Bijdwz Ngeih 2:1 - Gij Baujcingq Moq Caeuq Geij Bonj Gij Baujcingq Daeuzdaeuz

¹ Doenghbaez youq Hijswzlez miz boux gyaj hih boux cenz gij vah Cangqdiq; caemh doxdoengz, baezneix faenhsou ndaw de caemh ij miz boux gyaj hih gyauqveiq lauxsae he ok daeuj, gangj gij vah coemx vunz he, daeuj gangj gij caeuq gij saedsaeh Cangqdiq doxngig he, hawj vunz satsoq he. Gyoengqde mbouj nginh gouq gyoengqde dih bouxcawj mwnq; couh vih yienghneix, sawjhawj gyoengqde satsoq engqgya vaiq.

Bijdwz Ngeih 2:1 Iomraidhean Croise

Majdaiq Saw 7:15

De caiq naeuz: “Faenhsou ijaeu daezfuengz doenghheij gyaj hih boux cenz gij vah Cangqdiq. Gyoengqde daeuj laeng faenhsou dineix luj duz menzyiengz yienghmwnq soh semxsemh, hoeng, gizsaed gyoengqde caenh luj duz langz yienghmwnq ijsiengj haih faenhsou lah.

Youzdaq Saw 1:4

Gou yienghneix naeuz dwg aenvih miz gij vunz mbouj yawjnaek Cangqdiq he gaenq caegcaeg ndonj haeuj faenhsou mwnq bae lo. Gyoengqde dawz Cangqdiq dih haijliengh ma dangq dwg ndaej seizbienh siengj guh gijmaz couh guh gijmaz, guh doenghgij mij'z naj ndaej gangj ok bak he; gyoengqde mbouj nginh bouxcawj raeuz Yehsuh Gihduz caenhgag de cij ndaej guenjciq gyoengqraeuz he. Luj cungj vunz neix ndaw Singqgingh gaenq senqsi cix sij naeuz gyoengqde ij ngaiz dingh miz coih lo.

Bijdwz Ngeih 2:3

Aenvih gyoengqde damsim, sojhij couh gag cauh ndaek cungj goqsaeh he hwj yaeuh faenhsou, coemx faenhsou aeu cienzcaiz. Doengh cungj vunz neix Cangqdiq senqsi cix dingh ij saemjbuenq gyoengqde lo, gyoengqde caemh gaengjdingq ij satsoq vaiq.

Dizmohdaiq Ngeih 4:3

Gou yienghneix naeuz dwg aenvih cungj ij miz ngoenz he, gij vunz mbouj caiq haenj dingq gij saedsaeh Cangqdiq, dauq ciuq bonjfaenh haenj gijmaz couh guh gijmaz, siengj baenzlaw couh baenzlaw hwj bae cimh doenghheij lauxsae cij rox gangj gij vah gyoengqde haenj dingq he.

Majdaiq Saw 24:11

Daengz mwhmwnq, miz haujlai gyaj dih boux cenz gij vah Cangqdiq daeuj yaeuh vunz coemx vunz.

Gyahlahdaiq Saw 2:4

Gou vihmaz ij daez daengz gij saeh neix nej? Dwg aenvih miz hih vunz dwg gyaj Gihduzduz caeg ndonj haeuj ndaw gyoengqraeuz daeuj, caegcaeg demq yawj gyoengqraeuz vih sinq Yehsuh Gihduz hwj ndaej swqyouz hih, siengj hawj gyoengqraeuz bienqbaenz mbouj swqyouz.

Gohlimzdoh It 11:19

Saekseiz faenhsou faen banghbaij le, cij ndaej yawj ok byawz deng byawz mbouj deng nej.

Yozhanq It 4:1

Cinhngaiq dih baengzyoux hax, faenhsou gaejyungh baex dingq bouxlawz naeuz Hoenzsaenz Cangqdiq naeuz yienghneix yienghneix couh sinq; faenhsou dauq ij ngeixngeix yawj dwg mbouj dwg cingqcaen Hoenzsaenz Cangqdiq naeuz cij ndaej, aenvih lajmbwn gaenq miz haujlai boux gyaj hih boux cenz gij vah Cangqdiq he daeuj lo.

