Lizsij dih Gaihcij 41:57 - Gij Baujcingq Moq Caeuq Geij Bonj Gij Baujcingq Daeuzdaeuz

⁵⁷ Daiqlienz gak guek gak dieg dih vunz cungj caemh daeuj daengz Ngaihgiz laeng Yozswz cawx haeux.

Lizsij dih Gaihcij 41:57 Iomraidhean Croise

Lizsij dih Gaihcij 12:10

Aenvih dieg Gyahnamz roeb daengz iekvangh gig youqgaenj, yiengq Yaqbwzlanz couh yiengq baixnamz bae, bae daengz dieg Ngaihgiz, youq mwnq camqciz youq.

Lizsij dih Gaihcij 41:54

caemh luj gaxgonq Yozswz naeuz hih yienghmwnq, caemhcaiq lienzdaemh daengz caet bi iekvangh. Gannaeuz gak guek gak dieg cungj ngaiz iekvangh lah, hoeng ndaw guek Ngaihgiz ndaw de dauqcawq cungj miz haeux.

Lizsij dih Gaihcij 41:56

Aenvih Ngaihgiz dauqcawq cungj roeb daengz iekvangh, yied ngoenz yied yiemzcungq, yiengq Yozswz couh hoi sojmiz dih canghguq, dawz gij haeux hai hawj gij vunz Ngaihgiz.

Lizsij dih Gaihcij 42:1

Iekvangh gaenq dajlwh Ngaihgiz lienzlih daengz Gyahnamz diqgih lo. [1]Yajgoz dingq naeuz youq Ngaihgiz miz haeux, couh doiq gyoengq lwg de naeuz: “Faenhsou vihmaz cungj lij youq dineix hax; youq dineix daengj rai hajx? Mbouj rox bae siengj di guxmaz hajx? [2]Gou dingqri vunz naeuz Ngaihgiz mwnq miz haeux hai hwj. Faenhsou bae mwnq cawx di haeux he ma, mijn'x gyoengqraeuz ngaiz rai iek vwqx.” [3,5a]Gajlaeng doenghheij daeggo Yozswz, couh dwg cib boux daeggo de, caemh bae Ngaihgiz cawx haeux lo. [4]Hoeng, Yajgoz mij hawj caen daegnuengx Yozswz, couh dwg caeuq Yozswz doxdaep saejndw hih Benqyajminj, gaenhangx gyoengqde bae, hoengjlau de bae le roeb daengz gijmaz saeh.

Lizsij dih Gaihcij 42:6

Mwhde Yozswz youq Ngaihgiz dang daixngeih ak hwj, de fuqswz hai haeux hawj gyoengq vunz dajlwh gak dieg daeuj he. Doengh daeggo de caemh daeuj lo. Daeuj daengz dangqnaj de le, couh gvih roengzma sax de.

Lizsij dih Gaihcij 43:1

Dieg Gyahnamz iekvangh gig yiemzcungq.

Lizsij dih Gaihcij 47:14

hoeng gyoengq vunz caemh mij ngaenz cawx haeux lo. Yozswz caemh sou ndaej baenx cenz Ngaihgiz caeuq baenx cenz Gyahnamz sojmiz hih ngaenz, dawz gij ngaenz neix gyau hawj vangzgungh.

Lizsij dih Gaihcij 50:20

Baenjlaiz faenhsou ij haih gou, hoeng Cangqdiq doiq raeuz ndei; de dauqfanj daj gienh saeh neix bienqbaenz seizneix dih yienghneix, vihliux ndaej baux ndaej haujlai vunz dih mingh.