Lizsij dih Gaihcij 12:2 - Gij Baujcingq Moq Caeuq Geij Bonj Gij Baujcingq Daeuzdaeuz

² Gou gaengjdingq hawj mwngz miz lwg, miz lan, miz laenj, fatdad lailai hwj bienqbaenz aen guek hunghung he. Gou caemh ij soengq fuk hawj mwngz, hawj mwngz miz mingz, gij vunz caemh ndaej dajlaeng mwngz ndaej miz fuk.

Lizsij dih Gaihcij 12:2 Iomraidhean Croise

Lizsij dih Gaihcij 13:16

Gou caemh ij hawj doengh daih gajlaeng mwngz lai luj gij boenqcingh lajdoem, geq cungj geq mbouj rox liux; miz byawz ndaej geq gij boenqcingh lajdoem liux nex, caemh ndaej geq doengh daih gajlaeng mwngz liux lo.”

Lizsij dih Gaihcij 15:5

Yehhozvaz gangj daengz mwnqneix le, couh daiq Yaqbwzlanz ok rog bae, doiq de naeuz: “Hawjm'z muenghmuengh yawj gwnzmbwn lux, gij ndaundeiq gwnzmbwn bijhuzcih bae; mwngz geq ndaej liux haz?” De vanzlij naeuz: “Doengh daih gajlaeng mwngz baezneix caemh ij luj gij ndaundeiq gwnzmbwn yienghmwnq bijhuzcih bae, geq cungj geq mbouj rox liux.”

Lizsij dih Gaihcij 17:20

Gangj naeuz Hijsizmajliq, gou caemh dapwngq mwngz, dapwngq mwngz soengq fuk hawj de, hawj de miz cibngeih daeglwg. Cibngeih daeglwg neix caemh dwg ndaej dang vuengz, doengh daih gajlaeng de caemh ndaej fatdad lailai hwj bienqbaenz aen guek hunghung he.

Lizsij dih Gaihcij 18:18

aenvih gou ij hawj Yaqbwzlahhanj hih doengh daih gajlaeng de bienqbaenz aen minzcuz youh hung youh giengz he; gou caemh sawjhawj lajmbwn aen'aen minzcuz cungj dwg dajlaeng de ndaej miz fuk.

Lizsij dih Gaihcij 18:19

Gou senj de, dwg ij hawj de songyauq gij lwglan doengh daih gajlaeng de, hawj gyoengqde dingq gij vah gou, guh vunz ndei vunz soh; yienghneix gou couh ndaej hengz gou caeuq Yaqbwzlahhanj soj dingh he lo.”

Lizsij dih Gaihcij 19:29

Mwh Cangqdiq ij byaeu song mwnq dieg neix hih mwhde, de siengj daengz Yaqbwzlahhanj, vih Yaqbwzlahhanj hwj hawj Lozdwz deuz ok aen singz de ij byaeu he bae, hawj Lozdwz ndaej baux mingh.

Lizsij dih Gaihcij 24:1

Yaqbwzlahhanj nienzgeij gaenq laux ladlad liux lo; seiqvunz de mboujguenj de guh gijmaz saeh, Yehhozvaz cungj soengq fuk hawj de.

Lizsij dih Gaihcij 24:35

Yehhozvaz soengq fuk hawj bouxcawj gou lai hux lai, sawjhawj de bienqbaenz boux fouqfouq mizmiz he, caemh soengq hawj baenx gyoengq yiengz, baenx gyoengq cwz, lozdoz caeuq lawz, gimngaenz caeuq hoiq vunzsai vunzbaz.

Lizsij dih Gaihcij 25:11

Yaqbwzlahhanj rai le, Cangqdiq soengq fuk hawj daeglwg de Hijsaj. Hijsaj youq mwnq gaenh Biqwj-Lahhaijlaiz mwnq youq.

