Lizsij dih Gaihcij 26:24 - Gij Baujcingq Moq Caeuq Geij Bonj Gij Baujcingq Daeuzdaeuz

²⁴ ngwnz mwnq, Yehhozvaz yienh hawj de raen, naeuz: “Gou dwg Cangqdiq, couh dwg baujcuk baujyouh daxboh mwngz Yaqbwzlahhanj dih Cangqdiq. Mwngz gaejyungh lau, aenvih gou caeuq mwngz youq. Vih bouxhoiq gou Yaqbwzlahhanj dih laizyouz, gou ij soengq fuk hawj mwngz, vanzlij sawjhawj doengh daih gajlaeng mwngz fatdad lailai hwj hwngqhwngq seiqseiq bae.”

Lizsij dih Gaihcij 26:24 Iomraidhean Croise

Lizsij dih Gaihcij 13:16

Gou caemh ij hawj doengh daih gajlaeng mwngz lai luj gij boenqcingh lajdoem, geq cungj geq mbouj rox liux; miz byawz ndaej geq gij boenqcingh lajdoem liux nex, caemh ndaej geq doengh daih gajlaeng mwngz liux lo.”

Lizsij dih Gaihcij 15:1

Goq gienh saeh neix le, Yaqbwzlanz lujnaeuz fangxngwnz yienghmwnq dingqri Yehhozvaz doiq de naeuz: “Yaqbwzlanz, mwngz gaejyungh lau; gou dangq baj doenqbaiz mwngz, dangj youq dangqnaj mwngz ndaej baujhuq mwngz, caemh ij nyok hawj mwngz haujlai haujlai hwj.”

Lizsij dih Gaihcij 17:7

Gou caemh ij yiengq mwngz caeuq doengh daih gajlaeng mwngz baujcingq; gij baujcingq neix dwg cien nienz fanh daih cungj mbouj bienq he, couh dwg gou ij guh Cangqdiq mwngz caeuq Cangqdiq doengh daih gajlaeng mwngz.

Lizsij dih Gaihcij 17:8

Mwnq dieg mwngz seizneix doz youq he, couh dwg baenx cenz Gyahnamz hih dieg, gou caemh ij nyok hawj mwngz caeuq nyok hawj doengh daih gajlaeng mwngz, hawj faenhsou ndaej yungjyenj aeu ma guh gyadangq; gou caemh dwg Cangqdiq gyoengqde.”

Lizsij dih Gaihcij 21:17

Gajlaeng, Cangqdiq dingqri laeq lwgngez mwnq daej, yiengq bouxcai Cangqdiq couh dajlwh gwnzmbwn heuh Yaqgyaz naeuz: “Yaqgyaz hax, Yaqgyaz! Mwngz guxmaz daej vauxvaux lah? Gaej lau; Cangqdiq gaenq dingqri laeq lwg mwngz daej lo.

Lizsij dih Gaihcij 22:17

gou bietdingh soengq fuk hawj mwngz, hawj doengh daih gajlaeng mwngz fat lailai hwj, fat lai luj gij ndaundeiq gwnzmbwn, luj anjsa henz haij yienghmwnq lai. Gyoengqde caemh ndaej hoenxhingz dizyinz ciemq aeu aen singz gyoengqde.

Lizsij dih Gaihcij 22:19

Bouxcai gangj doengh gawq neix sat le, Yaqbwzlahhanj couh dauq ma daengz song bouxhoiq mwnq. Gyoengqde couh itheij maj Bezciqbah, couh dwg Yaqbwzlahhanj doz youq hih mwnq dieg mwnq.

Lizsij dih Gaihcij 24:12

De couh gouz Yehhozvaz naeuz: “Yehhozvaz hax! Bouxcawj gou Yaqbwzlahhanj dih Cangqdiq hax! Gouz mwngz hawj gou ngoenzneix guh hih saeh guh ndaej doeng, hawj Yaqbwzlahhanj rox naeuz mwngz dwg aiq de dih.

Lizsij dih Gaihcij 28:13

caemh raen Cangqdiq ndwn youq baixgwnz lae, doiq de naeuz: “Gou dwg Yehhozvaz, dwg baujcuk baujyouh daxgoeng mwngz Yaqbwzlahhanj caeuq daxboh mwngz Hijsaj dih Cangqdiq. Gou ij dawz dieg mwngz ninz neix soengq hawj mwngz caeuq gij lwglwg lanlan doengh daih gajlaeng mwngz.

Lizsij dih Gaihcij 28:15

Gou caemh caeuq mwngz youq; mboujlwnh mwngz bae daengz mwnqlaw, gou cungj baujcuk baujyouh mwngz, vanzlij daiq mwngz dauq ma daengz gij dieg neix. Gou baenzbaenz cungj mbouj liz mbouj vwt mwngz; gou ij doiqyienh gaxgonq gou dapwngq hawj mwngz hih.”

Lizsij dih Gaihcij 28:3

Muengh akak rengzrengz gaiqgaiq cungj ndaej guh daengz dih Cangqdiq soengq fuk hawj mwngz, sawjhawj mwngz miz lwglwg lanlan hwngqhwngq seiqseiq, bienqbaenz aen minzcuz hunghung he.

