Menjʉɔ te lí 7:2 - Eka Eswhī

² Meŋ zéŋ njʉ́ɔ mmɔʼ cɔʼ Ndém á fhó á mbuʼ esaáʼ‑nu, ḿbē, ŋ́gwɛ̄ ajū mīi Ndém yīi, a naáŋ nte, a lɔkɔ nnéŋɛ ayiŋne. Ńnɔŋ ndʉ́ɛ́ mé ŋghi teté á mbū mecɔʼ Ndém lekua pīi, Ndém a le yá mete á mbū pɔ́p, á lelɔk mbʉ́p ndo esī atsetsáʼ mbɔɔ mía ntshi, ŋ́gɛ:

Menjʉɔ te lí 7:2 Iomraidhean Croise

Matío 16:16

Simɔŋ Piɛ á tswí ashuŋne, ńtsɔ́ʼ ŋ́gɛ: «O ó páʼā, ŋ́gɔ́ á Nzaʼ‑Ŋkhʉ á ntɔ̄ŋ apuʼ, á Méŋ Ndém yīi a naáŋ nte. »

Matío 26:63

Yɛɛ́so á pú te tsɔ́p. Tɛŋgyā wɔ nɔŋ‑epɔʼ á zéŋ nzɛ́tte á yí ŋ́gɛ: «Lɔk lezēŋ Ndém yīi a naáŋ ntē, ŋ́kā, éshúŋ á wék, kɛɛ wu mé Nzaʼ‑Ŋkhʉ, á Méŋ Ndém lɛ́. »

Jáaŋ 6:27

Ndɛ́ʼ pɛ efók mbʉʼ ndɔ̄k ŋghʉ̄ afaʼ zīi, a yá á wɛ́ etsō lejhʉ̄ tsīi, é gɔ epék. Pɛ efók mbʉʼ ndɔ̄k ŋghʉ̄ afaʼ zīi, a yá á wɛ́ áa etsō lejhʉ̄ tsīi, é gɔ le mīi, étsi ŋiŋ a pfɛ́tɛ, á láʼ ntā á lezēŋ Ndém. Ecʉɔ etsō mɛ́t, Méŋ‑Ŋiŋnɔŋ wuɔ mé shʉʼ eyá á mbū pɛ, melaʼ mīi, yí tɛ́ Ndém Mɔʼɔ́, a á si mvéŋɛ a ajū mīi a ghʉɛ. »

2 Kɔlɛŋte 1:22

Yí yīi a le tshí ayiŋne zí ánɛ pímpɛ, a le néŋ Azwakne zí á ntē pímpɛ, ńdɔkɔ ntswī á légɛ, ŋkwa mecū mīi, a le laʼnē á leyā mé pímpɛ, a a láʼ eyá.

Efɛze 1:13

Pɛ ezɛ́, é ke zapá ánɛ Klísto, ńjúʼ ŋke yīi é si ŋgɔ́ anuúnē, ŋ́ke mbɔŋ yīi é ghʉɛ mɛ́ tswɛ́tɛ. Pɛ le júʼ ŋke mbɔŋ mɛ́t, éfɛ́ nnɛ̄t ŋgyá á mbū Klísto, Ndém á néŋ ayiŋne zí ánɛ pɛ, á gɔ́ Azwakne zí zīi a le phʉ́ʉ̄.

Efɛze 4:30

Ndɛ́ʼ pɛ eghʉ̄ʉ, Azwakne Ndém zīi, a le néŋ á ntē pɛ, á záŋ á lɔ́ŋ. Azwakne mɛ́t á si ŋgɔ́ ayiŋne zīi, á tswii á wɛ́ á légɛ, Ndém a a fú ekú á wɛ́ ánɛ ŋgʉɔ̄ʼ.

1 Tesalonik 1:9

melaʼ mīi, awíɛ a á si ŋgē eshúŋɔ anu ekímɛ á wék, éshúŋɔ áa páʼ, pek le shʉ̄ʼ á alāʼ pɛ, pɛ kókne á wék épúp, mbɔɔ páʼ pɛ lē ntém nzem mesī, ŋ́kúʼte á kwaʼ Ndém páʼ a naáŋ nte, ńcʉ́ʼɛ ŋgūʼtɛ áa yí.

2 Timotɛ 2:19

Táʼ, epuɔ pīi pɔ́ le fɛ́ nnɛ̄t ŋgyá á mbū Yɛɛ́so, pɔ́ teē páʼ kwaʼ atsék zīi, Ndém mé le nɔ̄ŋŋ̄, azō á gɔ le wɔ́p nʉʼne. Mɛ́ tií ánɛ atsék mɛ́t ŋ́gɛ: «Atsyapuɔ a zhɛɛ́ epuɔ pí». Mɛ́ zeéŋ ntí éwú ŋ́gɛ: «Ŋiŋ a nɔŋ ndʉ́ɛ́ ŋ́gɛ yí lɛtneē ánɛ Atsyapuɔ, á kʉ á mɛnzhɛ tepɔŋ. »

Eble 12:22

Ŋ́gɔ́ mé pɛ, mbɔ pɛ lɛɛ́ eshʉʼɛ mé ndo lekwɛ̄t á Siɔŋ, mé tésɔŋ Ndém páʼ, a naáŋ nte, mé Yelósalɛm, álāʼ Ndém. Pɛ lɛɛ́ eshʉʼɛ mé lezēŋ atʉtʉ mecɔʼ Ndém, páʼ pɔ́ é efʉʼ metsem, ŋ́gɔ́ áa ntē lekāk.

