Menjʉɔ te lí 8:3 - Eka Eswhī

³ Mmɔʼ cɔʼ Ndém, á shʉʼ ntshí á lezēŋ ajʉʼ nnɔɔ̄ŋ‑epɔʼ, ŋ́gwɛ̄ á atūʼ, mɛ́ lɔk á gɔ́ɔl tɛ́ ncūŋte, á gɔ́ á lelɔk ntɔ̄ á aŋsaŋ. Mɛ́ yá alamńda á mbū yí tɛ á zá, á púte meswiŋte epuɔ Ndém ntsem éwú, ńtɔ̄ ánɛ ajʉʼɛ nnɔɔ́ŋ‑epɔʼ, mɛ́ lɔk á gɔ́ɔl tɛ́ ncūŋte. Ńtɔ̄ épúp, á mvhɔ akɔʼ lefɔ, ńdɔk ŋgūʼte á Ndém.

Menjʉɔ te lí 8:3 Iomraidhean Croise

Lúkási 1:10

Afʉʼ á kuʼ, Sakalía á ge ekó á ŋgyā etɔ aŋsaŋ, alāʼ á zɛ́t apɛ́ eswíŋtɛ á Ndém, páʼ mɛ́ gɛ nzī ŋghʉ̄ɛ épúp.

Lomɛŋ 8:34

Awɔ́ a gɔ etswá á wɔ́p ŋgʉɔ athʉ́ lepé é? Ŋgaŋ a te éwú ú. Yɛɛ́so Klísto a le kwhʉ́ʉ̄, Ndém á ké ŋghʉ̄ á zím ánɛ lewhʉ̄, a naáŋ á ŋkɔʼɔ́ apū ete Ndém, ńtɔ́kɔ nzem zímpɛ.

Eble 7:25

É melaʼ épúp tɛ́, a kuūʼ á yí á leghʉ, epuɔ pīi pɔ́ é si nzápa ánɛ yí, ńtshótɛ nnɛ̄t mé lezēŋ Ndém, é tswɛ́t tɛ ndaʼ, melaʼ mīi, a á efʉʼ metsem, ŋ́gɔ́ áa nte, ńzéŋ nnɔŋ eswíŋtɛ á Ndém á athū pɔ́p.

Eble 9:4

Ajū mīi, mɛ́ tɔɔ á aŋsaŋ éwú, á tshí éwú, mbɔ mɛ́ le lɔ̄k á gɔ́ɔl tɛ́ ncūŋte. Akʉp eka á tshí éwú, mbɔ mɛ́ le lɔ̄k á gɔ́ɔl tɛ́ ndīa. Ŋgwʉ́ŋ é tshí á ntē akʉp mɛ́t, mbɔ mɛ́ le lɔ̄k á gɔ́ɔl tɛ́ ncūŋte. Máane á gɔ́ á ntē éwú, athʉ́ Aalɔŋ zīi, á le sā lā, á gɔ́ éwú, etaáflɛ tsīi mɛ́ le lɔ̄k metɔ́ tɛ́ ncūŋte, é gɔ́ éwú. Anu zīi Ndém pɔ́ a epuɔ menɔŋ é le lɔ̄k ŋkʉɔ́ʼ eka, á tíne ánɛ metaáflɛ mɛ́t.

Menjʉɔ te lí 10:1

Meŋ zéŋ njʉ́ɔ mmɔʼ cɔʼ Ndém, á wɛ mete, ńnɔŋ efhɔ́ɔ á lephū esóʼo, ḿmāʼ nzhó ánɛ yí, é gɔ́ alɔ, nnū ŋgēm é kɛ́nne athū zí. Alá eshhʉ̄ zí á ŋwaŋne páʼ lezēk nu lā. Mekhu mí é gɔ́ páʼ melē mmók lā.

