Bijdwz It 4:3 - Gij Baujcingq Moq Caeuq Geij Bonj Gij Baujcingq Daeuzdaeuz

³ aenvih faenhsou doenghbaez caeuq doenghheij mbouj rox Cangqdiq hih vunz doxdoengz, dawz cizgyenh sai youq doenghheij saeh faenhsou haenj guh he bae, couh dwg guh gij yalw ndaengndwet, siengjmuengh, gw laeuj fiz, baenx gyoengq baenx raq gwgw angqangq rek ruxrux, simqciq baiq you, gij saeh dwgcaengz neix he.

Bijdwz It 4:3 Iomraidhean Croise

Majgoj Saw 7:22

guxcaeg hah, gaj vunz hah, guhyoux hah, damsim hah, guh doeg guh sieb hah, yaeuh vunz coemx vunz hah, siengj doenghgij ndaengndwet yalw he hah, rahoengz hah, bangjlaih vunz hah, gyauhngauq hah, guh gij saeh ngawz he hah.

Geiq Dwzbaijyienz 17:30

Doenghbaez gij vunz mbouj rox de, mbouj nginh de, guh loek; de cungj mbouj leixlangh gyoengqde. Hoeng seizneix de ij mingqlingq lajmbwn sojmiz hih vunz ij daj ndaw sim nginh loek gaijgoq,

Lozmaj Saw 13:13

Gyoengqraeuz guh vunz ij guh cingqdangq hih vunz, caemh ij guh gij saeh cingqdangq yawj ndaej raen rongh he. Mbouj ndaej caenhrox gwgw angqangq ndaengndaeng ndwetndwet, mbouj ndaej hozgenz, rahoengz, doxceng.

Gohlimzdoh It 12:2

Faenhsou caemh gag rox, youq faenhsou mijyaengz sinq Cangqdiq cihsenz, faenhsou baenxlai ngawz, siengzseiz ngaiz yaeuh hwj bae bwiz you.

Gohlimzdoh It 6:11

Faenhsou ndaw de miz hih vunz doenghbaez couh dwg yienghneix, hoeng, seizneix faenhsou gaenq dunghgoq bouxcawj raeuz Yehsuh Gihduz caeuq baengh Cangqdiq dih Hoenzsaenz hwj ndaej mienx coih, ndaej youq ndaw lwgra Cangqdiq suenq dwg boux mij'z coih he, ndaej guh gij vunz Cangqdiq he lo.

Gohlimzdoh Ngeih 12:21

Gou caemh you gou bae faenhsou mwnq, gou sinq dih Cangqdiq hawj gou youq dangqnaj faenhsou saetnaj, couh vih gou yawjraen doenghheij famh coih goq hih, vanzlij guh doenghgij yalw hih, guhyoux hih, guh doeg guh sieb hih, vanzlij mboujyaengz gaijgoq hih hwj siengsim.

Gyahlahdaiq Saw 5:19

Ciuq vunz dih ndangnoh siengjmuengh bae guh hih mij maz ngeiz, gaengjdingq ngaiz guh doenghgij yalw doegsieb he, couh luj ndaengndwet hah, guhyoux hah, guh doenghgij gangj mbouj ndaej ok bak he hah,

Gyahlahdaiq Saw 5:21

rahoengz rahwngq hah, gw laeuj fiz hah, gwgw angqangq caeuq sojmiz luj doenghgij saeh neix hih hah. Gangj daengz doenghgij saeh neix, gou doenghbaez naeuz faenhsou goq, seizneix gou vanzlij caiq naeuz faenhsou, guh doenghgij saeh neix hih vunz gaengjdingq mbouj ndaej gaep haeuj guek Cangqdiq.

Hijfuzsoj Saw 5:18

Faenhsou caemh mbouj ndaej gw laeuj fiz—gw laeuj fiz hawj vunz bienq ya mbouj rox nyaenq—dauq ij hawj Hoenzsaenz Cangqdiq doz youq gwnz ndang faenhsou hwj rim bae.

Dezsajloznizgyah It 4:5

Gaejyungh luj doenghheij vunz mbouj rox Cangqdiq caeuq caeuq gij cawjeiq Cangqdiq doxngig hih doenghheij vunz mwnq, guh ndaeng guh ndwet he.

Dizdoh Saw 3:3

Dizdoh hax, gou vihmaz ij yienghneix naeuz, dwg aenvih gyoengqraeuz gaxgonq caemh mbouj rox gij saeh Yehsuh, ngawz, nga'ngangq, ngaiz fangzvuengz coemx, cungj dwg ngaiz gak cungj yaya yongqyongq siengjmuengh caeuq gwgw angqangq hwj ciemq youq ndaw sim, siengzseiz miz gij doegsieb he, rahoengz he, doxhaenq he.

Bijdwz It 1:14

Faenhsou ijaeu luj gij lwg Cangqdiq yienghmwnq naeuzdingq; mbouj ndaej luj doenghbaez yienghmwnq ngawzngad, moengxcwenx gijmaz cungj mbouj rox hwj siengj guh gijmaz couh guh gijmaz.

Youzdaq Saw 1:4

Gou yienghneix naeuz dwg aenvih miz gij vunz mbouj yawjnaek Cangqdiq he gaenq caegcaeg ndonj haeuj faenhsou mwnq bae lo. Gyoengqde dawz Cangqdiq dih haijliengh ma dangq dwg ndaej seizbienh siengj guh gijmaz couh guh gijmaz, guh doenghgij mij'z naj ndaej gangj ok bak he; gyoengqde mbouj nginh bouxcawj raeuz Yehsuh Gihduz caenhgag de cij ndaej guenjciq gyoengqraeuz he. Luj cungj vunz neix ndaw Singqgingh gaenq senqsi cix sij naeuz gyoengqde ij ngaiz dingh miz coih lo.