Lizsij dih Gaihcij 30:27

Yiengq Lahbanh han naeuz: “Muengh mwngz vanzlij giqcuz youq mwnqneix youq! Gou suenqmingh goq lo, rox dwg vihliux mwngz Yehhozvaz cij soengq fuk hawj gou.”

Lizsij dih Gaihcij 31:5

Yajgoz couh doiq song boux de naeuz: “Gou roxnginh daxboh faenhsou doiq gou mbouj luj gaxgonq yienghmwnq ndei lo, hoeng, baujcuk baujyouh daxboh gou dih Cangqdiq itcig cungj caeuq gou youq, cauqguq gou.

Lizsij dih Gaihcij 39:2

Yiengq Yozswz couh youq laeng boux de youq. Yehhozvaz caemh caeuq Yozswz youq, sawjhawj de yienghyiengh swnh.

Lizsij dih Gaihcij 39:3

Bouxcawj de Bohdizfaz raen Yehhozvaz siengzseiz cungj caeuq Yozswz youq, caiq soengq fuk hawj de, sawjhawj de guh hih saeh yienghyiengh cungj swnh.

Lizsij dih Gaihcij 46:1

Gajlaeng Yajgoz couh daiq sojmiz dih gyadangq byaij goq aen cwnq Bezciqbah bae Ngaihgiz. De byaij daengz Bezciqbah le, couh dawz doxgaiq bae bwiz boux cauqguq daxboh de Hijsaj dih Cangqdiq.

Ok Ngaihgiz 14:13

Yiengq, Mohsih han gyoengqde naeuz: “Faenhsou gaejyungh lau! Gaejyungh luenh riq! Yawjyawj Yehhozvaz ngoenz neix baenzlaw gouq faenhsou! Faenhsou caemh mbouj caiq raen gij vunz Ngaihgiz laem lo.

Ok Ngaihgiz 3:6

Cangqdiq caiq naeuz: “Gou dwg baujcuk baujyouh cojgoeng mwngz dih Cangqdiq, dwg Yaqbwzlahhanj dih Cangqdiq, Hijsaj dih Cangqdiq, Yajgoz dih Cangqdiq.” Mohsih dingq de yienghneix naeuz le, cungj lau hwj got raeuj bae mbouj gamj yawj de.

Majdaiq Saw 22:32

De naeuz: Gou dwg cojgoeng faenhsou Yaqbwzlahhanj dih Cangqdiq, Hijsaj dih Cangqdiq, Yajgoz dih Cangqdiq. Gij iqswh neix couh dwg naeuz, Cangqdiq dwg vunzlix dih Cangqdiq, mbouj dwg vunzrai dih Cangqdiq.”

Luqgyah Saw 12:32

De vanzlij doiq gij lwgsae de naeuz: “Lwg gou hax, faenhsou gaejyungh lau, aenvih Bohmbwn faenhsou de haenjheiq hawj faenhsou guenj aen guek de.

Geiq Dwzbaijyienz 7:32

‘Gou dwg baujcuk baujyouh cojgoeng mwngz dih Cangqdiq, dwg Yaqbwzlahhanj, Hijsaj caeuq Yajgoz dih Cangqdiq.’ Mohsih dingq le, lau hwj dungxmbouq ndangsaenz mbouj gamj yawj bae.

Hihbwzlaiz Saw 11:16

Gyoengqde soj siengjmuengh hih dauq dwg youq gwnzmbwn mwnq dieg engqgya ndei hih lah. Sojhij Cangqdiq gaenhbaenj mbouj vih gyoengqde yienghneix muengh hwj roxnginh saetnaj saetnyaenq, caemh haenjheiq gyoengqde nginh de dwg gyoengqde dih Cangqdiq, aenvih baenjlaiz Cangqdiq gaenq youq gwnzmbwn cwnjbiq aen singz he hawj gyoengqde lo.

Hihbwzlaiz Saw 13:6

Sojhij gyoengqraeuz wnggai mbeihung hwj naeuz: “Cangqdiq dwg bang gou hih; gou gaengjdingq mbouj lau. Vunz cix ij dawz gou baenzlaw yiengh bae?”

Gihduz Hawj Vunz Rox 1:17

Gou baex yawjraen he, couh lau hwj laemxdengx youq dangqnaj de, iet sohsangh luj vunzrai nwih. De raen yienghneix le, couh aeu fawz gvaz de ma oemj gwnz ndang gou doiq gou naeuz: “Gaej lau, gaej lau! Gou dwg gaihcij, gou dwg gatsat lah.

Geiq Luqdwz 3:11

De caiq naeuz: “Lwg hah, mwngz gaejyungh heiq; mwngz soj gouz hih, gou gaengjdingq nganhbaiz ndei hawj mwngz. Gij vunz ndaw singz cungj rox naeuz mwngz dwg boux aeueiq bouxlaux he, gw dauhleix caemh gig roxsoq he.