Lizsij dih Gaihcij 18:19 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁹ Gou senj de, dwg ij hawj de songyauq gij lwglan doengh daih gajlaeng de, hawj gyoengqde dingq gij vah gou, guh vunz ndei vunz soh; yienghneix gou couh ndaej hengz gou caeuq Yaqbwzlahhanj soj dingh he lo.”

Lizsij dih Gaihcij 18:19 Iomraidhean Croise

Lizsij dih Gaihcij 12:2

Gou gaengjdingq hawj mwngz miz lwg, miz lan, miz laenj, fatdad lailai hwj bienqbaenz aen guek hunghung he. Gou caemh ij soengq fuk hawj mwngz, hawj mwngz miz mingz, gij vunz caemh ndaej dajlaeng mwngz ndaej miz fuk.

Lizsij dih Gaihcij 12:3

Bouxlawz hoh fuk hawj mwngz hih, gou caemh hoh fuk hawj bouxlawz; bouxlawz mang mwngz hih, gou caemh mang bouxlawz. Lajmbwn sojmiz hih minzcuz cungj dwg dajlaeng mwngz ndaej miz fuk.”

Lizsij dih Gaihcij 17:9

Cangqdiq youhcaiq doiq Yaqbwzlahhanj naeuz: “Mwngz caeuq doengh daih gajlaeng mwngz ijaeu hengz gou dingh hawj faenhsou hih,

Lizsij dih Gaihcij 22:18

Lajmbwn sojmiz hih minzcuz cungj dwg dajlaeng doengh daih gajlaeng mwngz hih boux he ndaej miz fuk, aenvih mwngz dingq gij vah gou.’”

Lizsij dih Gaihcij 35:2

Yiengq Yajgoz couh doiq gij vunz ndaw ranz de caeuq gij vunz caeuq de doxcaeuq youq hih naeuz: [3]“Gyoengqraeuz ij dajlwh mwnqneix bae Bwzdwzliq, bae mwnq caeb aen daiz dajbwiz he hawj Cangqdiq, bwiz Cangqdiq, couh dwg boux youq mwh gou miz nanh he de bang gou, caemh mboujguenj gou bae daengz mwnqlawz, de cungj caeuq gou youq hih Cangqdiq. Raeuz seizneix ij bae baiq de, [2b]hoeng faenhsou ij youq ndaw lwgra Cangqdiq bienqbaenz boux vunz cengh he cij ndaej. Yiengq faenhsou ij dawz sojmiz hih you vwt deuz, caiq swiq ndang lawh buh cij ndaej.”

Majdaiq Saw 25:17

Boux guenj songcien mwnq caemh dawz bae guh seng'eiq, caemh canh ndaej songcien.

Yozhanq Saw 10:14

“Gou dwg boux ciengxyiengz ndei he. [15a]Cingq luj boh rox gou, gou caemh rox boh. [14b]Caemh doxdoengz, gou rox gij yiengz gou, gij yiengz gou caemh rox gou. [15b]Gou nyienh'eiq vih gyoengqde hwj sijndaej diuz mingh gou.

Yozhanq Saw 21:17

De yienghneix naeuz le, youhcaiq cam Bijdwz daixsam mbat naeuz: “Sihmaenz daeglwg Yozhanq, mwngz aiq gou lwi?” Bijdwz raen Yehsuh sam mbat cungj yienghneix cam de naeuz: “Mwngz aiq gou lwi?” le, couh yousim hwj doiq Yehsuh naeuz: “Bouxcawj gou hax, mwngz mij'z naeuz gijmaz mbouj rox hah; mwngz rox gou aiq mwngz hah!” Yehsuh dingq le, youhcaiq doiq de naeuz: “Mwngz gueng gij yiengz gou bax!”

Geiq Dwzbaijyienz 27:31

Baujloz raen yienghneix le, couh doiq boux lienzcangj caeuq gyoengq binggyep naeuz: “Doenghheij vunz neix mbouj daengj youq gwnz ruz youq, yaepm'x gwnz ruz neix sojmiz hih vunz cungj ngaiz byaeu liux.”

Hijfuzsoj Saw 6:4

Yiengq gangj daengz guh boh hih, faenhsou songyauq lwg mbouj ndaej raemhraemh raexraex mbouj dingz hih ndaq, mbouj ndaej diudik, mbouj ndaej yex hawj lwg aeuqheiq, dauq ij ciuq bouxcawj raeuz hih baenzlaw son ma gyauqyuz lwg.

Dizmohdaiq It 3:12

Caemh doxdoengz, doenghheij vunzsai cenmonz guh gij hong gyauqveiq he caemh dwg caenhgag gaen mehyah bonjfaenh, mij gaen goq vunz he, caemh ij rox guenjleix ndaw gya bonjfaenh, caeuq songyauq lwg he.

Dizmohdaiq Ngeih 1:5

Gou rox mwngz cungj dwg cingqcaen sinq Yehsuh hih, aenvih mwngz miz daxdai mwngz Lozhij caeuq daxmeh mwngz Youjnizgih yienghmwnq sinq Yehsuh dih sim.

Dizmohdaiq Ngeih 2:19

Hoeng, Cangqdiq dih saedsaeh couh luj hauxranz yienghmwnq gaenj dwtdwt, it di cungj mbouj doengh; gwnz de dik miz: “Cangqdiq rox doenghgij vunz de” caeuq: “Famz gaep haeuj Cangqdiq hih vunz cungj mbouj wnggai guh doenghgij doegsieb he.”

Dizmohdaiq Ngeih 3:15

caiq gyacangq mwngz caemh rox mwngz daj lij iq cix sug Singqgingh lo. Gij Singqgingh neix ndaej hawj vunz singqsag goqdaeuj hwj sinq Yehsuh Gihduz hwj ndaej gouq.