoh It 10:12

Sojhij, byawz naemqnaeuz bonjfaenh ndwn ndaej gaenj hih, byawz couh ij siujsim, mienxndaej ngaiz laemx.

Gyahlahdaiq Saw 5:21

rahoengz rahwngq hah, gw laeuj fiz hah, gwgw angqangq caeuq sojmiz luj doenghgij saeh neix hih hah. Gangj daengz doenghgij saeh neix, gou doenghbaez naeuz faenhsou goq, seizneix gou vanzlij caiq naeuz faenhsou, guh doenghgij saeh neix hih vunz gaengjdingq mbouj ndaej gaep haeuj guek Cangqdiq.

Dizdoh Saw 2:2

ij naeuz doenghheij vunz laux vunzsai he, naeuz hawj gyoengqde ij gag rox haed bonjfaenh, ij rox gag caepcingq bonjfaenh, ij guh boux hawj vunz soenhgingq he, ij miz aen sim sinq Gihduz he, ij miz aiqsim, ij miz naenxsim; doenghgij neix cungj ij gyenhciz roengzbae.

Gihduz Hawj Vunz Rox 3:18

Sojhij gou vanzlij dwg gienq mwngz laeng gou cawx gij gim gaenq dizlenq goq he suenq lox, yienghmwnq hawj mwngz ndaej bienqbaenz cingqcaen fouqmiz he, hawj mwngz ndaej cawx buh bieg, ndaej daenj hwj cw aen ndangnoh hawj vunz rox saetnaj saetnyaenq mwngz, caemh ndaej cawx yw ra ma cat cehra mwngz, hawj mwngz yawj ndaej raen.