Bijdwz It 4:1 - Gij Baujcingq Moq Caeuq Geij Bonj Gij Baujcingq Daeuzdaeuz

¹ Yiengq, giqyienz Gihduz souh nanh goq lo, faenhsou caemh ij wnggai caeuq de doxdoengz miz aen sim he cwnjbiq souh nanh, aenvih ngaiz souh nanh goq hih vunz gaenq caeuq coih doxbiek, duet ok coih lo.

Bijdwz It 4:1 Iomraidhean Croise

Majgoj Saw 3:3

Gajlaeng Yehsuh yawj ndaej ok gyoengqde dih yimhmaeuz le, couh doiq boux fawz vej mwnq naeuz: “Daeuj, daeuj dangqnaj vunzlai ndwn hwj.” Yehsuh yienghneix naeuz le, boux de caemh dingq Yehsuh hwj ndwn youq dangqnaj vunzlai.

Lozmaj Saw 6:11

Yienghneix, aeu coih ma gangj, faenhsou caemhdangq yawj bonjfaenh gaenq rai lo, hoeng, aeu Cangqdiq ma gangj, faenhsou dunghgoq Yehsuh Gihduz hwj dangq lix lo.

Lozmaj Saw 6:2

Gou naeuz sou ni hax, gaengjdingq mbouj dwg! Ciuq miz coih ma gangj, gyoengqraeuz caemhdangq gaenq rai lo; caiq ij baenzlwh naeuz caiq famh coih haem nej?

Lozmaj Saw 6:7

aenvih vunz rai le, couh ndaej duet ok coih dih guenjciq lo.

Gyahlahdaiq Saw 2:20

Ciuq yienghneix ma gangj, gou gaenq caeuq Gihduz caez ding youq gwnz gyaq cixcib rai lo; seizneix hih gou gaenq mij dwg yienzlaiz hih gou lo, dauq dwg dauqlix dih Gihduz doz youq gwnz ndang gou lah. Sojhij gou seizneix dwg baengh sinq daeglwg Cangqdiq hwj saenghhoz he, aenvih de aiq gou, simqciq sijndaej diuz mingh bonjfaenh de.

Gyahlahdaiq Saw 5:24

Famz dwg haeuj Yehsuh Gihduz hih vunz hih gaenq dawz doenghheij mbouj ndei hih siengjfap, ndangnoh caeuq ndangnoh hih siengjmuengh cungj caez ding hwnj gwnz gyaq cixcib bae lo.

Hijfuzsoj Saw 6:13

Sojhij ij dawz ij daiq ij daenj ndei Cangqdiq soj nyok hawj hih, guh ndei boux bing Cangqdiq yungjgamj he hwj ndaej youq mwh veizyiemj he ndaej dangx dizyinz, ndaej caeuq de hoenx daengxdaej, caemh ndwn ndaej gaenj.

Feihlizbij Saw 2:5

Faenhsou wnggai miz Yehsuh Gihduz yienghmwnq hih sim.

Hihbwzlaiz Saw 12:3

Faenhsou wnggai ngeix daengz de souh daengz vunz vaih fanjdeiq de, caeuq de doxngig, de vanzlij ndaej naenxsim hih, faenhsou couh mbouj doeknaiq lo.

Hihbwzlaiz Saw 4:10

Aenvih mboujguenj byawz, ndaej miz faenh yangjcouq gij yietbaeg Cangqdiq hih, boux de couh dwg ndaej dingz hong yietbaeg lo, cingq luj Cangqdiq yienghmwnq dingz hong hwj yietbaeg yienghmwnq.

Bijdwz It 2:21

Cangqdiq senj faenhsou dih muzdiz dwg ij hawj faenhsou yienghneix guh hih, aenvih Gihduz caemh vih faenhsou hwj ngaiz souh nanh, hawj faenhsou guh ndei bangjyangq, hawj faenhsou gaen de guh, hag de.

Bijdwz It 3:18

Gihduz de caemh dwg yienghneix; de vih ij mbat dog couh ndaej bang gyoengqraeuz daixgya rap coih hwj ngaiz rai lo, hoeng, de coengzlaiz cungj mij famh coih goq, dauq vih gij vunz miz coih hih hwj ngaiz rai lah, vih dwg ij daiq gyoengqraeuz bae daengz Cangqdiq mwnq. De yienghneix ngaiz rai, ciuq ndangnoh ma gangj, de rai lo, hoeng, ciuq hoenzsaenz ma gangj, de dauqlix lo.