Lizsij dih Gaihcij 3:1 - Gij Baujcingq Moq Caeuq Geij Bonj Gij Baujcingq Daeuzdaeuz

¹ Yehhozvaz Cangqdiq cauh hih sojmiz doenghduz, suenq duz ngwz ceiq ganvad. Duz ngwz cam boux vunzbaz mwnq naeuz: “Cangqdiq cingqcaen naeuz faenhsou, mbouj hawj faenhsou gw ndaw suen neix sojmiz hih mak haz?”

Lizsij dih Gaihcij 3:1 Iomraidhean Croise

Majdaiq Saw 10:16

Yehsuh vanzlij caiq doiq cibngeih boux lwgsae de naeuz: “Gou seizneix baij faenhsou ok bae caemhdangq luj duz yiengz ndaenj haeuj ndaw gyoengq langz bae ityiengh. Sojhij faenhsou ij siujsim, ij luj duz ngwz yienghmwnq gvai, caemh ij luj duz roegguqgap yienghmwnq soh.

Majdaiq Saw 4:3

Couh youq mwhneix, fangzvuengz daeuj yaeuh de doiq de naeuz: “Hauhnaeuz mwngz dwg daeglwg Cangqdiq nex, mwngz couh mingqlingq ngauq rin neix, hawj de bienq menqbauh bax!”

Majdaiq Saw 4:6

caiq doiq de naeuz: “Hauhnaeuz mwngz dwg lwg Cangqdiq nex, mwngz couh daj dineix diuq roengzbae bax, aenvih ndaw Singqgingh ndaw de caemh sij naeuz: Cangqdiq raengq bouxcai de, hawj bouxcai de aeu fawz ma raeuz mwngz baujhuq mwngz, hawj mwngz mbouj ngaiz bungq dawz rin hah.”

Majdaiq Saw 4:9

couh doiq de naeuz: “Neq! Mwngz yawj veiq; hauhnaeuz mwngz baiq gou sax gou nex, gou couh dawz mwngz soj yawjraen hih cungj soengq hawj mwngz.”

Gohlimzdoh Ngeih 11:14

Gizsaed, gou naeuz hax, gijn'x mbouj geizheih hih nej, aenvih daiqlienz Sajdanq fangzvuengz cungj caemh rox cang guh bouxcai rongh sagsag Cangqdiq he.

Gohlimzdoh Ngeih 11:3

Hoeng, gou lau faenhsou ngaiz vunz yaeuh hwj mbouj caiq caensim aiq Gihduz, caemh luj Yaqvah ngaiz duz ngwz yaeuh yienghmwnq,

Bijdwz It 3:7

Caemh doxdoengz, faenhsou guh goengjgvan hih caemh ij soenhcungq mehyah, ij rox gvansim de, aenvih gyoengqde mbouj ndaej beij mwngz giengz. Hoeng, de caeuq mwngz doxdoengz caemh miz Cangqdiq nyok hawj hih saen hih mingh. Hauhnaeuz faenhsou ndaej yienghneix guh, faenhsou gouzhaenh Cangqdiq hih mwhde couh mbouj miz maz gaz dawz lo.

Gihduz Hawj Vunz Rox 12:15

Gajlaeng duz lungz mwnq daj ndaw bak boq raemx okdaeuj, boq okdaeuj luj diuz dah he nwih, siengj cung meh de deuz.

Gihduz Hawj Vunz Rox 12:9

ngaiz daj gwnzmbwn gveng roengz doem bae lo. Duz lungz neix couh dwg duz fangzvuengz mwnq, caemh dwg heuh Sajdanq hih yaeuh baenx cenz lajmbwn hih duz ngwz laux mwnq lo. De ngaiz gveng roengz doem bae; doenghheij cai de caemh ngaiz gaen gveng roengz doem bae.

Gihduz Hawj Vunz Rox 20:2

De roengz daeuj le, couh gaemh dawz duz lungz mwnq, couh dwg duz ngwz doenghbaez yaeuh vunz mwnq, caemh heuh fangzvuengz Sajdanq hih mwnq, gaemh dawz duz de goenj hwnjdaeuj, goenj cien bi.