Gohlozsih Saw 2:8

Hoeng, faenhsou ijaeu siujsim, gaejyungh ngaiz doenghheij gangj vah rumz vah rengx vah gyaeu vah ndei he daeuj coemx faenhsou, haed faenhsou, aenvih doenghheij vunz neix soj gangj hih vah dwg ciuq aen seiqgyaiq neix soj cenz roengzdaeuj hih laehbeih caeuq yawjfap he, dauq mbouj dwg ciuq Gihduz dih yawjfap he.

Dizdoh Saw 3:10

Doiq doenghheij faen banghbaij hih vunz, mwngz ij gingjgauq boux de mbat daengz song mbat; hauhnaeuz boux de mbouj dingq nex, couh mbouj caeuq boux de laizvangj,

Dizdoh Saw 1:11

Mwngz bietdingh ij sujcij doenghheij vunz neix, mbouj hawj gyoengqde gangj rumz gangj rengx. Gyoengqde vih dam cienzcaiz hwj son doenghgij mbouj wnggai son he, guh hwj miz haujlai gya sim cungj mbouj dingh lo.

Feihlizbij Saw 3:19

Gou naeuz doengh cungj vunz neix, gyoengqde cungj dwg yawjnaek aen dungx bonjfaenh, yawj aen dungx bonjfaenh dangq caencwnz, dawz saetnaj saetnyaenq ma dangq najrongh, siengj hih cungj dwg aen seiqgyaiq neix hih saeh. Gyoengqde baezneix gaengjdingq ij ngaiz satsoq.

Gohlimzdoh It 6:20

Aenvih faenhsou dwg Cangqdiq yungh gauhgyaq cueg ma he, sojhij faenhsou wnggai youq gwnz ndang faenhsou yienh ok gij ndei he, mbouj hawj Cangqdiq saetnaj, wnggai hawj de najrongh.

Majgoj Saw 13:22

aenvih daengz mwhde ij miz gyaj dih Gihduz caeuq gyaj dih boux cenz gij vah Cangqdiq he ok daeuj guh doenghgij geizmiuj gingjgyauj he hwj yaeuh vunz, daiqlienz gij vunz Cangqdiq senj okdaeuj he cungj siengj yaeuh.

Gihduz Hawj Vunz Rox 5:9

Gyoengqde ciengq diuz go moq he, ciengq naeuz: Mwngz boiqndaej dawz gienj saw, Boiqndaej mbek gij lab fung, Aenvih mwngz ngaiz vunz gaj goq. Mwngz yungh gij lwed mwngz Daj gak cuz, gak minzcuz, gak guek, gak mwnq vunz gangj mbouj doengz hih vah, Cueg gij vunz ma gvi hawj Cangqdiq,

Gihduz Hawj Vunz Rox 2:9

Gou rox mwngz souh nanh caemh gungz, hoeng gizsaed mwngz dwg fouqmiz hih. Gou caemh rox, doenghheij gag naeuz bonjfaenh dwg Youzdaiq vunz hih bangjlaih mwngz—gizsaed gyoengqde gaenhbaenj mbouj dwg Youzdaiq vunz, dauq dwg buek vunz Sajdanq fangzvuengz lah.

Hihbwzlaiz Saw 10:29

Yiengq, ciuq luj yienghneix ma yawj, doenghheij dawz daeglwg Cangqdiq ma caij youq laj din, yawj mbouj hwnj gij lwed Cangqdiq aeu ma dinghlaeb saen dih baujcingq lienz diuzgyenq hwj hawj vunz ndaej mienx coih hih, caiq yawj doiq vunz haijliengh dih Hoenzsaenz Cangqdiq ngawz hih doenghheij vunz mwnq, mbouj engqgya haz?

Gohlozsih Saw 2:18

Faenhsou caemh mbouj ndaej hawj vunz ep faenhsou bae baiq bouxcai Cangqdiq, haed faenhsou hawj faenhsou cang gungz cang ndangj, cang yaqyuij yawj mbouj hwnj ra, yienghneix hwj ingjyangj faenhsou mbouj hawj faenhsou ndaej daengz Cangqdiq dih cangjbyimj. Doenghheij vunz neix cungj haenj gag cej naeuz bonjfaenh ndaej raen Cangqdiq yienh hawj gyoengqde raen geizmiuj gingjdoengh hih saeh. Gyoengqde dih yawjfap cungj dwg aen seiqgyaiq neix dih yawjfap, cungj dwg naemqnaeuz bonjfaenh ak raixcaix, rem raixcaix.

