Lizsij dih Gaihcij 14:8 - Gij Baujcingq Moq Caeuq Geij Bonj Gij Baujcingq Daeuzdaeuz

^8-9 Yiengq goengjvuengz Sojdohmaj hah, Ngozmohlah hah, Yazmaj hah, Sijbenj hah, caeuq Bijlah hah, haj aen singz neix dih vuengz cungj daiq bing bae daengz gumh Sihdingh doxcomz hwj demq [9a]goeng Gihdaqlaujmaj caeuq doengh goengjvuengz caeuq de doxndei mwnq daeuj, [8b]caemh ij hoenx gyoengqde, [9b]couh dwg seiq goengjvuengz caeuq haj goengjvuengz doxhoenx.

Lizsij dih Gaihcij 14:8 Iomraidhean Croise

Lizsij dih Gaihcij 10:19

Gyoengqde hih dieg dwg dajlwh Sihdoenq daengz fueng Gihlah'wj dih Gyahcaq, caiq dajlwh Gyahcaq daengz Sojdohmaj, Ngozmohlah, Yazmaj, Sijbenj, itcig daengz Lahcah.

Lizsij dih Gaihcij 13:10

Gajlaeng Lozdwz couh muenghyawj seiqhenz, yawjraen gij dieg henz dah Yozdanq fueng Sojwj mwnq, baenx doengh bingz bwdbwd, cix cumx cix ywnh, caenh luj aen suen Yehhozvaz, caemh luj gij dieg Ngaihgiz nwih. (Mwnq dieg neix ndaw de caemh miz Sojdohmaj caeuq Ngozmohlah; mwhde Yehhozvaz vanzlij mijyaengz cawz song aen singz neix.)

Lizsij dih Gaihcij 14:10

Mwhmwnq, youq gumh Sihdingh dauqcawq cungj dwg baenx u baenx u lizcingh. Gyoengq Sojdohmaj caeuq gyoengq Ngozmohlah hoenx saw le, ijsiengj riq deuz, yiengq ngaiz doek roengz u lizcingh bae mbouj ndaej riq deuz. Lij lw hih vunz cungj buekmingh riq hwnj bya bae deuz.

Lizsij dih Gaihcij 19:20

De caiq naeuz: “Hawjm'z yawj lux, mwnq miz aen mbanj iq he, liz dineix caiq gaenh, deuz bae daengz caiq ndaej vaiq. Hawj gou deuz bae aen mbanj mwnq bax! Aen mbanj mwnq cix iq; cijaeu mwngz mbouj cawz aen de, gou deuz bae daengz mwnq couh ndaej baux diuz mingh gou lo.”

Lizsij dih Gaihcij 19:22

Yiengq mwngz vaiq riq vaiq deuz bax! Mwngz mijyaengz ndaej riq deuz bae daengz mwnq, gou couh gijmaz cungj mbouj ndaej guh.” (Gajlaeng aen mbanj iq mwnq couh heuh Sojwj; ‘Sojwj’ couh dwg ‘iq’ dih iqswh.)