Lizsij dih Gaihcij 24:10 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁰ Couh yienghneix, bouxhoiq couh daj ndaw gyoengq lozdoz Yaqbwzlahhanj genj aeu cib duz lozdoz ma doz gak cungj doxgaiq, yiengq fueng Meijsojbuqdazmijyaq, bae daengz aen singz Nazhoq.

Lizsij dih Gaihcij 24:10 Iomraidhean Croise

Lizsij dih Gaihcij 11:26

Dahlah daengz caetcib bi hih bi mwnq, gaenq miz sam daeglwg lo, couh dwg Yaqbwzlanz, Nazhoq caeuq Hahlanz.

Lizsij dih Gaihcij 11:31

Dahlah daiq daeglwg de Yaqbwzlanz caeuq daeglan de Lozdwz (Lozdwz couh dwg daeglwg Hahlanz) vanzlij miz mehbawx de Sajlaiz daj dieg Gyahlwzdij dih Uzwj Singz bae dieg Gyahnamz. Hoeng gyoengqde bae daengz Hahlanz Singz le, couh youq mwnq youq lo.

Lizsij dih Gaihcij 11:32

Dahlah souh ndaej songbak lingz haj bi; de rai youq Hahlanz.

Lizsij dih Gaihcij 22:20

Gij saeh neix goq le, miz vunz naeuz Yaqbwzlahhanj ni beixsauj de Mizgyah caeuq daeggo de Nazhoq caemh miz geij daeglwg lo.

Lizsij dih Gaihcij 24:2

Miz ngoenz he, de doiq boux guenjgya de, caemh dwg bouxhoiq nienzgeij ceiq laux he, naeuz: “Daeuj, dawz gij fawz mwngz coengq haeuj luengqha gou daeuj.

Lizsij dih Gaihcij 24:22

Daengj lozdoz gw raemx ndaej le, boux guenjgya couh dawz aen naek miz roek gwz hih gyengx gim raek ndaeng caeuq song aen naek miz song liengx geij dih goenh gim hawj dah Liqbwzgyah dawz,

Lizsij dih Gaihcij 24:53

Baiq le, de couh aeu doenghgij raek youq gwnz hoz, gwnz fawz, gwnz rwz hih gimgim ngaenzngaenz caeuq buh soengq hawj Liqbwzgyah, caemh soengq hawj daeggo de caeuq daxmeh de haujlai dijbauj hih doxgaiq.

Lizsij dih Gaihcij 27:43

De caiq naeuz: “Lwg hax! Mwngz seizneix ij dingq gij vah gou, ciuq gij vah gou bae guh. Seizneix mwngz majcangq deuz bae Hahlanz, laeng daeggo gou Lahbanh mwnq bae youq.

Lizsij dih Gaihcij 29:1

Yajgoz vanzlij caiq ganjroen; de bae daengz gij dieg vunz baixdoeng he.

Lizsij dih Gaihcij 29:2

De raen ndaw doengh reih miz aen cingj he. Youq henz cingj miz sam gyoengq yiengz ninz youq henz de, aenvih gij vunz ciengx yiengz cungj dwg dajlwh ndaw cingj neix aeu raemx hwnj ma hawj yiengz gw he. Hoeng, aen cingj neix gwnz de goemq miz baj rin hunghung he.

Geiq Dwzbaijyienz 2:9

Gyoengqraeuz dineix miz Baqdizyaq vunz, Majdaiq vunz, Hijlanz vunz, caeuq youq Meijsojbuqdazmijyaq hah, youq Youzdaiq hah, youq Gyahbaqdohgyah hah, youq Baenjduh hah, youq Yaqsiqyaq hah,