Lizsij dih Gaihcij 1:1 - Gij Baujcingq Moq Caeuq Geij Bonj Gij Baujcingq Daeuzdaeuz

¹ Gaihcij dwg Cangqdiq cauh gwnzmbwn caeuq lajdeih okdaeuj he.

Lizsij dih Gaihcij 1:1 Iomraidhean Croise

Ok Ngaihgiz 20:11

Aenvih roek ngoenz ndaw de, gou cauh mbwn, cauh deih, cauh haij caeuq cauh sojmiz hih; yiengq, daixcaet ngoenz couh yietbaeg lo. Sojhij, gou soengq fuk hawj ngoenz ngoenzyietbaeg, dingh ngoenz neix guh ngoenz dwzbez he.

Ok Ngaihgiz 31:18

Yehhozvaz youq bya Sihnaiq caeuq Mohsih gangj doenghgij vah neix sat le, couh dawz song baj rin aeu lwgfawz de ma dik miz hih fazliz, gyau hawj Mohsih.

Majdaiq Saw 11:25

Yehsuh gangj daengz dineix le, couh naeuz: “Bohmbwn hax, gaemguenj gwnzmbwn caeuq lajdeih hih mwngz hax! Gou haenh mwngz, aenvih mwngz mbouj hawj doengh boux coengjmingz miz vaenzvaq he rox gij saeh neix, dauq loh hawj doengh boux luj lwgngez yienghmwnq lauxsaed he rox lah.

Majgoj Saw 13:19

aenvih daengz mwhmwnq couh ij nanh dawz lo, daj Cangqdiq cauh mbwn cauh deih doxdaeuj daengz seizneix mbouj miz goq, baezneix caemh mbouj caiq miz.

Geiq Dwzbaijyienz 14:15

“Faenhsou vihmaz ij guh cungj saeh neix nej? Raeuz caemh dwg vunz, caeuq faenhsou doxdoengz dwg vunz. Raeuz daeuj dineix dwg ij cenz gij ndei siuhsiz Cangqdiq hawj faenhsou rox lah, dwg ij hawj faenhsou daj ndaw sim nginh loek gaijgoq, mbouj caiq mizsinq, hawj faenhsou sinq boux cauh mbwn cauh deih cauh haij caeuq cauh sojmiz hih seiqseiz lix dih Cangqdiq lah.

Geiq Dwzbaijyienz 17:24

“Boux cauh mbwn cauh deih cauh sojmiz hih cwnz, couh dwg bouxcawj gwnzmbwn caeuq lajdeih neix; de mbouj youq aen ranz vunz hwnq hih nej,

Geiq Dwzbaijyienz 4:24

Gyoengq vunz dingq le, couh caezgya sing sang hwj haenh Cangqdiq gouz Cangqdiq, naeuz: “Bouxcawj hax, mwngz cauh liux mbwnmbwn deihdeih haijhaij caeuq sojmiz hih;

Lozmaj Saw 11:36

Aenvih sojmiz hih cungj dwg daj de daeuj, baengh de, gvi haeuj de. Muengh najrongh yungjyenj gvi hawj Cangqdiq! Ahmaenz.

Gohlimzdoh It 8:6

hoeng, doiq gyoengqraeuz ma gangj, caenhgag miz boux cwnz dog lah. Boux neix couh dwg Cangqdiq Bohmbwn. Sojmiz hih cungj dwg coengz de daeuj he; gyoengqraeuz cungj dwg vih de hwj lix. Gyoengqraeuz caemh dwg cijngamq miz bouxcawj dog, couh dwg Yehsuh Gihduz. Sojmiz hih cungj dwg miz de hwj cij ndaej he; gyoengqraeuz caemh dwg baengh de hwj cij ndaej lix he.

Hijfuzsoj Saw 3:9

caeuq hawj sojmiz hih vunz cungj rox Cangqdiq baenzlawz hengz gij giqvaq miqmiz bonjfaenh de. Gij giqvaq neix, daj doenghbaez cauh gwnzmbwn lajdeih sojmiz hih, Cangqdiq cix dawz gij giqvaq miqmiz neix yo hwnjdaeuj mbouj yienh hawj vunz rox he,

Hihbwzlaiz Saw 1:10

De vanzlij caiq naeuz: Bouxcawj hax, gaihcij mwngz cauh deih, caiq caep giek ndei; mbwn caemh dwg mwngz cauh, dwg mwngz dih dinfawz.

