Lizsij dih Gaihcij 30:3 - Gij Baujcingq Moq Caeuq Geij Bonj Gij Baujcingq Daeuzdaeuz

³ Lahgyez dingq le, couh doiq Yajgoz naeuz: “Nex, dahhoiq gou Bizlah youq dineix; mwngz couh caeuq de ninz bax. Ninz le, gou couh ndaej dajlaeng de miz lwg lo, yiengq gou couh ndaej guh daxmeh lo.”

Lizsij dih Gaihcij 30:3 Iomraidhean Croise

Lizsij dih Gaihcij 30:9

Liqyaq raen bonjfaenh de dingz seng mbouj ndaej caiq miz lwg le, couh hawj dahhoiq de Sizbwz hawj Yajgoz guh yahnoix.

Lizsij dih Gaihcij 46:25

Gwnz neix dwg Bizlah dih doengh daih gajlaeng. Bizlah dwg Lahbanh soengq hawj dah lwgsau de Lahgyez guh swqhaeuh de he. De seng hawj Yajgoz dih lwglan, itgungh miz caet boux.

Lizsij dih Gaihcij 50:23

De lij lix mwhde, ndaej raen Hijfazlenz dih lwg caeuq lan, caemh dawz daeglan Majnazsih, couh dwg Majgiz hih lwg, gvi haeuj bonjfaenh de.

Geiq Luqdwz 4:11

Boh'ahswh yienghneix gangj le, doengh boux gangj vah couh baenz he caeuq mwhde soj gvaengz youq baksingz dih vunz cungj naeuz: “Raeuz nyienh'eiq cingqmingz. Muengh Yehhozvaz sawjhawj ngoenzneix haeuj aen gya mwngz bae hih dah neix, caemh luj laeb hwnj aen gya Hijswzlez dih Lahgyez caeuq Liqyaq ityiengh, miz lwg miz lan, hwngqhwngq seiqseiq. Muengh Yehhozvaz sawjhawj mwngz youq Hijfazdah cuz miz mingz, riengzmingz baenx Bwzliqhaengz.