Lizsij dih Gaihcij 19:31 - Gij Baujcingq Moq Caeuq Geij Bonj Gij Baujcingq Daeuzdaeuz

³¹ Gajlaeng dahlwg daeuz de doiq dahlwg iq de naeuz: “Nuengx hax, daxboh raeuz gaenq laux liux lo, dieg neix caemh aiq mij vunzsai daeuj aeu raeuz maj guh yah luh.

Lizsij dih Gaihcij 19:31 Iomraidhean Croise

Lizsij dih Gaihcij 16:2

Miz baez he, Sajlaiz doiq Yaqbwzlanz naeuz: “Giqyienz Yehhozvaz mij hawj gou miz lwg, hawj gou maen vwz, gou couh gouz mwngz caeuq dahhoiq gou ninz bax! Saekseiz de lij ndaej seng lwg hawj gou haem.” Yiengq Yaqbwzlanz caemh dungziq gij cawjeiq mehyah de.

Lizsij dih Gaihcij 16:4

Couh yienghneix, Yaqbwzlanz couh caeuq Yaqgyaz ninz; ninz le, Yaqgyaz couh mizndang lo. Yiengq de rox bonjfaenh de mizndang le, couh yawj mbouj hwnj meh cawjranz de.

Lizsij dih Gaihcij 19:28

De yawj roengz Sojdohmaj caeuq Ngozmohlah song mwnq neix, caeuq seiqhenz sojmiz hih dieg bae, yawjraen doengh mwnq neix cungj hoenz loedloed, guemjluemz bae, lujnaeuz oenq yiuz nwih.

Lizsij dih Gaihcij 4:1

Yaqdangh caeuq mehyah de ninz. Ninz le, mehyah de couh mizndang, seng miz daeglwg he. Meh de naeuz: “Aenvih Yehhozvaz bang gou, sawjhawj gou ndaej daeglwg neix,” yiengq couh an coh hawj daeglwg neix heuh Gaihyinj. (‘Gaihyinj’ gij coh neix caeuq gij vah Hihbwzlaiz dih cih ‘ndaej’ doeg ijvanh doxdoengz.)

Lizsij dih Gaihcij 6:4

Mwhmwnq gij vunz cwng hih ‘lwg cwnz’ he caeuq gij lwgsau vunz gaep guh gvanjbaz le, doengh daih gajlaeng de cix yak cix ak, youq gujdaiq cienfanh miz mingz he. Yiengq youq mwhneix, caemh miz dujfeij (gajlaeng caemh vanzlij miz he). Gij vunz couh heuh gij dujfeij neix heuh ‘vunz goeg.’

Majgoj Saw 9:6

Gizsaed mwhde Bijdwz gaenhbaenj mbouj rox ij gangj gijmaz vah, aenvih gyoengqde raen yienghneix le, cungj lau hwj ij rai bae.