Lizsij dih Gaihcij 22:17 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁷ gou bietdingh soengq fuk hawj mwngz, hawj doengh daih gajlaeng mwngz fat lailai hwj, fat lai luj gij ndaundeiq gwnzmbwn, luj anjsa henz haij yienghmwnq lai. Gyoengqde caemh ndaej hoenxhingz dizyinz ciemq aeu aen singz gyoengqde.

Lizsij dih Gaihcij 22:17 Iomraidhean Croise

Lizsij dih Gaihcij 12:2

Gou gaengjdingq hawj mwngz miz lwg, miz lan, miz laenj, fatdad lailai hwj bienqbaenz aen guek hunghung he. Gou caemh ij soengq fuk hawj mwngz, hawj mwngz miz mingz, gij vunz caemh ndaej dajlaeng mwngz ndaej miz fuk.

Lizsij dih Gaihcij 13:16

Gou caemh ij hawj doengh daih gajlaeng mwngz lai luj gij boenqcingh lajdoem, geq cungj geq mbouj rox liux; miz byawz ndaej geq gij boenqcingh lajdoem liux nex, caemh ndaej geq doengh daih gajlaeng mwngz liux lo.”

Lizsij dih Gaihcij 15:5

Yehhozvaz gangj daengz mwnqneix le, couh daiq Yaqbwzlanz ok rog bae, doiq de naeuz: “Hawjm'z muenghmuengh yawj gwnzmbwn lux, gij ndaundeiq gwnzmbwn bijhuzcih bae; mwngz geq ndaej liux haz?” De vanzlij naeuz: “Doengh daih gajlaeng mwngz baezneix caemh ij luj gij ndaundeiq gwnzmbwn yienghmwnq bijhuzcih bae, geq cungj geq mbouj rox liux.”

Lizsij dih Gaihcij 17:6

Cangqdiq youhcaiq naeuz: “Gou gaengjdingq ij hawj doengh daih gajlaeng mwngz fatdad lailai hwj, hwngqhwngq seiqseiq bienqbaenz haujlai haujlai aen minzcuz. Doengh daih gajlaeng mwngz caemh miz vunz dang vuengz.

Lizsij dih Gaihcij 24:60

Liqbwzgyah ijvanh okdin bae hih mwhde, gij vunz ndaw ranz de hoh fuk hawj de naeuz: “Dahnuengx raeuz hax, muengh mwngz ndaej guh fanh vunz dih daxmeh! Muengh doengh daih gajlaeng mwngz hoenx ndaej hingz dizyinz!”

Lizsij dih Gaihcij 25:11

Yaqbwzlahhanj rai le, Cangqdiq soengq fuk hawj daeglwg de Hijsaj. Hijsaj youq mwnq gaenh Biqwj-Lahhaijlaiz mwnq youq.

Lizsij dih Gaihcij 26:24

ngwnz mwnq, Yehhozvaz yienh hawj de raen, naeuz: “Gou dwg Cangqdiq, couh dwg baujcuk baujyouh daxboh mwngz Yaqbwzlahhanj dih Cangqdiq. Mwngz gaejyungh lau, aenvih gou caeuq mwngz youq. Vih bouxhoiq gou Yaqbwzlahhanj dih laizyouz, gou ij soengq fuk hawj mwngz, vanzlij sawjhawj doengh daih gajlaeng mwngz fatdad lailai hwj hwngqhwngq seiqseiq bae.”

Lizsij dih Gaihcij 26:4

hawj doengh daih gajlaeng mwngz fat ndaej lai luj gij ndaundeiq gwnzmbwn, caemh dawz mwnqneix sojmiz dih dieg soengq hawj gyoengqde. Lajmbwn gak aen minzcuz dih vunz cungj dwg dajlaeng doengh daih gajlaeng mwngz hih boux he ndaej miz fuk,

Lizsij dih Gaihcij 28:3

Muengh akak rengzrengz gaiqgaiq cungj ndaej guh daengz dih Cangqdiq soengq fuk hawj mwngz, sawjhawj mwngz miz lwglwg lanlan hwngqhwngq seiqseiq, bienqbaenz aen minzcuz hunghung he.

