Lizsij dih Gaihcij 49:10 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁰ Youzdaq gaem gienz mbouj rox duet, Vuengzdwngx mbouj liz song fawz de. Fanh guek cungj ij lau de, Couh ij nab doxgaiq hawj de; Fanh guek cungj ij sax de.

Lizsij dih Gaihcij 49:10 Iomraidhean Croise

Majdaiq Saw 1:21

De gaengjdingq seng miz daeglwg he; mwngz ij an coh hawj de heuh Yehsuh, aenvih de ij gouq gij vunz de daj ndaw coih ok ma.” (‘Yehsuh’ couh dwg ‘gouq vunz’ dih iqswh.)

Majdaiq Saw 17:5

Bijdwz gangj doenghgij vah neix hih mwhde, miz ndaek vangq fwj rongh sagsag he daeuj guem gyoengqde. Ndaw fwj ndaw de caemh miz sing gangj naeuz: “Boux neix dwg daeglwg gou, dwg gou aiq dih lwg; de hawj gou roxnginh hab'eiq habhoz he. Faenhsou ijaeu dingq gij vah de.”

Majdaiq Saw 21:9

Gyoengq vunz cungj angq hwj hemq haenh Cangqdiq goggog naeuz: “Vanqseiq! Vanqseiq! Daqveiq dih lwglan wnggai haenh! Cangqdiq baij daeuj hih caen miz fuk lo; gyoengqraeuz wnggai haenh! Vanqseiq! Vanqseiq! Vanqvanqseiq!”

Majdaiq Saw 25:32

Lajmbwn sojmiz hih vunz cungj ij doxcomz youq dangqnaj de. De ij dawz gyoengqde faen gek hwnjdaeuj, caemh luj boux ciengx yiengz dawz menzyiengz caeuq yiengzbya faengek okdaeuj.

Yozhanq Saw 12:32

Gangj daengz gou, gou daj lajdoem ij ngaiz yingx hwnjdaeuj hih mwhde, gaengjdingq ndaej hawj baenx cenz lajmbwn hih vunz daeuj gvi haeuj gou.”

Yozhanq Saw 18:31

Bijlahdoh saengjcangj dingq le, couh doiq gyoengqde naeuz: “Faenhsou gag daiq de maj bax; ciuq gij fazliz faenhsou bae saemjbuenq de bax!” Hoeng, gij vunz Youzdaiq dih lingjdauj dauq han naeuz: “Gyoengqraeuz mij'z gienz ndaej buenq hawj vunz rai hah.”

Yozhanq Saw 19:12

Bijlahdoh dingq de yienghneix naeuz le, engqgya ijsiengj coengq de, hoeng, mij banqfaz; gij vunz Youzdaiq engqgya hemq naeuz: “Hauhnaeuz mwngz coengq boux vunz neix nex, couh mbouj dwg Gaijsaj goengjvuengz neix hih baengzyoux lo! Famz gag naeuz bonjfaenh dwg vuengz hih couh dwg Gaijsaj dih dizyinz!”

Yozhanq Saw 19:15

Gyoengqde raen le, couh hemq oxox naeuz: “Cawz de bae! Cawzcag de bae! Dawz de ding hwnj gwnz gyaq cixcib bae!” Gajlaeng Bijlahdoh cam gyoengqde naeuz: “Faenhsou hawj gou ding goengjvuengz faenhsou hwnj gwnz gyaq cixcib bae haj?” Yiengq doengh goengjsae dajbwiz he han de naeuz: “Cawzok Gaijsaj, gyoengqraeuz mij lingh goengjvuengz hah!”

Yozhanq Saw 9:7

Swk le, couh doiq boux de naeuz: “Mwngz bae aen daemz Sihlozyaq mwnq swiq bax.” (‘Sihlozyaq’ gij iqswh de dwg naeuz ‘baij bae’ dih iqswh.) Yiengq boux de caemh ciuq de naeuz hih yienghmwnq bae guh lo. Gajlaeng cehra de couh ndaej yawjraen lo; de couh maj lo.

Lozmaj Saw 15:12

Boux cenz gij vah Cangqdiq Hijcaiqyaq caemh naeuz: Yehsih dih doengh daih gajlaeng de hih boux he baezneix ij ok daeuj, de ij guenjciq linghvaih minzcuz; linghvaih minzcuz ij muengh de.

Gohlimzdoh Ngeih 5:10

aenvih mboujguenj baenzlawz, gyoengqraeuz daixgya cungj ij miz ngoenz he ndwn youq dangqnaj Gihduz, ngaiz de saemjbuenq, caemh dwg ciuq gak vunz soj guh hih ma saemjbuenq gak vunz, ndei hih hawj vunz ndei, rwix hih bauqwngq dawz.

Hihbwzlaiz Saw 7:14

Gij iqswh gou dwg naeuz, gyoengqraeuz caemh rox bouxcawj raeuz dwg haeuj aen cuz Youzdaq hih, hoeng, Mohsih gaenhbaenj mij daez daengz aen cuz neix miz vunz guh goq goengjsae dajbwiz goq.

Gihduz Hawj Vunz Rox 11:15

Yiengq daengz daixcaet boux bouxcai boq gywnhhauh. Boq hih mwhde, gwnzmbwn miz sing hemq goggog naeuz: “Aen ciqgyaiq neix gaenq bienqbaenz aen guek Cangqdiq caeuq aen guek Yehsuh, Cangqdiq soj laeb dih Gihduz lo! Cangqdiq ij yungjyungj yenjyenj guh vuengz gaem gienz roengzbae!”