Lizsij dih Gaihcij 38:2 - Gij Baujcingq Moq Caeuq Geij Bonj Gij Baujcingq Daeuzdaeuz

² Youzdaq youq mwnq roxnaj dah lwgsau he; dah lwgsau neix dwg dah lwgsau Cuhyaq, dwg Gyahnamz vunz he. Youzdaq couh aeu dah de ma guh yah.

Lizsij dih Gaihcij 38:2 Iomraidhean Croise

Lizsij dih Gaihcij 24:3

Gou ij hawj mwngz yiengq gou baujcingq, baujcingq mbouj hawj daeglwg gou youq dieg neix aeu gij lwgsau vunz Gyahnamz ma guh yah; [4]mwngz ij maj bonjdeih gou aeu gij lwgsau caeuq gou doxcaemh minzcuz he ma hawj daeglwg gou Hijsaj guh yah. [3a]Hoeng hauhnaeuz gij baujcingq neix guh mbouj daengz nex, mwngz caemh gag rox, mwngz couh ij ngaiz Yehhozvaz, couh dwg gwnzmbwn caeuq lajdeih dih Cangqdiq, fad mwngz lo.”

Lizsij dih Gaihcij 28:1

Gajlaeng Hijsaj couh heuh Yajgoz daeuj daengz dangqnaj de, youh raengq youh hoh fuk hawj de naeuz: “Mwngz gaejyungh aeu gij lwgsau Gyahnamz ma guh yah lo.

Lizsij dih Gaihcij 3:6

Yiengq, boux vunzbaz mwnq caemh raen gij mak gwnz go faex mwnq cix ndeiyawj, caemhcix lujnaeuz ndei gw raixcaix nwih, youhcaiq ndaej hawj vunz rox faenbied ndei caeuq yak he. De couh gig hozgyaez, couh mbaet roengzma gw. De caemh mbaet hawj goeng de gw; goeng de caemh gw lo. (Mwhde goeng de caemh youq henz de.)

Lizsij dih Gaihcij 34:2

Dieg mwnq miz boux he heuh Siqgiemq. Daxboh de heuh Hahmaz, dwg Hihveiq vunz, caemh dwg dang dieg mwnq hih daeuzdaeuz he. Siqgiemq yawjraen Dijnaz, couh rag dawz de, gaemh de.

Lizsij dih Gaihcij 46:12

Youzdaq caeuq doengh daeglwg de Wj, Ngoznamz, Siqlah, Fazlwzswh caeuq Seqlah (hoeng Wj caeuq Ngoznamz gaenq rai youq dieg Gyahnamz lo). Fazlwzswh caemh miz lwg lo, couh dwg Hijswhlwnz caeuq Hahmujlwz.

Lizsij dih Gaihcij 6:2

yiengq, vunz cwng doengh boux ‘lwg cwnz’ he mwnq raen doenghheij lwgsau heijvunz mwnq gyaeu le, couh seizbienh genj aeu ma guh yah.

Lizsij dih Gaihcij 6:4

Mwhmwnq gij vunz cwng hih ‘lwg cwnz’ he caeuq gij lwgsau vunz gaep guh gvanjbaz le, doengh daih gajlaeng de cix yak cix ak, youq gujdaiq cienfanh miz mingz he. Yiengq youq mwhneix, caemh miz dujfeij (gajlaeng caemh vanzlij miz he). Gij vunz couh heuh gij dujfeij neix heuh ‘vunz goeg.’

Gohlimzdoh Ngeih 6:14

Faenhsou mbouj ndaej caeuq gij vunz mbouj sinq Gihduz he baenxlai caen. Ndei caeuq yak baenzlawz ndaej doxgaep nej? Laep caeuq rongh baenzlawz ndaej doxdoengz miz nej?