Menjʉɔ te lí 14:18

Mmɔʼ cɔʼ Ndém, ḿbɔ́ŋ mete ánɛ mmók, á zéŋ efhó á ajʉʼ nnɔɔ̄ŋ‑epɔʼ ntó, ŋ́gāʼte mé ŋghi teté á mbū ŋiŋ yīi, a á ŋgwɛ̄ ŋŋí é ló tɛʼ lā ŋ́gɛ: «Pɛ́ ŋŋí ju, páʼ e loó tɛʼ lā, ńdɔk nzáʼ atsaŋné ntá methʉ́ zīi, mɛ́ lɔkɔ ncūŋtɛ meluʼ lā, á ndo esī atsetsáʼ, melaʼ mīi ntá athʉ́ mɛ́t, é ndáʼ mbāŋ. »

Menjʉɔ te lí 5:8

Ńtswí aŋwaʼne mɛ́t épúp, mena lekua pwɔ̄, ŋ́ghʉ̄ epɔ̄ melʉɛ ntsɔp lekua mé megēm mbīa pwɔ̄, é tswíʼte, ŋ́ŋɔ́ʼne tɛ ethū tsɔ́p é pfeŋ esī á mvhɔ Mɔ́ Njhʉnjhʉ mɛ́t. Awíɛ awíɛ á wɛ akékwɛlé mbɔɔ mendɔ̄ŋ meluʼ á mbū yí. Mendɔ̄ŋ é gɔ́ mbɔ mɛ́ le lɔ̄k á gɔ́ɔl tɛ́ ncūŋte, alamńda á gɔ́ á ntē éwú tɛ ndó, ńdɔk ŋgɔ́ meswiŋte epuɔ Ndém.

Menjʉɔ te lí 6:9

Mɔ́ Njʉnjhʉ á ŋɛ́ʼɛ elɛ, ánɛ ajʉʼ mbáte táa, meŋ jʉ́ɔ egega epuɔ pīi, mɛ́ le zwhité á wɔ́p melaʼ anu Ndém, mbɔɔ melaʼ páʼ pɔ́ le nɔ̄ŋ ntswii á légɛ, pɔ́ kuʼteé á Yɛɛ́so, é gɔ́ á atseŋ ajʉʼ nnɔɔ̄ŋ‑epɔʼ,

Menjʉɔ te lí 7:2

Meŋ zéŋ njʉ́ɔ mmɔʼ cɔʼ Ndém á fhó á mbuʼ esaáʼ‑nu, ḿbē, ŋ́gwɛ̄ ajū mīi Ndém yīi, a naáŋ nte, a lɔkɔ nnéŋɛ ayiŋne. Ńnɔŋ ndʉ́ɛ́ mé ŋghi teté á mbū mecɔʼ Ndém lekua pīi, Ndém a le yá mete á mbū pɔ́p, á lelɔk mbʉ́p ndo esī atsetsáʼ mbɔɔ mía ntshi, ŋ́gɛ:

Menjʉɔ te lí 8:4

Ŋghī alamńda pɔ́ meswiŋte epuɔ Ndém, é fhó á mbū cɔʼ Ndém, ŋ́kɔ́ʼ mé mvhɔ Ndém.

Menjʉɔ te lí 8:5

Cɔʼ Ndém á lɛ ntswíʼ atūʼ á lelɔk ntɔ̄ á aŋsaŋ, éfhó á ajʉʼɛ nnɔɔ́ŋ‑epɔʼ, ḿbɛ́ mmók nnéŋ éwú tɛ é ló, ḿmāʼ á ndo esī atsetsáʼ. Mɛ́ lɛ njúʼ lefaŋ á levɛ̄tte, ńjúʼ meŋghi, ńjʉ́ɔ meŋŋí mbeŋ, esī atsetsáʼ é pú ncʉ̄ʼne.

Menjʉɔ te lí 9:13

Cɔʼ Ndém mbáte ntokó, á tɔ́ŋ ezi ntaŋ. Meŋ júʼ emɔ̄ʼ ŋghi, é fhó ánɛ meshhʉ̄ lekua, á ajʉʼ nnɔɔ́ŋ‑epɔʼ zīi, á mvhɔ Ndém, mɛ́ lɔk a gɔ́ɔl tɛ́ ncūŋte.