Lizsij dih Gaihcij 13:15 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁵ famzsoj mwngz yawjraen hih dieg, gou cungj ij nyok hawj mwngz caeuq doengh daih gajlaeng mwngz, caemh dwg yungjyenj nyok roengzbae.

Lizsij dih Gaihcij 13:15 Iomraidhean Croise

Lizsij dih Gaihcij 12:7

Youq mwnq Yehhozvaz yienh hawj Yaqbwzlanz raen, doiq de naeuz: “Yaqbwzlanz, gou ij dawz mwnq dieg neix soengq hawj doengh daih gajlaeng mwngz.” Yiengq, Yaqbwzlanz couh youq mwnq Yehhozvaz yienh hawj de raen hih mwnq caeb aen daiz dajbwiz he bwiz de docih de.

Lizsij dih Gaihcij 13:17

De caiq naeuz: “Bae! Mwngz ij byaij gij dieg goqdoh bae, aenvih gou ij dawz dieg neix nyok hawj mwngz.”

Lizsij dih Gaihcij 15:18

Couh youq mwhneix, Yehhozvaz youq mwnq doiq Yaqbwzlanz baujcingq naeuz: “Gou dawz mwnq dieg neix nyok hawj doengh daih gajlaeng mwngz, couh dwg dajlwh diuz dah Ngaihgiz itcig daengz diuz dah Youqfazlahdij,

Lizsij dih Gaihcij 15:7

Yehhozvaz vanzlij caiq doiq de naeuz: “Gou dwg Yehhozvaz; gou daiq mwngz daj mwnq Gyahlwzdij dih Uzwj mwnq dieg mwnq daeuj daengz dineix, couh dwg ij dawz gij dieg neix nyok hawj mwngz, hawj mwngz aeu ma guh gij gyadangq mwngz.”

Lizsij dih Gaihcij 18:18

aenvih gou ij hawj Yaqbwzlahhanj hih doengh daih gajlaeng de bienqbaenz aen minzcuz youh hung youh giengz he; gou caemh sawjhawj lajmbwn aen'aen minzcuz cungj dwg dajlaeng de ndaej miz fuk.

Lizsij dih Gaihcij 24:7

aenvih Yehhozvaz Cangqdiq hawj gou biek ranz boh gou, aen cuz boh gou, ok daeuj hih mwhde, de doiq gou baujcingq goq naeuz: ‘Gou ij dawz dieg neix soengq hawj doengh daih gajlaeng mwngz.’ Yiengq gou caemh sinq de gaengjdingq baij bouxcai de roengz daeuj daiq mwngz bae, daj mwnq aeu dah lwgsau he ma hawj daeglwg gou guh yah dih.

Lizsij dih Gaihcij 28:13

caemh raen Cangqdiq ndwn youq baixgwnz lae, doiq de naeuz: “Gou dwg Yehhozvaz, dwg baujcuk baujyouh daxgoeng mwngz Yaqbwzlahhanj caeuq daxboh mwngz Hijsaj dih Cangqdiq. Gou ij dawz dieg mwngz ninz neix soengq hawj mwngz caeuq gij lwglwg lanlan doengh daih gajlaeng mwngz.

Lizsij dih Gaihcij 28:14

Doengh daih gajlaeng mwngz fatdad hwj doeng sae namz baek dauqcawq cungj miz, ij lai luj boenqcingh bae. Baezneix lajmbwn sojmiz dih minzcuz cungj dwg youz mwngz caeuq doengh daih gajlaeng mwngz ndaej miz fuk.

Lizsij dih Gaihcij 28:4

Muengh Cangqdiq soengq hawj Yaqbwzlahhanj dih gij fuk mwnq, seizneix caemh muengh de cenz hawj mwngz caeuq gij lwglwg lanlan doengh daih gajlaeng mwngz. Yiengq, mwngz gajlaeng caemh ndaej aeu gij dieg mwngz seizneix doz youq he, couh dwg gij dieg Cangqdiq soengq hawj Yaqbwzlahhanj he.”

Lizsij dih Gaihcij 35:12

Gou ij dawz gou soengq hawj Yaqbwzlahhanj caeuq Hijsaj dih dieg hax, soengq hawj mwngz caeuq doengh daih gajlaeng mwngz.”

Lizsij dih Gaihcij 48:4

De doiq gou naeuz: ‘Gou ij soengq hawj mwngz haujlai haujlai lwglwg lanlan, hawj aen cuz mwngz hwngqhwngq seiqseiq, doengh daih gajlaeng mwngz bienqbaenz aen minzcuz hunghung he. Gou caemh dawz mwnq dieg neix soengq hawj doengh daih gajlaeng mwngz; mwnq dieg neix couh yungjyenj dwg gyoengqde dih gyadangq.’”

Lizsij dih Gaihcij 50:24

Yozswz doiq gyoengq vunz ndaw gyahcuz de naeuz: “Gou ijvanh rai lo, hoeng Cangqdiq itdingh daeuj bang faenhsou, daiq faenhsou bae daengz de gaxgonq dapwngq hawj goenggeq hah, daxgoeng hah, caeuq daxboh hah, caeuq faenhsou hah dih gaiq dieg mwnq bae.”

Ok Ngaihgiz 32:13

Gouz mwngz ndaejgeiq bouxhoiq mwngz Yaqbwzlahhanj, Hijsaj caeuq Hijswzlez, ndaejgeiq mwngz doiq gyoengqde yungh gij coh bonjfaenh mwngz ma fazsiq goq, ij hawj doengh daih gajlaeng gyoengqde fatdad lailai hwj luj gij ndaundeiq gwnzmbwn, vanzlij dawz mwngz dapwngq goq dih mwnq dieg mwnq soengq hawj doengh daih gajlaeng gyoengqde ma guh gyadangq, caemh dwg seiqseiz mbouj rox duet he dih gyadangq.”

Ok Ngaihgiz 33:1

Gajlaeng Yehhozvaz doiq Mohsih naeuz: “Mwngz daiq gyoengq mwngz daj Ngaihgiz daiq okma hih vunz daj mwnqneix bae mwnq gou baujcingq goq nyok hawj Yaqbwzlahhanj, Hijsaj, Yajgoz dih doengh daih gajlaeng de hih mwnq dieg mwnq bae.

Majdaiq Saw 5:5

“Soh semxsemh hih vunz hax, miz fuk lo, aenvih lajmbwn hih dieg couh ij gvi hawj de lo.

Geiq Dwzbaijyienz 7:5

Youq mwnq dieg neix Cangqdiq mij hawj de saek yiengh, daiqlienz cik dieg ndwn he cungj mbouj miz. Hoeng, Cangqdiq dauq dapwngq dawz mwnq dieg neix nyok hawj de caeuq doengh daih gajlaeng de aeu ma guh gyadangq, gannaeuz mwhde de mijyaengz miz lwg lah.