Lizsij dih Gaihcij 22:7 - Gij Baujcingq Moq Caeuq Geij Bonj Gij Baujcingq Daeuzdaeuz

⁷ Bae le, Hijsaj heuh daxboh de naeuz: “Boh hax boh!” Yiengq Yaqbwzlahhanj han naeuz: “Aex, lwg hax, guxmaz lah!” Hijsaj han naeuz: “Gyoqfeiz caeuq liu cungj miz lo, hoeng, duz yiengz ij coemh hwj dajbwiz he nej?”

Lizsij dih Gaihcij 22:7 Iomraidhean Croise

Lizsij dih Gaihcij 22:8

Yaqbwzlahhanj han naeuz: “Lwg hax, duz yiengz coemh hwj dajbwiz he, Cangqdiq de gag cwnjbiq miz hawj nex; raeuz mboujyungh you.” Song boux de yienghneix mwngz gawq gwh gawq caemh vanzlij dwg giqcuz ganjroen.

Lizsij dih Gaihcij 8:20

Hawj gyoengqde ok ma le, gajlaeng de couh caeb aen daiz dajbwiz he, dawz gak cungj doengh duz ndaej aeu ma guh dajbwiz hih aeu ma coemh hwj bwiz Yehhozvaz.

Ok Ngaihgiz 12:3

Faenhsou ij raengq sojmiz dih gij vunz Hijswzlez, ndwen neix cojcib, moix it hoh dih cawjranz cungj ij vih aen gya bonjfaenh genj aeu duz yiengzlwg he, it hoh it duz.

Ok Ngaihgiz 29:38

“Mwngz ngoenznaengz cungj ij dawz song duz bi he dih yiengzlwg daeg ma dajbwiz,

Majdaiq Saw 26:39

De yienghneix naeuz le, couh byaij doxbae di he, couh gvih bomz roengzbae, gouz naeuz: “Boh gou hax! Hauhnaeuz mwngz nyienh'eiq, gou couh gouz mwngz mbouj hawj gou souh gij haemzhoj neix. Gannaeuz gou gouz mwngz yienghneix lah, hoeng, vanzlij dwg ciuq gij cawjeiq mwngz bae guh bax.”

Majdaiq Saw 26:42

De yienghneix naeuz le, caiq byaij bae daixngeih mbat, caiq bae gouz Cangqdiq naeuz: “Boh gou hax, hauhnaeuz gij haemzhoj neix gou cungj mienx mbouj liux, bietdingh ij ngaiz souh nex, couh muengh gij cawjeiq mwngz ndaej saedyienh.”

Yozhanq Saw 1:29

Gajlaeng, daengz daixngeih ngoenz, guh sijlij dih Yozhanq yawjraen Yehsuh byaij goqdaeuj, couh naeuz: “Neq, yawj hax, duz yiengzlwg Cangqdiq, couh dwg boux bang vunz rap coih hih boux mwnq,

Yozhanq Saw 1:36

De raen Yehsuh byaij goqdaeuj le, couh naeuz: “Neq, boux mwnq couh dwg vih ij bang vunz rap coih hwj ngaiz rai hih duz yiengzlwg Cangqdiq lo.”

Yozhanq Saw 18:11

Gajlaeng Yehsuh couh doiq Bijdwz naeuz: “Sou fag giemq hwnjdaeuj! Daxboh hawj gou rap hih nanh gou mbouj wnggai rap mah?”

Lozmaj Saw 8:15

Cangqdiq soengq Hoenzsaenz bonjfaenh de hawj faenhsou, mbouj dwg hawj faenhsou guh hoiq caeuq hawj faenhsou vanzlij lau haem nej, dauq dwg hawj faenhsou ndaej guh lwg de, hawj faenhsou ndaej heuh de ‘ahbah, daxboh gou’ lah.

Gihduz Hawj Vunz Rox 13:8

Lajmbwn sojmiz hih vunz, famz dwg daj cauh mbwn cauh deih doxdaeuj hih gij coh mij daengh youq ndaw bonj yiengzlwg ngaiz gaj hih ndaw bonjbouh miz mingh hih vunz, cungj baiq duz de.