Bijdwz It 4:2 - Gij Baujcingq Moq Caeuq Geij Bonj Gij Baujcingq Daeuzdaeuz

² Faenhsou miz aen sim yienghneix, daj seizneix hwnj, faenhsou goq saedceij couh mbouj caiq ngaiz ciuq vunz dih baenjsingq, siengjmuengh hwj gaemhanh dawz lo; cij rox ciuq Cangqdiq dih cawjeiq hwj goq saedceij lah,

Bijdwz It 4:2 Iomraidhean Croise

Majdaiq Saw 12:50

Famz dingq gij vah Bohmbwn gou, ciuq gij vah de bae guh hih cungj dwg meh gou, nuengx gou.”

Majdaiq Saw 20:4

De raen yienghneix le, couh doiq gyoengqde naeuz: ‘Faenhsou bae ndaw suen gou guh hong bax; gou caemh ok ngaenzhong hawj faenhsou ngamj hih.’

Majdaiq Saw 21:31

“Yiengq gou cam faenhsou, song daeglwg neix dauqdaej daeglawz dingq daxboh de nej?” Gyoengqde han naeuz: “Daegdaeuz de.” Yehsuh dingq le, couh doiq gyoengqde naeuz: “Gou saedsaeh naeuz sou ni, doengh boux guh sou ceiq he caeuq doengh boux guh lauxgawj he vanzlij ndaej beij faenhsou sien haeuj aen guek Cangqdiq bae gaxgonq hwx.

Majdaiq Saw 7:21

Yehsuh vanzlij caiq naeuz: “Gou naeuz sou ni, mbouj dwg naeuz byawz heuh gou ‘Bouxcawj hax bouxcawj,’ heuh hwj dwk sadsad couh ndaej gaep haeuj aen guek Cangqdiq law; caenhgag doengh boux ciuq gij cawjeiq Bohmbwn gou bae guh hih cij ndaej gaep haeuj guek Cangqdiq lah.

Majgoj Saw 3:35

De vanzlij caiq naeuz: “Famz dingq gij vah Cangqdiq ciuq gij cawjeiq Cangqdiq bae guh hih couh dwg meh gou, beixnuengx gou.”

Majgoj Saw 7:21

aenvih dajlaeng vunz ok daeuj couh dwg daj ndaw sim vunz ok daeuj hih gak cungj doegdoeg siebsieb hih siengjfap. Gij siengjfap neix ndaej hawj vunz famh coih guh gij hawj vunz gangj mbouj ndaej ok bak he,

Yozhanq Saw 1:13

Guh lwg Cangqdiq hih vunz mbouj dwg ciuq swqyienz yienghmwnq seng daeuj hih, cixnaeuz dwg vunz caeuq vunz yienghmwnq miz lwed miz noh miz muengh hih yienghmwnq seng, dauq dwg baengh Cangqdiq ndaej seng daeuj hih lah.

Yozhanq Saw 7:17

Hauhnaeuz faenhsou gietsim ciuq gij cawjeiq Cangqdiq bae guh nex, couh ndaej rox doenghgij vah neix dwg Cangqdiq hawj gou gangj haj cixnaeuz dwg gou gag gangj hih lo.

Lozmaj Saw 12:2

Faenhsou mbouj ndaej ciuq aen seiqgyaiq neix hwng gijmaz caemh gaen hwng gijmaz, dauq ij hawj Cangqdiq gaij gij siengjfap faenhsou hwj hawj faenhsou ndaej gaijbienq goqma, hawj faenhsou ndaej faenbied gij cawjeiq Cangqdiq, hawj faenhsou rox gijmaz dwg ndei he, dwg hab'eiq habhoz Cangqdiq he, dwg mij maz ndaej diudik he.

Lozmaj Saw 14:7

Fanjcingq gyoengqraeuz sinq Yehsuh hih vunz, mij saek boux naeuz dwg vih bonjfaenh hwj goq saedceij hih, caemh mij saek boux dwg vih bonjfaenh hwj rai.

Lozmaj Saw 6:11

Yienghneix, aeu coih ma gangj, faenhsou caemhdangq yawj bonjfaenh gaenq rai lo, hoeng, aeu Cangqdiq ma gangj, faenhsou dunghgoq Yehsuh Gihduz hwj dangq lix lo.

Lozmaj Saw 6:2

Gou naeuz sou ni hax, gaengjdingq mbouj dwg! Ciuq miz coih ma gangj, gyoengqraeuz caemhdangq gaenq rai lo; caiq ij baenzlwh naeuz caiq famh coih haem nej?

Lozmaj Saw 7:4

Beixnuengx hax, ciuq luj yienghneix ma gangj, faenhsou caemh doxdoengz; faenhsou dunghgoq Gihduz dingj vunz rap coih hwj ngaiz rai hih, youq Mohsih fazliz gwnz de ma gangj, faenhsou caemh gaenq rai lo. Faenhsou seizneix gaenq gvi haeuj boux daj rai ndaej dauqlix hih boux mwnq, hawj gyoengqraeuz ndaej guh gij doiq Cangqdiq miz ik he.