Lizsij dih Gaihcij 26:3

Hijsaj daengz Gihlah'wj le, Yehhozvaz caiq naeuz: “Mwngz camqciz sien youq dineix youq ndaej lo. Hauhnaeuz mwngz dingq gou, youq mwnqneix youq, gou couh caeuq mwngz youq, caiq soengq fuk hawj mwngz. Gou ij hengz gaxgonq gou caeuq daxboh mwngz Yaqbwzlahhanj soj baujcingq hih, couh dwg ij dawz manx dieg neix cungj soengq hawj mwngz caeuq gyoengq lwglwg lanlan laenjlaenj mwngz,

Lizsij dih Gaihcij 26:4

hawj doengh daih gajlaeng mwngz fat ndaej lai luj gij ndaundeiq gwnzmbwn, caemh dawz mwnqneix sojmiz dih dieg soengq hawj gyoengqde. Lajmbwn gak aen minzcuz dih vunz cungj dwg dajlaeng doengh daih gajlaeng mwngz hih boux he ndaej miz fuk,

Lizsij dih Gaihcij 27:29

Muengh ciencien fanhfanh minzcuz swqhaeuh mwngz, Ciencien fanhfanh guekgya cungj daeuj baiq mwngz sax mwngz. Mwngz ndaej guenjciq beixnuengx mwngz; Doengh daih gajlaeng daxmeh mwngz cungj daeuj baiqbaiq saxsax doengh daih gajlaeng mwngz. Bouxlawz mang mwngz hih, bouxlawz caemh ngaiz mang; Bouxlawz hoh fuk hawj mwngz hih, bouxlawz caemh ndaej miz fuk.”

Lizsij dih Gaihcij 28:14

Doengh daih gajlaeng mwngz fatdad hwj doeng sae namz baek dauqcawq cungj miz, ij lai luj boenqcingh bae. Baezneix lajmbwn sojmiz dih minzcuz cungj dwg youz mwngz caeuq doengh daih gajlaeng mwngz ndaej miz fuk.

Lizsij dih Gaihcij 35:11

Cangqdiq caiq doiq de naeuz: “Gou dwg akak rengzrengz gaiqgaiq cungj ndaej guh daengz dih Cangqdiq. Mwngz ij miz lwglwg lanlan; doengh daih lwglan gajlaeng mwngz ij bienqbaenz aen guekgya he, gajlaeng, vanzlij caiq bienqbaenz haujlai haujlai aen guekgya. Gij lwglan mwngz caemh miz haujlai vunz ndaej dang vuengz.

Lizsij dih Gaihcij 46:3

Cangqdiq naeuz: “Gou dwg baujcuk baujyouh daxboh mwngz dih Cangqdiq. Mwngz gaejyungh lau bae Ngaihgiz; gou gaengjdingq hawj doengh daih lwglwg lanlan laenjlaenj mwngz youq mwnq cungj ndaej bienqbaenz aen minzcuz hung he.

Ok Ngaihgiz 1:7

Hoeng, doengh daih gajlaeng gyoengqde, couh dwg Hijswzlez vunz, fatdad hwj lai hux lai, hwngqhwngq seiqseiq; vunz lai cix vaiq, cix lai cix ak, baenx cenz Ngaihgiz mwnqmwnq cungj miz vunz.

Ok Ngaihgiz 32:10

Seizneix mwngz gaejyungh lanz gou; caih gou fatheiq gyoengqde, fatheiq hawj gyoengqde rairaeg raicied bae, hawj doengh daih gajlaeng mwngz fat lai hwj bienqbaenz aen guek hunghung he bae.”

Lozmaj Saw 4:11

Aenvih de sinq Cangqdiq, Cangqdiq cij yawj de dangq boux mij'z coih he. Gajlaeng de gozlij cijmboujgoq dwg it cungj geiqhauh hwj mah, dwg geiqhauh vunz youq ndaw lwgra Cangqdiq dwg mij'z coih he. Sojhij Yaqbwzlahhanj dwg doenghheij vunz gannaeuz mij gozlij hoeng Cangqdiq vih gyoengqde sinq hwj couh yawj gyoengqde suenq dwg mij'z coih hih doenghheij vunz neix dih cojgoeng.

Gyahlahdaiq Saw 3:14

Gihduz yienghneix guh dih muzdiz dwg ij hawj linghvaih minzcuz hih vunz ndaej dunghgoq baengh bonjfaenh de hwj ndaej daengz Cangqdiq baujcingq hawj Yaqbwzlahhanj hih fuk, hawj gyoengqraeuz gauq baengh sinq hwj ndaej Cangqdiq soj baujcingq hawj dih Hoenzsaenz lah.

Gyahlahdaiq Saw 3:7

Sojhij, faenhsou couh wnggai rox, sinq Cangqdiq dih vunz couh dwg Yaqbwzlahhanj dih lwglan.