Menjʉɔ te lí 8:10 - Eka Eswhī

¹⁰ Cɔʼ Ndém mbáte tɛ́t á tɔ́ŋ ezi ntaŋ, emɔ̄ʼ mía mía cɔʼ saŋ, ńnɔŋ ŋkhʉ́ɛ páʼ ŋkaʼ yīi, mɛ́ é kók lā, á fhó á lephū ŋgwhʉ̄ ánɛ mesāʼ‑ntshi, mbɔɔ ánɛ taʼ nzhɛ ntshi, mbɔ ntshi é gap nnɛ̄t nzhɛ ntɛ́t.

Menjʉɔ te lí 8:10 Iomraidhean Croise

Matío 25:1

Yɛɛ́so á zéŋ ndé ŋ́gɛ: «Lefɔ Ndém é swhií anu epɔ̄ ŋgɔ legēm pīi, pɔ́ le tswíʼ meláam pɔ́p, ńdɔk ntó ŋ́gɔ̄ á nzwíʼte tɛnzwí ŋge.

Lúkási 10:18

Yɛɛ́so á pwɛt ŋ́gɛ: «Anuúnē, meŋ ke náŋ tɛ njʉ́ɔ Sɛ́ta á gɛ ŋwaŋ páʼ ŋŋí mbeŋ lā, éfhó á lephū esóʼo efɛ́.

Zwide 1:13

Pɔ́ é páʼ menē ntshi lā, efʉʉ́ʼ‑menu tepɔŋ mɔ́p, é gɔ́ páʼ ekaŋne tsīi, menē ntshi mɛ́t é gáʼa, ńzwɛnɛ ŋŋémɛ á akʉŋɛ́ ntshi, éfūʼtɛ éwú lā. Pɔ́ zeéŋ ŋgɔ́ páʼ mecɔʼ saŋ pīi, é gánɛ lā, mbɔ Ndém a lē ndáʼ ncūŋte á ajʉʼ zīi, ejʉʼ é éwú eséŋɛ lɛ cʉʉ́ʉ́, á mbū pɔ́p.

Menjʉɔ te lí 1:20

Ŋ́gɔ́ mé anu zīi, mecɔʼ saŋ esambīa pīi, o ó jʉ́ɔ meŋ ŋgwɛ ánɛ apū ete zá, mbɔɔ ecū mīi, mɛ́ le lɔ̄k á gɔ́ɔl ncūŋte, mɛ́ tshíɛ meláam éwú lā, é lɔkɔ ndʉ́ɛ́, mbɔ mecɔʼ saŋ esambīa é páʼā, ŋ́gɔ́ mecɔʼ Ndém pīi, é cʉtɛ meŋgyā alúŋ epuɔ Yɛɛ́so esambīa. Metsō esambīa mīi mɛ́ tshíɛ meláam éwú, é gɔ́ meŋgyā alúŋ epuɔ Yɛɛ́so esambīa.

Menjʉɔ te lí 12:4

Mecɔʼ saŋ é gap nnɛ̄t nzhɛ tɛ́t. Á lɔk asáŋ zí, éfhó á lephū njɔ̄k á taʼ nzhɛ, ḿbwɛ̄t á esī atsetsáʼ. Ŋ́gʉɔ ntshí á mvhɔ menzwí yīi, a le nɔ̄ŋ ŋgɔ̄ á nzhíɛ lā, éfāʼa ŋ́gɛ mɔ́ a elɛ ŋgē etó, a lɛ esyɛ̄tte á yí mpfɛ́t.

Menjʉɔ te lí 14:7

Cɔʼ Ndém mɛ́t, á nɔŋ ndʉ́ɛ́ mé ŋghi teté ŋ́gɛ: «Pɛ eghʉ̄ mekuʼ Ndém, ŋ́gūʼte á yí, melaʼ mīi njhʉ̄ zīi, a gʉɔ mé nzaáʼ ntsaŋ ezɔp a epuɔ metsem, e é kuʼ. Pɛ etswíʼte, ŋ́ŋɔ́ʼne tɛ ethū tsɛ́ e epfēŋ esī á mvhɔ yí, yí mé le ghʉ̄ lephū, mbɔɔ esī atsetsáʼ. Á ŋiŋ yīi a le ghʉ̄ memía mentshi, mbɔɔ ejʉʼ tsīi, mentshi é sáʼa éwú. »

Menjʉɔ te lí 16:4

Páte métɛ́t cɔʼ Ndém, á fuʼte ezi ndɔ̄ŋ, á ntē mentshi mendu, mbɔɔ ánɛ mesāʼ‑ntshi, ntshi é sɛt nnɛ̄t ncʉ́ʼ metshi.

Menjʉɔ te lí 6:13

Mecɔʼ saŋ é fhó á athʉ́ lephū, ŋ́kemɛ mbwɛ̄t á esī, páʼ ntá athʉ́ te paŋ é kemɛ mbwɛ̄tɛ á esī á afʉʼ zīi, mía mía afēm a á si ncʉ̄ʼɛ athʉ́ lā.

Menjʉɔ te lí 8:7

Ŋgaŋ mvhɔ á tɔ́ŋ ezi ntaŋ. Mewɛ pɔ́ mmók, éswāŋte ánɛ metshi, é whʉ á ndo esī atsetsáʼ. Ndo esī atsetsáʼ é gap nnɛ̄t nzhɛ tɛ́t, taʼ nzhɛ á pú eshhʉ́. Taʼ nzhɛ methʉ́ á pú eshhʉ́. Mvēŋ eswī ntsem é pú eshhʉ́ azí.

Menjʉɔ te lí 9:1

Cɔʼ Ndém mbáte táa, á tɔ́ŋ ezi ntaŋ, meŋ jʉ́ɔ taʼ cɔʼ saŋ á fhó á lephū ŋgwhʉ̄ á esī atsetsáʼ, mɛ́ yá á kí á lelɔk ntsɔ́ʼ nchu apeŋte, á mbū yí.

Menjʉɔ te lí 9:15

Mɛ́ kɛ́ʼɛ mecɔʼ Sɛ́ta mɛ́t lekua, mbɔ Ndém a le pɛtté á wɔ́p, ńdɔk nzwíʼte á afʉʼ zīi, pɔ́ e zwhíte á taʼ nzhɛ, ánɛ epuɔ ŋgɔŋ ntsem pīi, pɔ́ é gapte nnɛ̄t nzhɛ tɛ́t. Pɔ́ tshí, ńnɔŋ nzwíʼtɛ ŋguʼ mɛ́t, ńnɔŋ nzwíʼtɛ á saŋ mɛ́t, ńnɔŋ nzwíʼtɛ aleʼé mɛ́t, ńnɔŋ nzwíʼtɛ njhʉ̄ mɛ́t.

Menjʉɔ te lí 9:18

Mmók mbɔɔ ŋghī pɔ́ meka, écū mwɔ̄ tsɛ́ tɛ́t tsīi, é le fhó á nchu melʉ́ɔ́ ntó, é le nɔ̄ŋ mmaʼa ŋgʉɔ̄ʼ ánɛ epuɔ, ḿbík á taʼ nzhɛ, ánɛ epuɔ ŋgɔŋ ntsem pīi, pɔ́ é gap nnɛ̄t nzhɛ tɛ́t.