Bijdwz It 2:4 - Gij Baujcingq Moq Caeuq Geij Bonj Gij Baujcingq Daeuzdaeuz

⁴ Faenhsou ij wnggai gaep haeuj bouxcawj raeuz Yehsuh Gihduz, aenvih de dangq dwg lix hih rin; gannaeuz vunz vwt de yiem de lah, hoeng, Cangqdiq dauq yawj de dij, senj de ma guh ngauq rin mbouj ndaej noix he.

Bijdwz It 2:4 Iomraidhean Croise

Majdaiq Saw 11:28

“Daeuj bax, doenghheij cienfanh dwgrengz sinhoj hih vunz hax, faenhsou daeuj gaen gou bax. Gou ndaej hawj faenhsou duet ok dwgrengz sinhoj hwj ndaej yietbaeg hih.

Majdaiq Saw 12:18

Yawj veiq, boux neix couh dwg gou senj hih hoiq; gou aiq de, haenj de. Gou ij dawz Hoenzsaenz gou nyok hawj de; de gaengjdingq dawz gou gouq vunz caeuq saemjbuenq vunz cenz naeuz linghvaih minzcuz hih vunz ni.

Majdaiq Saw 21:42

Yehsuh dingq le, couh doiq gyoengqde naeuz: [43]“Sojhij, gou naeuz sou ni, Cangqdiq ij dajlaeng faenhsou dued aeu aen guek de ma nyok hawj doenghgij vunz linghvaih minzcuz dingq gij vah de ciuq gij vah de bae guh he, [42b]aenvih ndaw Singqgingh ndaw de sij miz naeuz: Canghranz vwt hih hengxdiuz, gajlaeng engq bienqbaenz aen ranz mbouj ndaej noix he dih diuz gangqloz he. Gij neix cungj dwg Cangqdiq nganhbaiz hih; aeu raeuz ma yawj, dwg geizmiuj raixcaix. Gawq neix faenhsou mij doeg goq mah?

Yozhanq Saw 14:19

Goq mbouj geijlwh caez, gij vunz mbouj caiq raen gou haem lo, hoeng, faenhsou dauq ndaej raen gou, aenvih gou ij dauqlix, faenhsou caemh ij ndaej dauqlix.

Yozhanq Saw 14:6

Yehsuh dingq le, han naeuz: “Gou couh dwg roen, dwg saedsaeh, dwg mingh; hauhnaeuz mbouj dunghgoq gou, mij'z vunz ndaej bae daengz daxboh mwnq.

Yozhanq Saw 5:26

Aenvih boh bonjfaenh de couh dwg doenj mingh, de caemh ciuqyiengh hawj daeglwg de ndaej guh doenj mingh.

Yozhanq Saw 5:40

hoeng, faenhsou dauq mij daeuj laeng gou neij gouz ndaej seiqseiz lix.

Yozhanq Saw 6:37

Famz boh soengq hawj gou hih vunz, gaengjdingq daeuj gaep haeuj gou; gaep haeuj gou hih vunz, gou gaengjdingq mbouj vwt de,

Yozhanq Saw 6:57

Hawj miz mingh dih daxboh baij gou daeuj; gou dwg baengh de cij ndaej lix he. Caemh doxdoengz, gw gou hih vunz couh dwg baengh gou cij ndaej lix he.

Lozmaj Saw 5:10

Yiengq caiq giqyienz daeglwg Cangqdiq rai ndaej hawj gij dizyinz Cangqdiq ndaej caeuq Cangqdiq doxhuz vwz, de dauqlix, mbouj engqgya hawj vunz ndaej gouq maz?

Gohlimzdoh It 3:11

Gij hauxranz neix gaenq roengz ndei lo; caiq mij'z vunz ndaej roengz daixlingh cungj hauxranz haem lo. Gij hauxranz gaenq roengz ndei neix couh dwg Yehsuh Gihduz lo.

Gohlozsih Saw 3:4

Daengj daengz hawj faenhsou mingh hih Gihduz yienh okdaeuj hih mwhde, faenhsou caemh ndaej caeuq de yienh ndaej najrongh lo.

Bijdwz It 1:19

dauq dwg baengh Gihduz dijbauj dih lwed lah; gij lwed de couh luj gij lwed duz yiengzlwg ndei ndwtndwt giencangq he.

Bijdwz It 1:7

Faenhsou souh daengz gaujniemq dih muzdiz dwg ij cingqmingz faenhsou sinq Gihduz hih sim dwg cingqcaen, dwg beij gij gim dunghgoq feiz ma dizlenq okdaeuj hoeng vanzlij rox vaih hih, vanzlij dijbauj lah; yienghneix faenhsou daengz mwh Yehsuh Gihduz dauq daeuj hih mwhde, faenhsou couh ndaej haenh, ndaej najrongh, ndaej hawj vunz soenhcungq faenhsou lo.

Bijdwz It 2:7

Sojhij doiq faenhsou doenghheij sinq de hih vunz ma gangj, Gihduz, ngauq rin neix dwg dijbauj hih, hoeng, doiq doenghheij mbouj sinq de hih vunz ma gangj, Gihduz, ngauq rin neix couh dangq luj youq ndaw Singqgingh ndaw de soj sij naeuz hih: Doenghheij canghranz dajcaep yiem de vwt de he, seizneix dauq dwg ngauq rin gok ranz mbouj ndaej noix he.

Bijdwz Ngeih 1:1

Gou dwg Sihmaenz-Bijdwz, dwg bouxhoiq Yehsuh Gihduz, caemh dwg boux dwzbaijyienz de he. Gou sij saenq hawj faenhsou doenghheij caeuq gyoengqraeuz doxdoengz vih Cangqdiq raeuz, bouxcawj gouq vunz dih Yehsuh Gihduz, ndwn ndaej cingq hih hwj ndaej miz aen sim dijbauj sinq Gihduz hih hwj sij hih.

Bijdwz Ngeih 1:4

Aenvih de yienghneix veijdaq, haijliengh, sojhij de couh baujcingq nyok hawj gyoengqraeuz ceiq dijbauj ceiq veijdaq he, hawj gyoengqraeuz ndaej duet ok aen seiqgyaiq neix hih siengjmuengh yalw hawj vunz ngaiz satsoq he hwj hawj gyoengqraeuz ndaej miz faenh miz gij baenjsingq Cangqdiq.