Menjʉɔ te lí 8:5 - Eka Eswhī

⁵ Cɔʼ Ndém á lɛ ntswíʼ atūʼ á lelɔk ntɔ̄ á aŋsaŋ, éfhó á ajʉʼɛ nnɔɔ́ŋ‑epɔʼ, ḿbɛ́ mmók nnéŋ éwú tɛ é ló, ḿmāʼ á ndo esī atsetsáʼ. Mɛ́ lɛ njúʼ lefaŋ á levɛ̄tte, ńjúʼ meŋghi, ńjʉ́ɔ meŋŋí mbeŋ, esī atsetsáʼ é pú ncʉ̄ʼne.

Menjʉɔ te lí 8:5 Iomraidhean Croise

Matío 24:7

Epuɔ taʼ alāʼ é shʉʼ enáŋ tɛ epʉ́ʼɛ nnɛ̄t, égʉɔ elʉɔ́ʼ amɔ̄ʼ. Mmɔʼ efɔ a elū á esī, ńdʉɔ́ʼ mmɔʼ. Afʉɔne a shʉʼ ewhʉ é ejʉʼ ejʉʼ, atsáʼ a epú nzéŋ ncʉ̄ʼne é ejʉʼ ejʉʼ.

Lúkási 12:49

Yɛɛ́so á zéŋ ndé ŋ́gɛ: «Meŋ ke shʉ̄ʼ á ndo esī atsetsáʼ ega, á mmaāʼ mmók. Mmók mɛ́t é ke wíʼe, ńzī, tɛ nnɔ̄ŋ ŋkhʉ́ɛ, mbɔ á pɔŋ á gá tɛʼ.

Mefaʼ Meziŋ-ntō 16:26

Mɛ́ lɛ ŋgē ejʉ́ɔ, esī atsetsáʼ é cʉʼne ménte ménte, tɛ atseŋ ŋgyā atʉɛ́ á pú ncʉ̄ʼne azí, menchu ŋgyā é pú ntsɔ́ʼɔ ntshí, meŋkhʉ atʉɛ́ mīi mɛ́ ndɔk ŋkwɛ́t megaŋ atʉɛ́, é pú ŋkɛ́ʼte.

Mefaʼ Meziŋ-ntō 4:31

Aswiŋte á le gē emi, ajʉʼ zīi pɔ́ é ntshí éwú, á cʉʼne, Azwakne Ndém á ziɛ ntē wɔ́p metsem, ŋ́ghʉ̄ pɔ́ cʉ́ʼɛ eshúŋɔ áa anu Ndém, té pɔ́k.

Menjʉɔ te lí 11:13

Afʉʼ mɛ́t afʉʼ mɛ́t, esī atsetsáʼ é pú ncʉ̄ʼne ménte ménte. Tésɔŋ á gap nnɛ̄t nzhɛ legēm, taʼ nzhɛ á kemɛ. Epuɔ ntsāʼ esambīa é pú ndákne, páʼ esī atsetsáʼ e é cʉʼne lā. Ecɔʼ é pú ŋgɔ̄ epuɔ pīi, pɔ́ vuʼu, pɔ́ zi á lewuʼte á Ndém Efɔ lephū.

Menjʉɔ te lí 11:19

Ŋ́gūʼte á Ndém tɛ nzáʼ, Mía Ŋgyā Ndém á athʉ́ lephū á tsɔ́ʼɔ ntshí, akʉp eka á ŋwak á ntē éwú, mɛ́ lɛ njʉ́ɔ, meŋŋí mbeŋ é ŋwaŋ, ńjúʼ meŋghi, ńjúʼ lefaŋ á levɛ̄tte, esī atsetsáʼ é pú ncʉ̄ʼne, mewɛ tɛ nzáne é pú ŋgwhʉ̄.

Menjʉɔ te lí 4:5

Ŋŋí mbeŋ pɔ́ meŋghi epuɔ mbɔɔ lefaŋ, é nɔŋ efhɔ́ɔ ánɛ akɔʼ lefɔ mɛ́t ntúɔ́. Meláam esambīa é tshíte á mvhɔ akɔʼ lefɔ mɛ́t, ńnɔŋ ŋkhʉ́ɛ, ńdūɔ́ lɛ swaŋ swaŋ swaŋ, ŋ́gɔ́ ezwakne esambīa tsīi é faʼa á mbū Ndém.

Menjʉɔ te lí 6:12

Meŋ zɛ́t ncʉ̄te cʉte, ńjʉ́ɔ á Mɔ́ Njʉnjhʉ, á ŋɛ́ʼɛ elɛ ánɛ páte ntokó ajʉʼ, esī atsetsáʼ é pú ncʉ̄ʼne ménte. Lezēk nu é sɛt nnɛ̄t eséŋ páʼ aluŋɔ lewhʉ̄ lā. Lezēk saŋ é sɛt nnɛ̄t, ḿbāŋ páʼ metshi lā.

Menjʉɔ te lí 8:3

Mmɔʼ cɔʼ Ndém, á shʉʼ ntshí á lezēŋ ajʉʼ nnɔɔ̄ŋ‑epɔʼ, ŋ́gwɛ̄ á atūʼ, mɛ́ lɔk á gɔ́ɔl tɛ́ ncūŋte, á gɔ́ á lelɔk ntɔ̄ á aŋsaŋ. Mɛ́ yá alamńda á mbū yí tɛ á zá, á púte meswiŋte epuɔ Ndém ntsem éwú, ńtɔ̄ ánɛ ajʉʼɛ nnɔɔ́ŋ‑epɔʼ, mɛ́ lɔk á gɔ́ɔl tɛ́ ncūŋte. Ńtɔ̄ épúp, á mvhɔ akɔʼ lefɔ, ńdɔk ŋgūʼte á Ndém.