Hijfuzsoj Saw 4:14

Daengz mwhmwnq, gyoengqraeuz couh mbouj caiq luj lwgngez yienghmwnq mbouj rox faenbied gijmaz hwj dingq daengz doenghgij vunz gyaujvaz he sauqyauz gijmaz couh sinq gijmaz he lo, caemh mbouj caiq sim mbouj dingh hwj luj vunz youq ndaw bohlangq yienghmwnq rumz ci hwj fan foedfoed bae lo.

Majdaiq Saw 24:24

aenvih daengz mwhmwnq, miz doengh boux gyaj dih Gihduz caeuq doengh boux gyaj dih boux cenz gij vah Cangqdiq daeuj. Gyoengqde loengh doenghgij geizmiuj he daeuj yaeuh vunz, simqciq loengh hawj gij vunz Cangqdiq senj okdaeuj he ceng di he cungj ngaiz sinq hwx; caeklaiq miz Cangqdiq baujhuq hwx.

Majdaiq Saw 10:33

famz youq dangqnaj vunzlai mbouj nginh gou hih, gou caemh youq dangqnaj Bohmbwn gou mbouj nginh de.”

Gihduz Hawj Vunz Rox 13:14

Duz de ndaej miz gienz bang duz daixdaeuz guh gij geizmiuj hih saeh, guh hwj ndaej coemx lajmbwn hih vunz, hawj gij vunz lajmbwn guh duz you nyaen, guh duz nyaen daixdaeuz ngaiz giemq ndaemq sieng hwj ij rai hoeng gaenq ndei hih duz nyaen mwnq.

Gihduz Hawj Vunz Rox 2:13

Gou rox, gannaeuz mwngz youq mwnq Sajdanq fangzvuengz soj guenjciq hih deixfueng lah, hoeng mwngz vanzlij dwg gyenhciz mbouj yiem gou, mbouj vwt gou, simqciq mwh Anhdizbaq boux sinq ndaej goq neix dih boux cingqyinz gou youq faenhsou mwnq, couh dwg youq Sajdanq soj youq hih deixfueng, ngaiz gaj hih mwhde, mwngz vanzlij gyenhciz sinq gou, mbouj doeknaiq.

Youzdaq Saw 1:18

Gyoengqde doiq faenhsou naeuz goq naeuz: “Daengz ciqgyaiq dih ngoenz gatsat he ij miz gij vunz yawj vunz mbouj hwnj rwz riu vunz he ciuq gij siengjmuengh yalw doegsieb bonjfaenh de bae guh he ok daeuj.”

Yozhanq It 2:26

Gou sij doenghgij saeh neix naeuz faenhsou ni dwg ceij doenghheij vunz ij coemx faenhsou hih lah.

Bijdwz It 1:8

Gannaeuz faenhsou mij raen goq Gihduz lah, hoeng, faenhsou dauq aiq de; gannaeuz seizneix faenhsou vanzlij mijyaengz ndaej raen de, hoeng, faenhsou dauq sinq de. Couh vih yienghneix, faenhsou ndaej najrongh caeuq angq hwj mbouj rox hih ij baenzlawz bae.

Hijfuzsoj Saw 1:7

De baenxlai aiq baenxlai haijliengh, simqciq sijndaej daeglwg dog de vih cueg gij coih gyoengqraeuz hwj riuz lwed.

Gyahlahdaiq Saw 5:20

bwiz you hah, guh sien doeng loengh sae loengh hah, haemzcaeuz hah, doxdaeuq doxceng hah, dwgcaengz hah, aeuqheiq hah, caenh rox daengz bonjfaenh mbouj rox daengz vunz hah, mbouj doxndei faen banghbaij hah,

Gyahlahdaiq Saw 4:17

Doenghheij gyaj doiq faenhsou ndei he, gyoengqde dih muzdiz dwg ijsiengj hawj faenhsou yiem gou mbouj caeuq gou, hawj faenhsou doiq gyoengqde haenjheiq lah.

