Lizsij dih Gaihcij 6:18 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁸ Hoeng, gou ij dingh yiengh he hawj mwngz, baujcingq gouq mwngz. Mwngz ij caeuq mehyah mwngz, daeglwg mwngz, mehbawx mwngz haeuj ndaw ruz bae.

Lizsij dih Gaihcij 6:18 Iomraidhean Croise

Lizsij dih Gaihcij 17:21

Hoeng gou naeuz mwngz ni hax, daengz bimoq hih mwhneix, Sajlah gaengjdingq seng Hijsaj hawj mwngz. Gou caeuq mwngz soj dingh hih caemh dwg caeuq Hijsaj dingh hih.”

Lizsij dih Gaihcij 17:4

“Gou dingh hawj mwngz hih couh dwg: Mwngz ndaej guh baenx haujlai haujlai aen minzcuz dih cojgoeng.

Lizsij dih Gaihcij 17:7

Gou caemh ij yiengq mwngz caeuq doengh daih gajlaeng mwngz baujcingq; gij baujcingq neix dwg cien nienz fanh daih cungj mbouj bienq he, couh dwg gou ij guh Cangqdiq mwngz caeuq Cangqdiq doengh daih gajlaeng mwngz.

Lizsij dih Gaihcij 7:1

Yehhozvaz caiq doiq Nozyaq naeuz: “Mwngz caeuq ndaw ranz mwngz hih vunz cungj ij haeuj ndaw ruz bae, aenvih gou rox, mwngz youq ndaw lwgra gou, lajmbwn caenhgag miz mwngz dwg boux simndei simsoh he hih vunz.

Lizsij dih Gaihcij 7:13

Couh youq ngoenz fwn doek hunghung mwnq, Nozyaq caeuq mehyah de, caeuq sam daeglwg de, Cenj, Hamz, Yajfuz, caeuq doengh mehbawx de haeuj ndaw ruz bae lo.

Lizsij dih Gaihcij 7:7

De caeuq yah caeuq lwg caeuq bawx cungj haeuj ndaw ruz bae ndoj raemxdumh.

Hihbwzlaiz Saw 11:7

Caemh aenvih sinq, Nozyaq sinq Cangqdiq; de dingq daengz Cangqdiq daezsingj gingjgauq de naeuz miz raemxdumh mwhde, cungjsuenq naeuz de mijyaengz raen miz ij raemxdumh dih gingjdoengh, hoeng, aenvih de miz aen sim soenhgingq Cangqdiq he, de couh cauh aen ruz he hwj hawj baenx cenz ranz de haeuj bae couh ndaej gouq. Couh vih yienghneix, sawjhawj baenx cenz lajmbwn hih vunz cungj ngaiz dingh miz coih. De nej? De dauq dwg aenvih de sinq hwj ndaej daengz Cangqdiq yawj de dangq dwg boux simndei simsoh he dih vunz.

Bijdwz It 3:20

Doenghheij vunz neix couh dwg doenghbaez Nozyaq cauh ruz hih mwhde Cangqdiq naenxsim daengj gyoengqde gaijgoq, hoeng, gyoengqde mbouj dingq, ngaiz rai youq ndaw raemx hih doenghheij vunz mwnq lo. Mwhde ndaej haeuj ruz bae ndaej daj ndaw raemx ndaej gouq hih vunz mbouj lai, cijngamq miz bet boux lah.

Bijdwz Ngeih 2:5

Cangqdiq caemh mbouj nyiuz dangqlaux doenghbaez, dauq vanzlij hawj raemxdumh dumh dawz doenghheij mbouj yawjnaek de he, caenhgag baujhuq Nozyaq, boux gienq vunz hawj vunz guh vunz ndei neix hih cenz ranz bet boux lah.