Lizsij dih Gaihcij 46:4 - Gij Baujcingq Moq Caeuq Geij Bonj Gij Baujcingq Daeuzdaeuz

⁴ Gou ij cingqcaen caeuq mwngz itheij bae Ngaihgiz, caemh ij cingqcaen daiq doengh daih gajlaeng mwngz ma daengz dineix. Yozswz caemh ndaej dawzrai mwngz.”

Lizsij dih Gaihcij 46:4 Iomraidhean Croise

Lizsij dih Gaihcij 28:15

Gou caemh caeuq mwngz youq; mboujlwnh mwngz bae daengz mwnqlaw, gou cungj baujcuk baujyouh mwngz, vanzlij daiq mwngz dauq ma daengz gij dieg neix. Gou baenzbaenz cungj mbouj liz mbouj vwt mwngz; gou ij doiqyienh gaxgonq gou dapwngq hawj mwngz hih.”

Lizsij dih Gaihcij 48:21

Yajgoz caiq doiq Yozswz naeuz: “Mwngz rox lwi, gou mbouj geij caez couh ij rai gvaqseiq lo, hoeng Cangqdiq siengzseiz caeuq faenhsou youq; de ij daiq faenhsou maj daengz mwnq dieg cojgoeng mwnq bae.

Lizsij dih Gaihcij 50:1

Yajgoz rai gvaqseiq le, Yozswz got dawz daxboh de bamq roengz baj naj de bae daej haemz wekwek, caemh cup baj naj de.

Lizsij dih Gaihcij 50:13

gyoengqde dawz gij seihaiz daxboh buen maj daengz dieg Gyahnamz, cangq youq manx reih Mwzbijlah dih conghgamj mwnq. (Mwzbijlah caemh gaenh Manqliq.) Manx reih neix caeuq conghgamj mwnq dwg Yaqbwzlahhanj laeng Hijfuzlwnz, Hwz cuz vunz, cawx ma guh diegmoh he.

Lizsij dih Gaihcij 50:5

daxboh gou hawj gou baujcingq hawj gou dawz de moek youq bonjfaenh de youq Gyahnamz gag cwnjbiq dih mwnq diegmoh mwnq; sojhij cingj mwngz bihcwnj hawj gou bae cangq daxboh gou. Cangq ndaej le, gou couh majcangq ma lo.”

Ok Ngaihgiz 3:17

Gou itdingh daiq faenhsou ok Ngaihgiz ma, daiq faenhsou bae daengz mwnq dieg gvangq yubyub doem cix biz he, ndaem gogo cungj baenz he, couh dwg Gyahnamz vunz hah, Hwz vunz hah, Yaqmohliq vunz hah, Bijliqsij vunz hah, Hihveiq vunz hah, Yehbuqswh vunz hah youq he dih mwnq dieg mwnq bae.”’

Ok Ngaihgiz 3:8

Sojhij gou roengz daeuj couh dwg ij gouq gyoengqde, gouq gyoengqde duet ok gij vunz Ngaihgiz, daiq gyoengqde bae daengz mwnq dieg youh gvangq, doem youh biz he, couh dwg dieg ndei, ndaem gogo cungj ndaej sou, couh dwg mwnq dieg Gyahnamz vunz hah, Hwz vunz hah, Yaqmohliq vunz hah, Bijliqsij vunz hah, Hihveiq vunz hah, caeuq Yehbuqswh vunz hah mwnq dieg mwnq bae.