Lizsij dih Gaihcij 3:17 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁷ Yehhozvaz Cangqdiq caemh vanzlij doiq boux vunz mwnq, couh dwg boux heuh Yaqdangh mwnq, naeuz: “Mwngz gingqyienz dingq gij vah mehyah mwngz, caeg gw gij mak gou gimqcij mbouj hawj mwngz gw he! Yiengq, gij dieg ij vih mwngz hwj ngaiz souh daengz mang, mwngz caemh ij baenxseiq vunz cungj ij guh hong dwgrengz hwj cij ndaej daj ndaw reih sou haeujma hih gij gw.

Lizsij dih Gaihcij 3:17 Iomraidhean Croise

Lizsij dih Gaihcij 3:11

Gajlaeng Yehhozvaz Cangqdiq naeuz: “Byawz naeuz mwngz ni mwngz loxgenz loxgangh lah? Dwg mbouj dwg mwngz gw gij mak gou gimqcij mbouj hawj mwngz gw he?”

Lizsij dih Gaihcij 3:18

Lajdoem caemh ij hwnj miz oenoen cahcah, nywjnywj nyaengqnyaengq. Mwngz caemh ij ngaiz daj cungj dieg neix aeu doenghgij gw he.

Lizsij dih Gaihcij 3:6

Yiengq, boux vunzbaz mwnq caemh raen gij mak gwnz go faex mwnq cix ndeiyawj, caemhcix lujnaeuz ndei gw raixcaix nwih, youhcaiq ndaej hawj vunz rox faenbied ndei caeuq yak he. De couh gig hozgyaez, couh mbaet roengzma gw. De caemh mbaet hawj goeng de gw; goeng de caemh gw lo. (Mwhde goeng de caemh youq henz de.)

Lizsij dih Gaihcij 5:29

Lahmwz naeuz: “Cangqdiq mang gij dieg, hawj raeuz dwgrengz sinhoj guh hong; daeglwg neix ndaej hawj raeuz daj ndaw dwgrengz sinhoj ndaw de ndaej daengz vued.” Yiengq de couh an coh hawj de heuh Nozyaq. (‘Nozyaq’ gij coh neix caeuq gij vah Hihbwzlaiz dih cih ‘vued’ doeg ijvanh doxdoengz.)

Lizsij dih Gaihcij 8:21

Gajlaeng Yehhozvaz mupraen gij heiq rang coemh hwj dajbwiz mwnq le, ndaw sim de gag naemj: “Gou gan rox, gij vunz daj lij iq, ndaw sim cix miz cungj doegdoeg siebsieb he lo, hoeng gou mbouj caiq vih gij vunz hwj mang gij dieg haem lo, mbouj caiq luj mbat neix cawz lajmbwn sojmiz miz mingh hih lo.

Majdaiq Saw 22:12

De raen yienghneix couh cam boux de naeuz: ‘Baengzyoux, mwngz daeuj dineix vihmaz mij daenj buh ndei nej?’ Boux de dingq le, mij maz vah ndaej gangj.

Majdaiq Saw 25:45

“Yiengq goengjvuengz gaengjdingq han gyoengqde naeuz: ‘Gou saedsaeh naeuz sou ni, cijaeu faenhsou doi mbouj bang gyoengq beixnuengx gou ndaw de dih boux he, cungjsuenq naeuz boux de dwg boux ceiq yaez he, yiengq, couh suenq dwg mbouj bang gou lo.’

Luqgyah Saw 19:22

“Bouxcawj dingq de yienghneix naeuz le, ndatheiq hwj doiq de naeuz: ‘Mwngz dwg bouxhoiq simdoeg he! Bingz gij vah mwngz, gou couh ndaej dingh coih hawj mwngz. Mwngz giqyienz rox gou youqgaenj, dued aeu gij gou mij doengh fawz guh he, sou aeu gij gou mij geng mij ndaem he,

Yozhanq Saw 16:33

Gou naeuz sou ni doenghgij neix dwg ij hawj faenhsou dunghgoq gou hwj ndaej bingzan. Cijmboujgoq faenhsou youq lajmbwn ij ngaiz miz nanh, hoeng, faenhsou gaejyungh you, aenvih gou gaenq ak goq aen seiqgyaiq neix lo.”

Lozmaj Saw 3:19

Raeuz rox, fazliz dih gveihdingq diuzliq dwg doiq gij vunz youq fazliz laj de dingh he, vih mbouj siengj hawj vunz miz maz vah gangj, hawj lajmbwn sojmiz hih vunz cungj fug Cangqdiq dih saemjbuenq.

Hihbwzlaiz Saw 6:8

Hoeng, hauhnaeuz gaiq de hwnj doengh go oen he, doengh go doiq vunz mij'z ik he nex, gaiq de couh ij ngaiz souh daengz mang souh daengz vueng.