Menjʉɔ te lí 7:3 - Eka Eswhī

³ «Ndɛ́ʼ pɛ epʉ́p ndo esī atsetsáʼ pɔ́ mía ntshi, mbɔɔ methʉ́, té gɔ́ yīi, pek é tshí á ayiŋne á mvhɔ eshhʉ̄ wɔ júʼ‑nchu Ndém yímpɛ. »

Menjʉɔ te lí 7:3 Iomraidhean Croise

Matío 24:22

Ŋ́gɔ́ éyi Ndém a kɛ te wíʼe mvéŋ ŋ́gɛ, yí e shʉʼ etswɛ́tte nzwiŋ eleʼé alāʼ mɛ́t ɛ́, mbɔ tsɔ taʼ ŋiŋ a te shʉʼ evuʼu ú. Táʼ, a le ké ntswɛ́tte, melaʼ epuɔ pí pīi, a le tsɔ́ʼē.

Matío 24:31

Ńtó mecɔʼ Ndém á ntē ŋgɔŋ meshhʉ̄ lekua, tɛ efhó mmɔʼ eshhʉ̄ esī atsetsáʼ, ŋ́gʉɔ ŋkó mmɔʼ. Pɔ́ egʉ̄ɔ, ńziŋɛ ntɔ́ŋɔ á mía mía ntaŋ, ńdɔk ncúʼte epuɔ pīi, Ndém a le tsɔ́ʼ á wɔ́p, ńdɔk eshʉ̄ʼ mé lezēŋ tsí.

Jáaŋ 12:26

Ŋiŋ a nɔŋ ŋkɔ̄ŋɔ á yí á legɔ̄ ŋgaŋ afaʼ ga, á tsé á nzem meŋ. Ajʉʼ zīi meŋ á éwú la, á shʉʼ nzéŋ ŋ́gɔ́ azí éwú. Ŋiŋ a nɔŋ ŋghʉ̄ɛ afaʼ zá, mbɔ Mɔʼɔ́ ga a a shʉʼ ekɔŋte á yí.

Jáaŋ 3:33

Ŋiŋ yīi, a á ké mvéŋ anu zīi, a shúŋɔ, a á páʼā ndɔkɔ mvéŋɛ tɛ mvéŋɛ á légɛ, anu zīi Ndém a leéē, á si ŋgɔ́ áa anuúnē.

Lomɛŋ 6:22

Á piīŋ ŋgɔ́ tsetsɔŋɔ, mbɔ Ndém a kʉʉ̄ŋ ŋkɛ́ʼɛ ŋkhʉ mefa, á ntɔ̄ŋ pɛ, pɛ cʉ́ʼ meŋkwa mí. Púp, pɛ ecʉ́ʼɛ ŋghʉ̄ɛ áa ajū mīi, á ghʉ, pɛ ecʉ́ʼ epuɔ Ndém, apɛ a piŋ ŋgɔ́ á wɛ́ á lefū ntā á lezēŋ Ndém.

Menjʉɔ te lí 13:16

Akeke mɛ́t á lɔk mbʉʼ, nnéŋ á yiŋne ánɛ apū ete ŋiŋ ntsem, ká á mvhɔ eshhʉ̄ yí. Tɛ é láʼa ŋgɔ́ mémía epuɔ ká epuɔ pīi é mɛɛ̄ emɛ ŋgɔ́. Tɛ a láʼa ŋgɔ́ á ŋgaŋ azō, ká á te kuʼ ánɛ azō. Tɛ a láʼa ŋgɔ́ ŋkwa, ká á ŋiŋ yīi, a naáŋ á ŋga athū yí.

Menjʉɔ te lí 13:17

Ŋiŋ a le gɔ le zó azō ká á leswiŋ, té gɔ́ yīi, ayiŋne mɛ́t ánɛ yí í. Ńdɔkɔ ndʉ́ɛ́ lezēŋ na mɛ́t ká nzwiŋ yīi, lezēŋ tsí é lɔkɔ ndʉ́ɛ́.

Menjʉɔ te lí 14:1

Meŋ zɛ́t ncʉ̄te cʉte, ńjʉ́ɔ á Mɔ́ Njʉnjhʉ á tshí á ndo lekwɛ̄t tsīi, mɛ́ tɔ́ŋɔ lɛ Siɔŋ, pɔ́ a epuɔ ntsāʼ ŋkhʉ mé ntsāʼ ntsɔp lekua megēm lekua. Lezēŋ Mɔ́ Njʉnjhʉ, pɔ́ lezēŋ Mɔʼɔ́ yi é tíne á mvhɔ eshhʉ̄ pɔ́p.