Gohlimzdoh Ngeih 5:15

Yiengq, giqyienz Gihduz vih sojmiz hih vunz hwj rai vwz, sojmiz hih vunz couh mbouj wnggai vih bonjfaenh hwj lix lo, dauq dwg ij vih Gihduz hwj lix cij deng, aenvih Gihduz vih sojmiz hih vunz hwj rai, caemh vih sojmiz hih vunz hwj dauqlix lo.

Hijfuzsoj Saw 2:3

Gizsaed gyoengqraeuz doenghbaez bouxboux cungj dwg caeuq gyoengqde doxdoengz, ciuq aen ndangnoh bonjfaenh siengjmuengh, siengj guh gijmaz couh guh gijmaz. Sojhij gyoengqraeuz caeuq gizdah vunz mij maz faenbied, baenjsingq cungj dwg doegsieb he, cungj dwg ij ngaiz souh daengz Cangqdiq fad.

Hijfuzsoj Saw 4:17

Sojhij gou hij bouxcawj raeuz dih mingzhiq ma saedsaeh naeuz sou ni, faenhsou goq saedceij mbouj ndaej caiq luj doenghheij mij rox Cangqdiq mij nginh Cangqdiq hih yienghmwnq naemqnaeuz bonjfaenh cungj rox raixcaix he lo.

Hijfuzsoj Saw 5:17

Couh vih yienghneix, faenhsou caemh mbouj ndaej guh vunz mazmwnh, dauq ij guh vunz rox gij cawjeiq Cangqdiq he.

Hijfuzsoj Saw 6:6

Gaejyungh vih ij hawj vunz haenh hwj gyajcang guh ndei, dauq ij luj bouxhoiq Gihduz yienghmwnq daj ndaw sim ciuq gij cawjeiq Cangqdiq bae guh,

Gohlozsih Saw 1:9

Sojhij, couh vih yienghneix, daj gyoengqraeuz dingq daengz faenhsou hih gij siuhsiz neix hwnj, gyoengqraeuz couh siengzseiz bang faenhsou gouzhaenh Cangqdiq, gouz de hawj faenhsou dunghgoq Hoenzsaenz de hwj hawj faenhsou coengjmingz caeuq ndaej miz bonjsaeh ndaej faenbied he, hawj faenhsou mboujguenj gijmaz cungj ndaej rox gij cawjeiq de.

Gohlozsih Saw 3:3

aenvih haeuj aen seiqgyaiq neix hih faenhsou hih mingh gaenq rai lo. Faenhsou sinq Gihduz le, saen hih mingh gaenq caeuq Gihduz itheij yo youq Cangqdiq mwnq lo.

Gohlozsih Saw 4:12

Vanzlij miz Hijbahfuz caemh cam faenhsou ndei. De dwg faenhsou mwnq hih vunz, caemh dwg bouxhoiq Yehsuh Gihduz. De siengzseiz caensim bang faenhsou gouzhaenh Cangqdiq, gouz Cangqdiq hawj faenhsou ndaej guh boux mij gijmaz ndaej diudik he, cibcukcib ndei he, hawj faenhsou ndaej rox cingsuj gij cawjeiq Cangqdiq.

Dezsajloznizgyah It 5:18

mboujguenj baenzlawz, cungj ij rox docih Cangqdiq, aenvih gij neix dwg Cangqdiq doiq faenhsou doenghheij vunz gaep haeuj Yehsuh Gihduz he dih yauhgyiuz.

Hihbwzlaiz Saw 13:21

muengh de nyok hawj faenhsou soj ij yungh hih gij ndei he, hawj faenhsou ndaej ciuq gij cawjeiq de bae guh. Caemh muengh de dunghgoq Yehsuh Gihduz dih rengz hwj youq gwnz ndang faenhsou guh de soj haenj hih saeh. Muengh najrongh yungjyenj gvi hawj de! Ahmaenz.

Yajgoz Saw 1:18

De ciuq gij cawjeiq bonjfaenh de yungh gij saedsaeh ndei siuhsiz de ma hawj raeuz ndaej dauqlix, hawj gyoengqraeuz ndaej guh daixit buek de doiqyungz cauh he hwj guh gij vunz de.

Bijdwz It 1:14

Faenhsou ijaeu luj gij lwg Cangqdiq yienghmwnq naeuzdingq; mbouj ndaej luj doenghbaez yienghmwnq ngawzngad, moengxcwenx gijmaz cungj mbouj rox hwj siengj guh gijmaz couh guh gijmaz.

Bijdwz It 2:1

Yiengq, giqyienz faenhsou gaenq rox bouxcawj raeuz doiq faenhsou ndei lo, [1]faenhsou couh mbouj wnggai guh gij doegsieb he, yaeuh vunz he, gyajcang guh ndei he, rahoengz vunz bangjlaih vunz he lo, [2]dauq ij gaenj ranxranx hwj hag rox gij vah Cangqdiq cij deng, gaenj ranxranx luj lwgnding yienghmwnq ij gw gij nauq daxmeh de, yienghneix couh ndaej maj hung baenz vunz, couh dwg naeuz ndaej gouq lo.

Yozhanq It 2:17

Aen seiqgyaiq neix caeuq sojmiz siengjmuengh hih, couh ij menhmenh byoeng lo. Caenhgag gij vunz ciuq gij cawjeiq Cangqdiq bae guh hih mbouj ngaiz byoeng, ndaej seiqseiz lix hoh lo.