Hihbwzlaiz Saw 1:2

yiengq seizneix youq ciqgyaiq dih duenh gajlaeng, de caiq dunghgoq daeglwg de daeuj doiq gyoengqraeuz gangj vah. De caemh dwg senqsi cix dinghlaeb hawj daeglwg de ciep aeu de sojmiz hih, caemh dunghgoq daeglwg de cauh mbwnmbwn deihdeih sojmiz hih.

Hihbwzlaiz Saw 11:3

Aenvih miz sinqsim, sojhij gyoengqraeuz couh rox gyoengqraeuz soj yawjraen hih gwnzmbwn lajdeih sojmiz hih cungj dwg baengh gij vah Cangqdiq hwj cauh baenz he, mbouj dwg baengh gijmaz yawj ndaej raen hih hwj cauh okdaeuj hih.

Hihbwzlaiz Saw 3:4

Caiq gyacangq sojmiz hih ranz cungj dwg miz boux hwnq he, hoeng, sojmiz hih cingq dwg Cangqdiq cauh okdaeuj he.

Bijdwz Ngeih 3:5

Gyoengqde yienghneix naeuz dwg guqiq lumz daj gaihcij cix dwg Cangqdiq yungh gij vah bonjfaenh de ma cauh mbwn cauh deih he, caiq hawj gij dieg daj ndaw raemx loh okdaeuj he,

Yozhanq It 1:1

Gyoengqraeuz seizneix sij saenq naeuz faenhsou ni gvanhhih gij vah Cangqdiq daiq miz mingh he. Gij vah daiq miz mingh neix couh dwg daj gaihcij cix senqsi miz hih, caemh dwg gyoengqraeuz soj dingqri, soj yawjraen hih, caeuq gyoengqraeuz soj mo goq hih.

Gihduz Hawj Vunz Rox 10:6

yinx laeng boux cauh mbwn cauh deih, cauh haij caeuq cauh sojmiz hih seiqseiz lix dih Cangqdiq bae fazsiq baujcingq naeuz: “Cizgyenh daengz lo!

Gihduz Hawj Vunz Rox 14:7

Boux de mbin youq gwnzmbwn hemq goggog naeuz: “Ij soenhgingq Cangqdiq, ij haenh de veijdaq! Aenvih de saemjbuenq vunz lajmbwn hih mwhde couh daengz lo. Wnggai baiq boux cauh mbwn cauh deih cauh haij caeuq cauh sojmiz doenj raemx hih boux neix.”

Gihduz Hawj Vunz Rox 21:6

Gajlaeng de vanzlij doiq gou naeuz: “Guh sat lo! Gou dwg Ahlahfaz, gou dwg Ngozmeizgyaz; gou dwg gaihcij, gou dwg gatsat. Gou ij dawz gij raemx mboq miz mingh he begbeg soengq hawj gij vunz hozhawq he gw.

Gihduz Hawj Vunz Rox 22:13

Gou dwg Ahlahfaz, gou dwg Ngozmeizgyaz; gou dwg daixdaeuz caemh dwg gatyet; gou dwg gaihcij, caemh dwg gatsat.

Gihduz Hawj Vunz Rox 3:14

Boux de vanzlij caiq naeuz: “Mwngz ij sij saenq hawj bouxcai Laujdijgyah gyauqveiq; mwngz ij yienghneix sij naeuz: Boux ahmaenz, couh dwg boux lauxsaed sinq ndaej goq dih cingqyinz, boux Cangqdiq cauh sojmiz hih doenj he, de yienghneix naeuz:

Gihduz Hawj Vunz Rox 4:11

“Bouxcawj raeuz, Cangqdiq raeuz, mwngz dwg boiqndaej najrongh, ing'yungz caeuq gaem gienz he, aenvih mwngz cauh liux sojmiz hih; sojmiz hih cungj dwg ciuq mwngz dih cawjeiq hwj ndaej cauh ndaej miz he.”