Lizsij dih Gaihcij 21:17 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁷ Gajlaeng, Cangqdiq dingqri laeq lwgngez mwnq daej, yiengq bouxcai Cangqdiq couh dajlwh gwnzmbwn heuh Yaqgyaz naeuz: “Yaqgyaz hax, Yaqgyaz! Mwngz guxmaz daej vauxvaux lah? Gaej lau; Cangqdiq gaenq dingqri laeq lwg mwngz daej lo.

Lizsij dih Gaihcij 21:17 Iomraidhean Croise

Lizsij dih Gaihcij 15:1

Goq gienh saeh neix le, Yaqbwzlanz lujnaeuz fangxngwnz yienghmwnq dingqri Yehhozvaz doiq de naeuz: “Yaqbwzlanz, mwngz gaejyungh lau; gou dangq baj doenqbaiz mwngz, dangj youq dangqnaj mwngz ndaej baujhuq mwngz, caemh ij nyok hawj mwngz haujlai haujlai hwj.”

Lizsij dih Gaihcij 16:11

Bouxcai neix vanzlij caiq naeuz: “Hawjm'z yawj lux, mwngz seizneix gaenq mizndang lo; baezneix mwngz gaengjdingq seng miz daeglwg he. Mwngz ij an coh hawj de heuh Hijsizmajliq, aenvih Yehhozvaz gaenq dingqri mwngz danq gij haemzhoj mwngz lo.

Lizsij dih Gaihcij 16:7

Gajlaeng Yehhozvaz de yienh ok luj bouxcai bonjfaenh de hwj bae yawj Yaqgyaz. Yiengq de youq rogndoi henz aen mboq diuz roen bae Cuh'wj he raen Yaqgyaz.

Lizsij dih Gaihcij 16:8

Raen le, cam de naeuz: “Yaqgyaz, dahhoiq Sajlaiz, mwngz daj mwnqlaw daeuj lah? Ij bae mwnqlaw lah?” Yaqgyaz han naeuz: “Gou dajlaeng mehcawj gou mwnq deuz okdaeuj lah.”

Lizsij dih Gaihcij 16:9

Gajlaeng bouxcai neix doiq de naeuz: “Mwngz ij doiqyungz maj laeng mehcawj mwngz mwnq bae, ij fug de guenj cij ndaej.”

Lizsij dih Gaihcij 22:11

Couh youq mwhneix, bouxcai Yehhozvaz daj gwnzmbwn hemq de naeuz: “Yaqbwzlahhanj! Yaqbwzlahhanj!” Yaqbwzlahhanj han naeuz: “Aex, gou youq dineix!”

Lizsij dih Gaihcij 24:7

aenvih Yehhozvaz Cangqdiq hawj gou biek ranz boh gou, aen cuz boh gou, ok daeuj hih mwhde, de doiq gou baujcingq goq naeuz: ‘Gou ij dawz dieg neix soengq hawj doengh daih gajlaeng mwngz.’ Yiengq gou caemh sinq de gaengjdingq baij bouxcai de roengz daeuj daiq mwngz bae, daj mwnq aeu dah lwgsau he ma hawj daeglwg gou guh yah dih.

Lizsij dih Gaihcij 26:24

ngwnz mwnq, Yehhozvaz yienh hawj de raen, naeuz: “Gou dwg Cangqdiq, couh dwg baujcuk baujyouh daxboh mwngz Yaqbwzlahhanj dih Cangqdiq. Mwngz gaejyungh lau, aenvih gou caeuq mwngz youq. Vih bouxhoiq gou Yaqbwzlahhanj dih laizyouz, gou ij soengq fuk hawj mwngz, vanzlij sawjhawj doengh daih gajlaeng mwngz fatdad lailai hwj hwngqhwngq seiqseiq bae.”

Lizsij dih Gaihcij 46:3

Cangqdiq naeuz: “Gou dwg baujcuk baujyouh daxboh mwngz dih Cangqdiq. Mwngz gaejyungh lau bae Ngaihgiz; gou gaengjdingq hawj doengh daih lwglwg lanlan laenjlaenj mwngz youq mwnq cungj ndaej bienqbaenz aen minzcuz hung he.

Ok Ngaihgiz 14:13

Yiengq, Mohsih han gyoengqde naeuz: “Faenhsou gaejyungh lau! Gaejyungh luenh riq! Yawjyawj Yehhozvaz ngoenz neix baenzlaw gouq faenhsou! Faenhsou caemh mbouj caiq raen gij vunz Ngaihgiz laem lo.

Ok Ngaihgiz 22:23

Hauhnaeuz yawj gyoengqde ngawz, gyoengqde gouz gou nex, gou gaengjdingq dingqri.

Ok Ngaihgiz 22:27

aenvih de caenhgag miz diuz buhdox neix, gauq diuz buh neix ndaej daenj raeuj lo. Hauhnaeuz mbouj miz diuz buh neix, de baenzlawz ndaej ninz nej? Daengz mwhmwnq, de gouz gou bang de, gou gaengjdingq bang de, aenvih gou dwg boux sim'unq he.

Ok Ngaihgiz 3:2

Sawqmwh, bouxcai Yehhozvaz youq mwnq luj luzfeiz he, youq ndaw caz oen dawz feiz yubyub hawj Mohsih raen. Mohsih yawjraen caz oen dawz feiz, hoeng, caz oen dauq mij ngaiz feiz gyemz dawz.

Ok Ngaihgiz 3:7

Yehhozvaz vanzlij caiq naeuz: “Gou gaenq yawjraen gij vunz gou youq Ngaihgiz ngaiz souh daengz bwkhaih, souh daengz cienfanh dwgrengz sinhoj he, caemh dingqri gyoengqde ngaiz goeng guenj hong bwk gyoengqde hwj gangznaek daejdanq gouz gouq, caemh rox gyoengqde dih haemzhoj.

Majdaiq Saw 15:32

Gajlaeng, Yehsuh couh heuh gyoengq lwgsae de goq daeuj, doiq gyoengqde naeuz: “Gou hojsik gyoengq vunz neix; gyoengqde gaen gou baenx sam ngoenz lo, cungj mij gijmaz gw haem. Gou mbouj nyienh hawj gyoengqde dungxiek maj, hoengjlau daengz dangjroen iek hwj ngunh hwj laemx bae bae.”

Majgoj Saw 5:36

Yehsuh dingq le, couh doiq Yazluj naeuz: “Gaejyungh lau; cijaeu sinq!”