Lizsij dih Gaihcij 2:9 - Gij Baujcingq Moq Caeuq Geij Bonj Gij Baujcingq Daeuzdaeuz

⁹ De caiq hawj doengh go faex gyaeugyaeu ndeindei he daj lajdoem did hwnjdaeuj, caemh giet gij mak ndei gw he. Youq cungqgyan suen caemh miz go faex hawj vunz mbouj rox rai he, caeuq miz go faex hawj vunz ndaej rox faenbied ndei caeuq yak he.

Lizsij dih Gaihcij 2:9 Iomraidhean Croise

Lizsij dih Gaihcij 2:17

caenhgag ndaek go ndaej hawj vunz rox faenbied ndei caeuq yak mwnq dawz hih mak, mwngz baenzbaenz cungj mbouj ndaej gw. Hauhnaeuz mwngz gw nex, dangjciengz ngoenz de gaengjdingq ngaiz rai lo.”

Lizsij dih Gaihcij 3:22

Gajlaeng, Yehhozvaz Cangqdiq ndaw hoz de gag naeuz: “Boux vunz neix gaenq luj raeuz ndaej rox faenbied ndei caeuq yak he hih lo. Gou mbouj hawj de caiq caeg mbaet aeu gij mak gwnz go faex hawj vunz mbouj rox rai hih mwnq ma gw lo; hauhnaeuz de caeg gw nex, de couh yungjyenj lix roengzbae nej.”

Lizsij dih Gaihcij 3:24

Yehhozvaz Cangqdiq boenq boux vunz mwnq deuz le, couh baij geij boux cenmonz bajsouj he daj gwnzmbwn roengz daeuj, souj youq suen Ihdenq hih mbiengj baixdoeng, caemhcaiq coengq fag giemq he youq mwnq. Fag giemq neix ndaej cienq seiq fueng bat baih, caemhcaiq ndaej ok feiz he. Cangqdiq yienghneix guh couh dwg hen mbouj hawj vunz bae daengz go mak hawj vunz gw le mbouj rox rai mwnq.

Lizsij dih Gaihcij 3:3

caenhgag ndaek go youq cungqgyan suen mwnq hih gij mak de, Cangqdiq gimqcij mbouj hawj raeuz gw. Mbouj danhcij naeuz mbouj hawj gw, daiqlienz mo cungj mbouj hawj mo. Hauhnaeuz raeuz mbouj dingq nex, raeuz gaengjdingq ngaiz rai.”

Lizsij dih Gaihcij 3:5

Cangqdiq mbouj hawj faenhsou gw dwg aenvih de rox, hauhnaeuz faenhsou gw gij mak go faex mwnq nex, faenhsou couh ndaej singqsag goqdaeuj, ndaej luj de yienghmwnq rox faenbied ndei caeuq yak lo.”

Yozhanq Saw 6:48

Gou couh dwg miz mingh hih gij gw.

Gohlimzdoh It 8:1

Gou seizneix ij gangjgangj gij vunz Cangqdiq ndaej mbouj ndaej gw doenghgij bwiz goq duz you he. Gangj daengz gij saeh neix, gyoengqraeuz bouxboux cungj naemqnaeuz miz gij ciqsiz neix, hoeng, gou naeuz hax, miz ciqsiz dwg hawj vunz gag naemqnaeuz bonjfaenh cungj rem raixcaix he lah; gizsaed caenhgag miz aiqsim cij cingqcaen dwg rem raixcaix, cij ndaej hawj vunz miz ik.

Gihduz Hawj Vunz Rox 2:7

Hoenzsaenz Cangqdiq yiengq gak aen gyauqveiq soj gangj hih vah, faenhsou cungj ijaeu dawz haeuj rwz dingq! Ndaej hingz hih vunz, gou couh nyok gienz hawj de, hawj de ndaej gw gij mak ndaw suen Cangqdiq hih gij mak go faex hawj vunz ndaej miz mingh mwnq.”

Gihduz Hawj Vunz Rox 22:14

“Famz saeg gij buh bonjfaenh cengh hih vunz miz fuk lo! Gyoengqde miz gienz ndaej gw gij mak go faex hawj vunz miz mingh mwnq. Mbouj danhcij yienghneix, caemh vanzlij ndaej daj baksingz haeuj singz bae.