Lozmaj Saw 16:18

aenvih cungj vunz neix mbouj swqhaeuh bouxcawj raeuz Gihduz, caenh rox daengz bonjfaenh lah. Gyoengqde cungj dwg gangj doenghgij vah ndeidingq he ma coemx doenghheij vunz lauxsaed he.

Luqgyah Saw 21:8

Yiengq Yehsuh han gyoengqde naeuz: “Faenhsou ij siujsim, gaejyungh ngaiz vunz yaeuh, aenvih baezneix ij miz vunz yungh gij coh gou ma gyajcang naeuz: ‘Gou dwg Gihduz, Cangqdiq baij daeuj dih vuengz,’ vanzlij caiq naeuz: ‘Ijvanh daengz mwh he lo!’ Faenhsou dingq daengz doenghgij vah neix, cungj mbouj ndaej dingq, caemh mbouj ndaej gaen gyoengqde.

Luqgyah Saw 6:26

“Gij vunz bouxboux cungj haenh faenhsou hih mwh he nex, faenhsou couh ij satsoq lo, aenvih doenghheij cojgoeng gyoengqde caemh yienghneix haenh boux gyaj boux cenz gij vah Cangqdiq he.”

Majdaiq Saw 24:5

aenvih daengz mwhde, ij miz haujlai vunz gyajcang naeuz dwg gou hwj naeuz: ‘Gou dwg Gihduz, Cangqdiq baij daeuj dih vuengz.’ Gyoengqde ij yungh yienghneix ma yaeuh haujlai vunz.

Gyahlahdaiq Saw 3:13

Hoeng, Gihduz gaenq dingj gyoengqraeuz vih mbouj soenhsouj fazliz hwj ngaiz mang hih, hawj gyoengqraeuz ndaej duet ok ngaiz mang he, aenvih ndaw Singqgingh ndaw de sij naeuz: Famz ngaiz ding youq gwnz faex hih cungj dwg ngaiz mang.

Gohlimzdoh It 7:23

Gou naeuz sou hax, faenhsou dwg Cangqdiq yungh gauhgyaq cueg faenhsou ma hih, sojhij faenhsou gaejyungh bienqbaenz guh gij hoiq vunz.

Gihduz Hawj Vunz Rox 3:8

Gou rox mwngz soj guh hih; gannaeuz mwngz rengz noix lah, hoeng, mwngz dauq gyenhciz ciuq gou soj gangj hih yienghmwnq bae guh, caemh nginh dwg lwgsae gou, mbouj yiem gou. Sojhij gou youq dangqnaj mwngz hoi aen dou he hawj mwngz; aen dou neix dwg mij'z vunz ndaej haep hih.

Luqgyah Saw 12:9

fanjgoqma, famz youq dangqnaj vunz mbouj nginh gou hih, gou, Vunz dih Daiqbiuj, caemh youq dangqnaj bouxcai Cangqdiq mbouj nginh de.

Ok Ngaihgiz 15:16

Gyoengqde caenhrox dungxmbouq caeuq mbeilek. Yehhozvaz hax, aenvih gij akak rengzrengz mwngz, Gyoengqde luj ngauq rin, mbouj ndaej doenghdanh, Yawj myoegmyoeg, yawj gij vunz mwngz goq bae, Daengj gij vunz mwngz soj cueg ma hih goq bae.

Dizmohdaiq It 5:8

Yiengq, hauhnaeuz miz vunz mbouj bang gij caencik bonjfaenh, dwzbez dwg gij vunz ndaw ranz bonjfaenh, yiengq de couh dwg yiem gij saedsaeh Cangqdiq lo; cungj vunz neix beij doengh boux mbouj sinq Cangqdiq he vanzlij yaez.

Gihduz Hawj Vunz Rox 6:10

hemq goggog naeuz: “Veijdaq dih caenhgag mwngz cij dwg caencwnz dih Cangqdiq hax, ij daengj daengz seizlaw mwngz cij saemjbuenq doenghgij vunz gaj raeuz he, hawj gyoengqde bauqwngq dawz nej?”