Menjʉɔ te lí 14:9

Mmɔʼ cɔʼ Ndém á zéŋ mbáte epi emɔ̄ʼ mémpīa, ńdé mé ŋghi teté ŋ́gɛ: «Ŋiŋ a etswíʼtɛ ŋŋɔ́ʼne tɛ athū zí á pfēŋ esī á mvhɔ na, mbɔɔ á mvhɔ akeke na mɛ́t, tɛ mɛ́ tshí á ayiŋne á mvhɔ eshhʉ̄ yí, ká á alá apū yí,

Menjʉɔ te lí 19:2

Melaʼ mīi, a lɔɔ̄k anuúnē pɔ́ ndeŋ ndeŋ, tɛ́ nzáʼ ntsaŋ. A á ghʉ, mía mía ŋgaŋ agā menzwí yīi, a lɛɛ́ ndɔkɔ agā mbōko esī atsetsáʼ ntsem, á lákne. Ŋgaŋ agā menzwí wuɔ mɛ́t, a le pfɛttē metshi megaŋ afaʼ Ndém, Ndém a á ké ntsɔ́ʼ epak ánɛ yí. »

Menjʉɔ te lí 20:4

Á tɔ́k épúp, meŋ zéŋ njʉ́ɔ ekɔʼ lefɔ, epuɔ pīi pɔ́ nnáŋte éwú, mɛ́ yá mete á mbū pɔ́p, á lelɔk esáʼ epuɔ. Meŋ zéŋ njʉ́ɔ egega epuɔ pīi, mɛ́ le zaʼté ethū tsɔ́p melaʼ mīi, pɔ́ le kuʼté ashuŋne Ndém, ńnɔŋ eshúŋɔ á ŋiŋ yīi, Yɛɛ́so a ewiɛ́. Égega epuɔ pīi, pɔ́ lɛ te wūʼte á na mbɔɔ akeke zí í, ḿbiŋ te véŋ ŋ́gɛ, mɛ́ etshí á ayiŋne na, á mvhɔ eshhʉ̄ pɔ́p, mbɔɔ ánɛ apū zɔ́p ɔ́. Ndém á ghʉ, epuɔ puɔ mɛ́t, é zím ánɛ lewhʉ̄, pɔ́ a Klísto é sáʼ ŋgɔŋ, ánɛ meŋguʼ ntsāʼ.

Menjʉɔ te lí 22:4

Ńnɔŋ njʉ́ɔ eshhʉ̄ yí, lezēŋ tsí e egɔ́ nti tií, á mvhɔ eshhʉ̄ pɔ́p.

Menjʉɔ te lí 6:6

Meŋ júʼ azō páʼ ŋghi ŋiŋ lā, é fhó á tsetsɛlɛ mena lekua pwɔ̄, ńnɔŋ ndʉ́ɛ́ ŋ́gɛ: «Mɛ́ e lɔk ŋkāp taʼ aleʼé alāʼ afaʼ, ézó á méŋ apií lɛ́si ká méŋ apū ŋgesáŋ. Ŋgɔ́ mé mevɛ̄t pɔ́ meluʼ, ndɛ́ʼ o pfēeŋ nzwiŋ. »

Menjʉɔ te lí 7:1

Á tɔ́k épúp, meŋ jʉ́ɔ mecɔʼ Ndém lekua é tshíte á ajʉʼ, á ndo esī atsetsáʼ meshhʉ̄ lekua, ńnɔŋ ntɛ́nnɛ efēm lekua tsīi, é ndo esī atsetsáʼ, tɛ amɔ̄ʼ afēm á le pú ntúʼ á ndo esī atsetsáʼ ká á ndo mía ntshi, ká ánɛ methʉ́ ɛ́.

Menjʉɔ te lí 7:2

Meŋ zéŋ njʉ́ɔ mmɔʼ cɔʼ Ndém á fhó á mbuʼ esaáʼ‑nu, ḿbē, ŋ́gwɛ̄ ajū mīi Ndém yīi, a naáŋ nte, a lɔkɔ nnéŋɛ ayiŋne. Ńnɔŋ ndʉ́ɛ́ mé ŋghi teté á mbū mecɔʼ Ndém lekua pīi, Ndém a le yá mete á mbū pɔ́p, á lelɔk mbʉ́p ndo esī atsetsáʼ mbɔɔ mía ntshi, ŋ́gɛ:

Menjʉɔ te lí 9:4

Mɛ́ tswi á mbū pɔ́p ŋ́gɛ, ndɛ́ʼ pɔ́ ghʉ anu tepɔŋ ánɛ mvēŋ á ndo esī atsetsáʼ, tɛ mbɔɔ ánɛ methʉ́, tɛ ŋkó azō tsem zīi á eswī. Ŋ́gɛ pɔ́ enéŋ ŋgʉɔ̄ʼ áa ánɛ epuɔ menɔŋ pīi, ayiŋne Ndém á té á mvhɔ eshhʉ̄ pɔ́p ɔ́.