Lizsij dih Gaihcij 28:4

Muengh Cangqdiq soengq hawj Yaqbwzlahhanj dih gij fuk mwnq, seizneix caemh muengh de cenz hawj mwngz caeuq gij lwglwg lanlan doengh daih gajlaeng mwngz. Yiengq, mwngz gajlaeng caemh ndaej aeu gij dieg mwngz seizneix doz youq he, couh dwg gij dieg Cangqdiq soengq hawj Yaqbwzlahhanj he.”

Lizsij dih Gaihcij 32:13

Ngoenz mwnq doengxhaemh de couh daj gij doenghduz de aeu mbangj okdaeuj guh laex, soengq hawj daeggo de Hijsauj:

Ok Ngaihgiz 32:13

Gouz mwngz ndaejgeiq bouxhoiq mwngz Yaqbwzlahhanj, Hijsaj caeuq Hijswzlez, ndaejgeiq mwngz doiq gyoengqde yungh gij coh bonjfaenh mwngz ma fazsiq goq, ij hawj doengh daih gajlaeng gyoengqde fatdad lailai hwj luj gij ndaundeiq gwnzmbwn, vanzlij dawz mwngz dapwngq goq dih mwnq dieg mwnq soengq hawj doengh daih gajlaeng gyoengqde ma guh gyadangq, caemh dwg seiqseiz mbouj rox duet he dih gyadangq.”

Lozmaj Saw 4:13

Yaqbwzlahhanj caeuq doengh daih gajlaeng de cungj ndaej daengz Cangqdiq dih gij baujcingq mwnq; gij baujcingq mwnq couh dwg ij ndaej baenx cenz lajmbwn. Yiengq, Yaqbwzlahhanj ndaej hih gij baujcingq neix, mbouj dwg naeuz de soenhsouj fazliz le couh ndaej nej, dauq dwg de sinq Cangqdiq le ndaej youq ndaw lwgra Cangqdiq suenq dwg boux mij'z coih he hwj ndaej lah.

Lozmaj Saw 9:27

Hoeng, de caemh vanzlij caiq hawj Hijcaiqyaq boux cenz gij vah de neix doiq gij vunz Hijswzlez hemq goggog naeuz: Gij vunz Hijswzlez gannaeuz lai luj gij sa henz haij lah, hoeng, cijngamq miz dihdi vunz he ndaej gouq lah,

Gohlimzdoh It 15:57

Hoeng, docih Cangqdiq, de dunghgoq bouxcawj raeuz Yehsuh Gihduz hwj hawj raeuz hingz goq coih caeuq rai.

Hijfuzsoj Saw 1:3

Docih bouxcawj raeuz Yehsuh Gihduz dih Cangqdiq daxboh; de dunghgoq Yehsuh Gihduz hwj dawz gwnzmbwn gak yiengh hih fuk nyok hawj gyoengqraeuz.

Hihbwzlaiz Saw 11:12

Sojhij, de, Yaqbwzlahhanj, aen ndang de caenh luj mij'z yungh lo, hoeng, dauq ndaej miz lwg miz lan lai luj gij ndaundeiq gwnzmbwn, luj gij sa henz haij.

Hihbwzlaiz Saw 6:14

Gou gaengjdingq ij soengq fuk hawj mwngz, caemh hawj mwngz miz lwg miz lan lailai hwj.

Gihduz Hawj Vunz Rox 11:15

Yiengq daengz daixcaet boux bouxcai boq gywnhhauh. Boq hih mwhde, gwnzmbwn miz sing hemq goggog naeuz: “Aen ciqgyaiq neix gaenq bienqbaenz aen guek Cangqdiq caeuq aen guek Yehsuh, Cangqdiq soj laeb dih Gihduz lo! Cangqdiq ij yungjyungj yenjyenj guh vuengz gaem gienz roengzbae!”