Lizsij dih Gaihcij 31:32 - Gij Baujcingq Moq Caeuq Geij Bonj Gij Baujcingq Daeuzdaeuz

³² Hoeng gou caemh mij caeg aeu mwngz saek gaiq doxgaiq hah. Mwngz youq dangqnaj gij beixnuengx raeuz cimhcimh yawj, cimhraen gijmaz dwg gij doxgaiq mwngz hih, couh dawz bae bax. Hauhnaeuz mwngz youq laeng bouxlawz mo ndaej raen duz you mwngz nex, bouxlawz couh ngaiz gajrai!” Gizsaed Yajgoz gaenhbaenj mbouj rox Lahgyez caeg aeu duz you daxboh de.

Lizsij dih Gaihcij 31:32 Iomraidhean Croise

Lizsij dih Gaihcij 13:8

Couh vih yienghneix, Yaqbwzlanz doiq Lozdwz naeuz: “Raeuz dwg beixnuengx hwj; mbouj ndaej doxceng nej! Daiqlienz gyoengq dajciengx mwngz caeuq gyoengq dajciengx gou cungj caemh mbouj ndaej doxceng.

Lizsij dih Gaihcij 19:7

couh doiq gyoengq vunz naeuz: “Gak boux beixnuengx hax, cingj faenhsou ciengeiz gaej guh gij saeh yienjcik yienjgienq neix!

Lizsij dih Gaihcij 30:33

Yienghneix baezneix mwngz daeuj caz yawj gou ndaej dih ngaenzhong, caemh ndaej cingqmingz naeuz gou dwg boux lauxsaed he; famz dwg youq laeng gou ciengx hih yiengz, hauhnaeuz mbouj dwg miz baenx demj miz raizbanq hih yiengzbya, caeuq mbouj dwg miz baenx demj ndaem hih menzyiengz, couh suenq gou caeg aeu lo.”

Lizsij dih Gaihcij 31:19

Mwhde, Lahbanh mbouj youq ranz, bae daet fwn yiengz lo. Lahgyez couh swngzgei caeg aeu duz you ndaw ranz daxboh de.

Lizsij dih Gaihcij 31:23

Yiengq Lahbanh couh daiq baenx gyoengq beixnuengx de bae boenq Yajgoz, boenq daengz daixcaet ngoenz, youq Gihlez cij boenq ndaej dawz.

Lizsij dih Gaihcij 31:30

Gou rox naeuz mwngz siengj ranz daxboh mwngz lo, cungj ngengh ij maj, yiengq mwngz couh bae bax. Hoeng, mwngz vihmaz ij caeg aeu duz you ndaw ranz gou nej?”

Lizsij dih Gaihcij 31:31

Yajgoz han naeuz: “Gou caegcaeg deuz, dwg lau mwngz dajlaeng gou dued aeu dahlwg mwngz maj hah.

Lizsij dih Gaihcij 31:33

Gajlaeng, Lahbanh couh gaihcij sousou diemjdiemj. De sien haeuj aen cangqbungz Yajgoz bae diemj gaxgonq, cij daengz aen Liqyaq, caiq daengz aen song dahhoiq gyoengqde bae diemj, hoeng cungj mij diemj ndaej raen saek gaiq. Yiengq de caiq haeuj aen cangqbungz Lahgyez bae diemj.