Biblia Todo Logo
Bìoball air-loidhne

- Sanasan -




Menjʉɔ te lí 8:12 - Eka Eswhī

12 Cɔʼ Ndém mbáte lekua á tɔ́ŋ ezi ntaŋ, lezēk nu é gap nnɛ̄t nzhɛ tɛ́t, taʼ nzhɛ á sɛt nnɛ̄t eséŋ. Lezēk saŋ é gap nnɛ̄t nzhɛ tɛ́t, taʼ nzhɛ á sɛt nnɛ̄t eséŋ. Mecɔʼ saŋ é gap nnɛ̄t nzhɛ tɛ́t, taʼ nzhɛ á sɛt nnɛ̄t eséŋ. Taʼ, taʼ nzhɛ ánɛ meŋkaʼ muɔ mɛ́t, á pú eséŋ páʼā, ezokó é gap nnɛ̄t meleŋ njhʉ̄ nzhɛ tɛ́t, taʼ nzhɛ á sɛt nnɛ̄t eséŋ, á zéŋ ŋgɔ́ ndeŋ ndeŋ épúp ánɛ etsōʼ.

Faic an caibideil Dèan lethbhreac




Menjʉɔ te lí 8:12
26 Iomraidhean Croise  

Meleʼé ŋgʉɔ̄ʼ mɛ́t e láʼ elɛ ege etɔ́ke, lezēk nu e epí, lezēk saŋ é le zéŋ ejʉʼ ŋkɛ̄ʼɛ ɛ́, mecɔʼ saŋ e efhó á lephū esóʼo mbwɛ̄t á esī, ajūɔ tsem zīi á pɔɔ́ŋ mbʉʼ á lephū, a ecʉ́ʼɛ ncʉ̄ʼne cʉʼne.


Á kó ŋgɔ́ á táŋ‑azokó ndeŋ ndeŋ, nzém é pú eséŋ á esī atsetsáʼ ntsem, tɛ ndáʼ ntshí menu ntɛ́t mbwɛɛ́t‑njhʉ̄.


A láʼ ekuʼ ánɛ meleʼé mɛ́t, afʉʼ ŋgʉɔ̄ʼ a etɔ́k tɛ mmī, lezēk nu e epí, lezēk saŋ é le zéŋ ejʉʼ ŋkɛ̄ʼɛ ɛ́.


Á kó ŋgɔ́ á táŋ‑azokó ndeŋ ndeŋ, nzém é pú eséŋ á esī atsetsáʼ ntsem, tɛ ndáʼ ntshí menu ntɛ́t mbwɛɛ́t‑njhʉ̄.


Yɛɛ́so á zéŋ ndé ŋ́gɛ: «A láʼ egɔ́ afʉʼ mɛ́t, meyiŋne e esáʼ ánɛ lezēk nu, ésáʼ ánɛ lezēk saŋ, mbɔɔ ánɛ mecɔʼ saŋ. Éshʉ̄ʼ á ndo esī atsetsáʼ, mía ntshi a epú nzwɛ̄t, ŋ́kɔ́ʼ menē menē, ńcʉ̄ʼne ejʉʼ, tɛ melāʼ e ecʉ́ʼɛ mbɔ́k pɔké.


Lezēk nu e shʉʼ ewhʉ nzém, lezēk saŋ e esɛnne mbāŋ páʼ metshi lā. Tɛ́ mía mía aleʼé alāʼ á mbū Atsyapuɔ a ekūʼ, ŋ́gɔ́ ntsɔp aleʼé.


Pɔ́ té mvéŋɛ ŋke mɛ́t ɛ́ melaʼ mīi, Sɛ́ta ndém ŋgɔŋ wuɔ, a lē ŋkápte leghi tsɔ́p, ḿbɔ́k ŋkaʼ yīi é fhɔ́ɔ ánɛ ŋke mbɔŋ, á lekɛʼɛ á wɔ́p. Ŋke mbɔŋ é si mbiŋɛ ntswīi páʼ, shʉ́shɔ́k Klísto a á épúp. Mɛ́ jʉɔ́ á Klísto, ńzhɛ́ á légɛ mɛ́ é jʉ́ɔ á Ndém.


Mecɔʼ saŋ é gap nnɛ̄t nzhɛ tɛ́t. Á lɔk asáŋ zí, éfhó á lephū njɔ̄k á taʼ nzhɛ, ḿbwɛ̄t á esī atsetsáʼ. Ŋ́gʉɔ ntshí á mvhɔ menzwí yīi, a le nɔ̄ŋ ŋgɔ̄ á nzhíɛ lā, éfāʼa ŋ́gɛ mɔ́ a elɛ ŋgē etó, a lɛ esyɛ̄tte á yí mpfɛ́t.


Páte métáa cɔʼ Ndém, á fuʼte ezi ndɔ̄ŋ ánɛ akɔʼ lefɔ na, ajʉʼ zīi a á nnɔŋ esáʼa lefɔ éwú, á sɛt nnɛ̄t eséŋ lɛ pít. Epuɔ menɔŋ é zi á lepfɛ̄t mesɔŋ mɔ́p, melaʼ mía mía ŋgeŋge zīi, pɔ́ le nɔ̄ŋ njʉ́ɔɔ.


Meŋ zɛ́t ncʉ̄te cʉte, ńjʉ́ɔ á Mɔ́ Njʉnjhʉ, á ŋɛ́ʼɛ elɛ ánɛ páte ntokó ajʉʼ, esī atsetsáʼ é pú ncʉ̄ʼne ménte. Lezēk nu é sɛt nnɛ̄t eséŋ páʼ aluŋɔ lewhʉ̄ lā. Lezēk saŋ é sɛt nnɛ̄t, ḿbāŋ páʼ metshi lā.


Mɛ́ kɛ́ʼɛ mecɔʼ Sɛ́ta mɛ́t lekua, mbɔ Ndém a le pɛtté á wɔ́p, ńdɔk nzwíʼte á afʉʼ zīi, pɔ́ e zwhíte á taʼ nzhɛ, ánɛ epuɔ ŋgɔŋ ntsem pīi, pɔ́ é gapte nnɛ̄t nzhɛ tɛ́t. Pɔ́ tshí, ńnɔŋ nzwíʼtɛ ŋguʼ mɛ́t, ńnɔŋ nzwíʼtɛ á saŋ mɛ́t, ńnɔŋ nzwíʼtɛ aleʼé mɛ́t, ńnɔŋ nzwíʼtɛ njhʉ̄ mɛ́t.


Mmók mbɔɔ ŋghī pɔ́ meka, écū mwɔ̄ tsɛ́ tɛ́t tsīi, é le fhó á nchu melʉ́ɔ́ ntó, é le nɔ̄ŋ mmaʼa ŋgʉɔ̄ʼ ánɛ epuɔ, ḿbík á taʼ nzhɛ, ánɛ epuɔ ŋgɔŋ ntsem pīi, pɔ́ é gap nnɛ̄t nzhɛ tɛ́t.


Lean sinn:

Sanasan


Sanasan