Lizsij dih Gaihcij 4:2 - Gij Baujcingq Moq Caeuq Geij Bonj Gij Baujcingq Daeuzdaeuz

² Gajlaeng de caiq seng daeglwg he, an coh heuh Yaqbwz. Yaqbwz dwg boux ciengx yiengz he, Gaihyinj dwg boux dajndaem he.

Lizsij dih Gaihcij 4:2 Iomraidhean Croise

Lizsij dih Gaihcij 3:23

Sojhij Yehhozvaz Cangqdiq couh boenq song boux de ok suen Ihdenq bae. Yienzlaiz Cangqdiq dwg aeu doem ma baenj cauh guh Yaqdangh he, yiengq de couh hawj de bae geng dieg dajndaem, daj ndaw doem ndaej gij gw.

Lizsij dih Gaihcij 37:13

Miz ngoenz he, daxboh de doiq Yozswz naeuz: “Doengh daeggo mwngz mbouj dwg youq Siqgiemq coengq yiengz haz? Mwngz bae yawjyawj gyoengqde veiq.” Yozswz han naeuz: “Ox! Gou majcangq bae.”

Lizsij dih Gaihcij 4:1

Yaqdangh caeuq mehyah de ninz. Ninz le, mehyah de couh mizndang, seng miz daeglwg he. Meh de naeuz: “Aenvih Yehhozvaz bang gou, sawjhawj gou ndaej daeglwg neix,” yiengq couh an coh hawj daeglwg neix heuh Gaihyinj. (‘Gaihyinj’ gij coh neix caeuq gij vah Hihbwzlaiz dih cih ‘ndaej’ doeg ijvanh doxdoengz.)

Lizsij dih Gaihcij 4:3

Miz ngoenz he, Gaihyinj aeu doenghgij de ndaem ndaej hih gij gw, aeu ma guh gij dajbwiz he soengq hawj Yehhozvaz.

Lizsij dih Gaihcij 47:3

Yozswz bauq le, goengjvuengz caemh raen gyoengq beixnuengx de lo, couh cam gyoengqde naeuz: “Faenhsou dwg guh gijmaz hong lah?” Gyoengqde han naeuz: “Goengjvuengz, gyoengqraeuz dajlwh coj goenggoeng geqgeq raeuz daengz seizneix, gyoengqraeuz cungj dwg ciengx yiengz goq saedceij he.

Lizsij dih Gaihcij 9:20

Nozyaq dwg boux nungzminz he, yiengq de ok ruz ma le, couh sien guh aen suen he hwj ndaem buzdauz.

Ok Ngaihgiz 3:1

Mwhde, Mohsih dwg bang goeng boxda de, couh dwg Mijdenq hih goengjsae dajbwiz he heuh Yezdwzloz, bang de ciengx yiengz. (Yezdwzloz caemh heuh Liuzwj.) Miz ngoenz he, de duq gyoengq yiengz bae gyae'gyae, byaij goq aen ndoi he bae daengz aen bya Cangqdiq, couh dwg bya Hozlez, ciengx. (Bya Hozlez caemh heuh bya Sihnaiq.)

Luqgyah Saw 11:50

Sojhij daj cauh mbwn cauh deih daengz seizneix, gaj boux cenz gij vah Cangqdiq hih coih cungj dwg hawj gij vunz daih sou rap.

Luqgyah Saw 11:51

Couh dwg naeuz daj Yaqbwz ngaiz gaj itcig daengz Sajgyahliqyaq youq mwnq aen daiz dajbwiz caeuq aen laeuz Cangqdiq hih cungqgyan mwnq ngaiz gaj, sojmiz dih coih cungj dwg hawj gij vunz daih sou rap.”

Yozhanq Saw 8:44

Faenhsou baenjlaiz dwg gij lwg fangzvuengz, cij rox gaen boh sou soj siengj hih yienghmwnq ma guh saeh hih. Daj gaihcij de cix dwg boux gaj vunz he lo, coengzlaiz mbouj haeuj mbiengj saedsaeh he, aenvih ndaw sim de gaenhbaenj mbouj miz saedsaeh. De soqsingq cungj dwg gangj gyajvah he, dwg doenj gyajvah he.

Yozhanq It 3:10

Cangqdiq dih lwg caeuq fangzvuengz dih lwg dwg mbouj doxdoengz hih; doengh boux mbouj ndwn ndaej cingq hih, mbouj aiq gij beixnuengx bonjfaenh hih, couh mbouj dwg lwg Cangqdiq.

Yozhanq It 3:12

Gyoengqraeuz mbouj ndaej luj Gaihyinj yienghmwnq. De dwg haeuj buek fangzvuengz he; de gajrai daegnuengx bonjfaenh. De vihmaz gaj daegnuengx de nej? Aenvih de guh doeg guh sieb, daegnuengx de dauq dwg guh soh guh ndei he.

Yozhanq It 3:15

Famz dwgcaengz gij beixnuengx bonjfaenh hih couh dangq gaj vunz; faenhsou caemh rox, famz gaj vunz hih couh mbouj ndaej seiqseiz lix.