Menjʉɔ te lí 8:2 - Eka Eswhī

² Meŋ jʉ́ɔ mecɔʼ Ndém esambīa pīi, é gɛ ntshítɛ á mvhɔ yí, mɛ́ yá mentaŋ esambīa á mbū pɔ́p.

Menjʉɔ te lí 8:2 Iomraidhean Croise

Matío 18:10

«Pɛ epá á wɛ́ á lewāk tsɔ taʼ méŋ agáʼ mɔ́ á nnɔ ewɔŋkhʉ̄ puɔ. Meŋ shúŋɔ á wɛ́ ŋ́gɛ, mecɔʼ Ndém pīi é túŋnɛ á wɔ́p, é tshiteé á lezēŋ Mɔʼɔ́ ga á athʉ́ lephū, efʉʼ metsem. [

Matío 24:31

Ńtó mecɔʼ Ndém á ntē ŋgɔŋ meshhʉ̄ lekua, tɛ efhó mmɔʼ eshhʉ̄ esī atsetsáʼ, ŋ́gʉɔ ŋkó mmɔʼ. Pɔ́ egʉ̄ɔ, ńziŋɛ ntɔ́ŋɔ á mía mía ntaŋ, ńdɔk ncúʼte epuɔ pīi, Ndém a le tsɔ́ʼ á wɔ́p, ńdɔk eshʉ̄ʼ mé lezēŋ tsí.

Lúkási 1:19

Cɔʼ Ndém á pwɛt ŋ́gɛ: «Meŋ á lɛ, Ŋgáplíya. Meŋ mbuú ŋgɔ́ á mvhɔ Ndém efʉʼ metsem, ńzwíʼtɛ nchu yí, yí mé tó á gá, ŋ́gɛ meŋ eshʉʼ ntswī ewuɔ ŋke mbɔŋ, á mbū wu.

Lúkási 21:36

Ndɛ́ʼ pɛ eká, á leswīŋte Ndém efʉʼ metsem ŋ́gɛ, a eyá á wɛ́ mbʉʼ, tɛ ŋgɔ́ yīi ŋgʉɔ̄ʼ jʉɔ mɛ́t e shʉʼɛ, pɛ efhó éwú ntó, á ghʉ pɛ etshí á mvhɔ Méŋ‑Ŋiŋnɔŋ té alɔ́ʼ. »

1 Kɔlɛŋte 15:52

Ésɛ̄nne épúp lɛ glɛ, páʼ mɛ́ míŋɛ lezēk lā. Ésɛ̄nne épúp á afʉʼ zīi, mɛ́ é júʼ ŋghi nzoknzem ntaŋ. Mɛ́ e fú etɔ́ŋ ntaŋ, mepfhō e ezím ánɛ lewhʉ̄ mé mbe nnɛ̄t zīi, e gɔ le zéŋ ŋkwhʉ́ ɛ́. Mbiŋ ŋgɔ́ mé pímpɛ, Ndém a eghʉ̄, ḿpɛ ewɛ̄ mbe nnɛ̄t eswhī.

1 Tesalonik 4:16

Aleʼé mɛ́t, Ndém a etswī, tɛŋgyā mecɔʼ Ndém a emāʼ ŋghi, taʼ cɔʼ Ndém a etɔ́ŋ ntaŋ Ndém, Atsyapuɔ yí méŋwɛ̄t a lɛ efhó á lephū esóʼo, epuɔ pīi é le gē ekwhʉ́te, mbɔ pɔ́ é fɛ́ nnɛ̄t ŋgyá mé Klísto, e ezī mvhɔ, ńzím ánɛ lewhʉ̄.

Menjʉɔ te lí 1:4

Meŋ Jáaŋ, meŋ tíi akɛtte jʉɔ páʼa, á mbū meŋgyā alúŋ epuɔ Yɛɛ́so esambīa mīi, é apak ŋgɔŋ Azíi. Ŋ́gɛ Ndém yīi a á éwú, mbɔ a le zī ŋgɔ́ éwú, éláʼ ezéŋ eshʉʼe, a eghʉ̄ anu mbɔŋ té ndhʉ ánɛ pɛ, ńnéŋ apwɛne á ntē pɛ. Ŋ́gɛ ezwakne esambīa tsīi, é faʼa á mbū Ndém, ńtshíte á mvhɔ akɔʼ Lefɔ Ndém, e eghʉ̄ anu mbɔŋ té ndhʉ ánɛ pɛ, ńnéŋ apwɛne á ntē pɛ.

Menjʉɔ te lí 11:15

Cɔʼ Ndém mbáte esambīa á tɔ́ŋ ezi ntaŋ, mɛ́ júʼ meŋghi teté, é fhó á lephū ndé ŋ́gɛ: «Atsyapuɔ yímpɛ pɔ́ Nzaʼ‑Ŋkhʉ yi mé tsetseŋɔ, ḿbɔ́ŋte á lesāʼ ŋgɔŋ. Ésáʼ ŋgɔŋ mɛ́t á meŋguʼ meŋguʼ. »

Menjʉɔ te lí 15:1

Meŋ zéŋ njʉ́ɔ, amɔ̄ʼ ayiŋne á athʉ́ lephū, á fáŋ tɛʼ, ŋ́kʉ̄ʼne ejʉʼ tɛʼ. Ŋ́gɔ́ mecɔʼ Ndém esambīa, ŋ́gwɛ̄ ŋgeŋge ntií esambīa, é gɔ́ mezoknzem ŋgeŋge, melaʼ mīi e tɔ́k tɛ emii, Ndém ezáʼ á lezāŋ á lɔ́ŋ.

Menjʉɔ te lí 16:1

Meŋ júʼ mmɔʼ ŋghi teté é fhó á ntē Mía Ŋgyā Ndém á lephū, ńtswī á mbū mecɔʼ Ndém esambīa ŋ́gɛ: «Pɛ egʉ̄ɔ á ŋgɔŋ esī atsetsáʼ, éfūʼte á ajū mīi, á tswii azāŋalɔ́ŋ Ndém zīi, á ntē mendɔ̄ŋ esambīa. »

Menjʉɔ te lí 8:13

Meŋ zɛ́t ncʉ̄ cʉʉ, ńjʉ́ɔ emɔ̄ʼ gó nzwi, á nɔŋ ŋghíɛ tɛ athʉ́ léée, ńjúʼ á nɔŋ esáʼa mé ŋghi teté ŋ́gɛ: «Mecɔʼ Ndém métɛ́t, é zɛɛ́t ŋgɔ̄ á ntɔ́ŋ emɔ́p mentaŋ. Meshhʉ̄ tepɔŋ, é si ŋgɔ́ epuɔ pīi, pɔ́ naáŋ á ndo esī atsetsáʼ. Pɔ́ é meshhʉ̄ tepɔŋ, pɔ́ é si ŋgɔ́ á kwaʼ meshhʉ̄ tepɔŋ. »

Menjʉɔ te lí 8:6

Mecɔʼ Ndém esambīa, ŋ́gwɛ̄ mentaŋ esambīa, é nɔŋ mbɛ́ttɛ nnɛ̄t efāʼa á letɔ̄ŋ.

Menjʉɔ te lí 9:1

Cɔʼ Ndém mbáte táa, á tɔ́ŋ ezi ntaŋ, meŋ jʉ́ɔ taʼ cɔʼ saŋ á fhó á lephū ŋgwhʉ̄ á esī atsetsáʼ, mɛ́ yá á kí á lelɔk ntsɔ́ʼ nchu apeŋte, á mbū yí.