Menjʉɔ te lí 8:9 - Eka Eswhī

⁹ Ajʉɔ tsem zīi á naáŋ á ntshi, á gap nnɛ̄t nzhɛ tɛ́t, taʼ nzhɛ á pú ŋkwhʉ́. Memɛtúa ntshi é gap nnɛ̄t nzhɛ tɛ́t, taʼ nzhɛ á pú ndákne.

Menjʉɔ te lí 8:9 Iomraidhean Croise

Menjʉɔ te lí 12:4

Mecɔʼ saŋ é gap nnɛ̄t nzhɛ tɛ́t. Á lɔk asáŋ zí, éfhó á lephū njɔ̄k á taʼ nzhɛ, ḿbwɛ̄t á esī atsetsáʼ. Ŋ́gʉɔ ntshí á mvhɔ menzwí yīi, a le nɔ̄ŋ ŋgɔ̄ á nzhíɛ lā, éfāʼa ŋ́gɛ mɔ́ a elɛ ŋgē etó, a lɛ esyɛ̄tte á yí mpfɛ́t.

Menjʉɔ te lí 16:3

Páte mémpīa cɔʼ Ndém, á fuʼte ezi ndɔ̄ŋ á ntē mía ntshi. Ntshi, é sɛt nnɛ̄t, ńcʉ́ʼ páʼ metshi apfhō ŋiŋ lā. Ajūɔ tsem zīi, á ŋgɔ́ á ntē ntshi tɛ nnɔ̄ŋ ŋŋɛ̄nɛ, á pú ŋkwhʉ́.

Menjʉɔ te lí 8:10

Cɔʼ Ndém mbáte tɛ́t á tɔ́ŋ ezi ntaŋ, emɔ̄ʼ mía mía cɔʼ saŋ, ńnɔŋ ŋkhʉ́ɛ páʼ ŋkaʼ yīi, mɛ́ é kók lā, á fhó á lephū ŋgwhʉ̄ ánɛ mesāʼ‑ntshi, mbɔɔ ánɛ taʼ nzhɛ ntshi, mbɔ ntshi é gap nnɛ̄t nzhɛ ntɛ́t.

Menjʉɔ te lí 8:12

Cɔʼ Ndém mbáte lekua á tɔ́ŋ ezi ntaŋ, lezēk nu é gap nnɛ̄t nzhɛ tɛ́t, taʼ nzhɛ á sɛt nnɛ̄t eséŋ. Lezēk saŋ é gap nnɛ̄t nzhɛ tɛ́t, taʼ nzhɛ á sɛt nnɛ̄t eséŋ. Mecɔʼ saŋ é gap nnɛ̄t nzhɛ tɛ́t, taʼ nzhɛ á sɛt nnɛ̄t eséŋ. Taʼ, taʼ nzhɛ ánɛ meŋkaʼ muɔ mɛ́t, á pú eséŋ páʼā, ezokó é gap nnɛ̄t meleŋ njhʉ̄ nzhɛ tɛ́t, taʼ nzhɛ á sɛt nnɛ̄t eséŋ, á zéŋ ŋgɔ́ ndeŋ ndeŋ épúp ánɛ etsōʼ.

Menjʉɔ te lí 8:7

Ŋgaŋ mvhɔ á tɔ́ŋ ezi ntaŋ. Mewɛ pɔ́ mmók, éswāŋte ánɛ metshi, é whʉ á ndo esī atsetsáʼ. Ndo esī atsetsáʼ é gap nnɛ̄t nzhɛ tɛ́t, taʼ nzhɛ á pú eshhʉ́. Taʼ nzhɛ methʉ́ á pú eshhʉ́. Mvēŋ eswī ntsem é pú eshhʉ́ azí.

Menjʉɔ te lí 9:15

Mɛ́ kɛ́ʼɛ mecɔʼ Sɛ́ta mɛ́t lekua, mbɔ Ndém a le pɛtté á wɔ́p, ńdɔk nzwíʼte á afʉʼ zīi, pɔ́ e zwhíte á taʼ nzhɛ, ánɛ epuɔ ŋgɔŋ ntsem pīi, pɔ́ é gapte nnɛ̄t nzhɛ tɛ́t. Pɔ́ tshí, ńnɔŋ nzwíʼtɛ ŋguʼ mɛ́t, ńnɔŋ nzwíʼtɛ á saŋ mɛ́t, ńnɔŋ nzwíʼtɛ aleʼé mɛ́t, ńnɔŋ nzwíʼtɛ njhʉ̄ mɛ́t.

Menjʉɔ te lí 9:18

Mmók mbɔɔ ŋghī pɔ́ meka, écū mwɔ̄ tsɛ́ tɛ́t tsīi, é le fhó á nchu melʉ́ɔ́ ntó, é le nɔ̄ŋ mmaʼa ŋgʉɔ̄ʼ ánɛ epuɔ, ḿbík á taʼ nzhɛ, ánɛ epuɔ ŋgɔŋ ntsem pīi, pɔ́ é gap nnɛ̄t nzhɛ tɛ́t.