Menjʉɔ te lí 1:3

Eshhʉ̄ mbɔŋ a á si ŋgɔ́ á ŋiŋ yīi, a á tɔ́ŋ aŋwaʼne jʉɔ. Meshhʉ̄ mbɔŋ é si ŋgɔ́ epuɔ pīi, pɔ́ juúʼ anu zīi, á tó á nchu Ndém, ḿbiŋ nzīŋ páʼ á si ndʉ́ɛ́, melaʼ mīi afʉʼ zīi, menu mɛ́t é gʉɔ mé ntɔ́kɔ, á tshóne tɛ mbáte.

Menjʉɔ te lí 10:1

Meŋ zéŋ njʉ́ɔ mmɔʼ cɔʼ Ndém, á wɛ mete, ńnɔŋ efhɔ́ɔ á lephū esóʼo, ḿmāʼ nzhó ánɛ yí, é gɔ́ alɔ, nnū ŋgēm é kɛ́nne athū zí. Alá eshhʉ̄ zí á ŋwaŋne páʼ lezēk nu lā. Mekhu mí é gɔ́ páʼ melē mmók lā.

Menjʉɔ te lí 10:4

Lefaŋ é vɛ́tte ŋgʉɔ esambīa épúp, meŋ nɔ̄ɔŋ efāʼa á gá á letī ajū mīi, é vɛ́ttɛ ndʉ́ɛ́, ńjúʼ emɔ̄ʼ ŋghi é fhó á lephū, ńdé mé meŋ ŋ́gɛ: «Ŋke yīi lefaŋ é vɛ́tte ŋgʉɔ esambīa, ńdʉ́ɛ́ lā, féŋ á ntsem. Ndɛ́ʼ o etí. »

Menjʉɔ te lí 16:12

Páte ntokó cɔʼ Ndém, á fuʼte ezi ndɔ̄ŋ, á ntē mía ntshi yīi, mɛ́ tɔ́ŋɔ lɛ Eflat. Ntshi é pú nzó, ńdɔk ntsɔ́ʼ á mɛnzhɛ á mbū mefɔ pīi, pɔ́ fhɔ́ɔ á mbuʼ esaáʼ‑nu.

Menjʉɔ te lí 5:2

Meŋ zéŋ njʉ́ɔ á táʼ cɔʼ Ndém, mete é gɔ́ ánɛ yí, á lé mé ŋghi teté ŋ́gɛ: «Awɔ́ a gɔ ekūuʼ á yí á leŋɛ̄ʼte elɛ, ŋ́kɛ́ʼte á aŋwaʼne ē?»

Menjʉɔ te lí 8:3

Mmɔʼ cɔʼ Ndém, á shʉʼ ntshí á lezēŋ ajʉʼ nnɔɔ̄ŋ‑epɔʼ, ŋ́gwɛ̄ á atūʼ, mɛ́ lɔk á gɔ́ɔl tɛ́ ncūŋte, á gɔ́ á lelɔk ntɔ̄ á aŋsaŋ. Mɛ́ yá alamńda á mbū yí tɛ á zá, á púte meswiŋte epuɔ Ndém ntsem éwú, ńtɔ̄ ánɛ ajʉʼɛ nnɔɔ́ŋ‑epɔʼ, mɛ́ lɔk á gɔ́ɔl tɛ́ ncūŋte. Ńtɔ̄ épúp, á mvhɔ akɔʼ lefɔ, ńdɔk ŋgūʼte á Ndém.

Menjʉɔ te lí 9:14

Ŋghi mɛ́t, é lé mé cɔʼ Ndém mbáte ntokó yīi, a á ŋgwɛ̄ ntaŋ ŋ́gɛ: «Kɛ́ʼɛ mecɔʼ Sɛ́ta lekua pīi, mɛ́ lē ndɔk metsyɛ́ɛn ŋkwɛ́t á wɔ́p, pɔ́ gɔ́ á legʉ̄ŋ mía ntshi yīi mɛ́ tɔ́ŋɔ lɛ, Eflat. »

Menjʉɔ te lí 9:4

Mɛ́ tswi á mbū pɔ́p ŋ́gɛ, ndɛ́ʼ pɔ́ ghʉ anu tepɔŋ ánɛ mvēŋ á ndo esī atsetsáʼ, tɛ mbɔɔ ánɛ methʉ́, tɛ ŋkó azō tsem zīi á eswī. Ŋ́gɛ pɔ́ enéŋ ŋgʉɔ̄ʼ áa ánɛ epuɔ menɔŋ pīi, ayiŋne Ndém á té á mvhɔ eshhʉ̄ pɔ́p ɔ́.