Menjʉɔ te lí 8:7 - Eka Eswhī

⁷ Ŋgaŋ mvhɔ á tɔ́ŋ ezi ntaŋ. Mewɛ pɔ́ mmók, éswāŋte ánɛ metshi, é whʉ á ndo esī atsetsáʼ. Ndo esī atsetsáʼ é gap nnɛ̄t nzhɛ tɛ́t, taʼ nzhɛ á pú eshhʉ́. Taʼ nzhɛ methʉ́ á pú eshhʉ́. Mvēŋ eswī ntsem é pú eshhʉ́ azí.

Menjʉɔ te lí 8:7 Iomraidhean Croise

Jáak 1:11

Pɛ ejʉ́ɔ páʼ, nu a saáʼe, ŋ́kyá, ńtɔ̄ mvēŋ, aflúwa zí á zó, ŋ́gwhʉ̄, ḿbiŋ te zéŋ mbɔ̄ŋ ɔ́. Ndeŋ ndeŋ épúp, ŋgaŋ azō a a shʉʼ ezó á azí épúp, á tsetsɛlɛ mefaʼ mí.

1 Piɛ 1:24

Mɛ́ tií á ntē aŋwaʼne Ndém ŋ́gɛ: «Ŋiŋnɔŋ ntsem a á páʼ mvēŋ lā, lewūʼ tsí ntsem, é gɔ́ páʼ mesa mvēŋ. Mvēŋ e zoó, ŋ́kwhʉ́, mesa mí é kwhʉne mbwɛ̄t á esī.

Menjʉɔ te lí 12:4

Mecɔʼ saŋ é gap nnɛ̄t nzhɛ tɛ́t. Á lɔk asáŋ zí, éfhó á lephū njɔ̄k á taʼ nzhɛ, ḿbwɛ̄t á esī atsetsáʼ. Ŋ́gʉɔ ntshí á mvhɔ menzwí yīi, a le nɔ̄ŋ ŋgɔ̄ á nzhíɛ lā, éfāʼa ŋ́gɛ mɔ́ a elɛ ŋgē etó, a lɛ esyɛ̄tte á yí mpfɛ́t.

Menjʉɔ te lí 16:2

Mvhɔ cɔʼ Ndém á gʉɔ efūʼte ezi ndɔ̄ŋ á esī atsetsáʼ, metepɔŋ meféŋ, ńnɔŋ nzáŋa tɛʼ, é pú ŋkó á mbe nnɛ̄t epuɔ pīi, ayiŋne na á lɛ ánɛ pɔ́p. Épuɔ pīi pɔ́ lɛ si ŋgūʼtɛ á akeke na.

Menjʉɔ te lí 16:21

Emɔ̄ʼ memía mewɛ, ńzɛ̄t tɛ́ʼ, tɛ taʼ mbaŋ á nɔŋ ŋkūʼɔ ajūɔ mekílo megēm lekua, é fhó á lephū esóʼo, ŋ́gwhʉ̄te ánɛ epuɔ menɔŋ. Pɔ́ zi á lezɔte á Ndém, melaʼ ŋgʉɔ̄ʼ jʉɔ zīi, mewɛ é néŋɛ ánɛ pɔ́p lā. Ńzɔ̄te á yí épúp, éfhɔ́ɔ ánɛ ntií zīi, ŋgʉɔ̄ʼ jʉɔ mɛ́t e le pú ntswhī efáŋ épúp.

Menjʉɔ te lí 6:8

Meŋ zɛ́t ncʉ̄te cʉte, ńjʉ́ɔ mmɔʼ lʉ́ɔ́, mbe zi é séŋne, ŋiŋ yīi a á nnáŋ éwú, lezēŋ tsí é gɔ́ lɛ Lewhʉ̄, alāʼ mepfhō, á gɔ́ á nzem yí nzhɛ̄nɛ á yí. Mɛ́ gap esī atsetsáʼ nzhɛ lekua, ŋ́gyá mete á mbū pɔ́p ánɛ taʼ nzhɛ, á lelɔk ncu mbɔɔ afʉɔne mbɔɔ megɔ, mbɔɔ egaáʼ mena mbaʼ esī atsetsáʼ, ńzwhíte epuɔ menɔŋ éwú.

Menjʉɔ te lí 7:1

Á tɔ́k épúp, meŋ jʉ́ɔ mecɔʼ Ndém lekua é tshíte á ajʉʼ, á ndo esī atsetsáʼ meshhʉ̄ lekua, ńnɔŋ ntɛ́nnɛ efēm lekua tsīi, é ndo esī atsetsáʼ, tɛ amɔ̄ʼ afēm á le pú ntúʼ á ndo esī atsetsáʼ ká á ndo mía ntshi, ká ánɛ methʉ́ ɛ́.

Menjʉɔ te lí 9:15

Mɛ́ kɛ́ʼɛ mecɔʼ Sɛ́ta mɛ́t lekua, mbɔ Ndém a le pɛtté á wɔ́p, ńdɔk nzwíʼte á afʉʼ zīi, pɔ́ e zwhíte á taʼ nzhɛ, ánɛ epuɔ ŋgɔŋ ntsem pīi, pɔ́ é gapte nnɛ̄t nzhɛ tɛ́t. Pɔ́ tshí, ńnɔŋ nzwíʼtɛ ŋguʼ mɛ́t, ńnɔŋ nzwíʼtɛ á saŋ mɛ́t, ńnɔŋ nzwíʼtɛ aleʼé mɛ́t, ńnɔŋ nzwíʼtɛ njhʉ̄ mɛ́t.

Menjʉɔ te lí 9:18

Mmók mbɔɔ ŋghī pɔ́ meka, écū mwɔ̄ tsɛ́ tɛ́t tsīi, é le fhó á nchu melʉ́ɔ́ ntó, é le nɔ̄ŋ mmaʼa ŋgʉɔ̄ʼ ánɛ epuɔ, ḿbík á taʼ nzhɛ, ánɛ epuɔ ŋgɔŋ ntsem pīi, pɔ́ é gap nnɛ̄t nzhɛ tɛ́t.

Menjʉɔ te lí 9:4

Mɛ́ tswi á mbū pɔ́p ŋ́gɛ, ndɛ́ʼ pɔ́ ghʉ anu tepɔŋ ánɛ mvēŋ á ndo esī atsetsáʼ, tɛ mbɔɔ ánɛ methʉ́, tɛ ŋkó azō tsem zīi á eswī. Ŋ́gɛ pɔ́ enéŋ ŋgʉɔ̄ʼ áa ánɛ epuɔ menɔŋ pīi, ayiŋne Ndém á té á mvhɔ eshhʉ̄ pɔ́p ɔ́.