Menjʉɔ te lí 4:9 - Eka Eswhī

⁹ Mena é le nɔ̄ŋ nzɔpɔ efʉʼ metsem, ńdɔkɔ ŋgūʼtɛ á ŋiŋ yīi, a naáŋ ánɛ akɔʼ lefɔ, á ŋiŋ yīi a á nte, á meŋguʼ meŋguʼ. Ńzɔ̄pɔ, ńdɔkɔ ŋgyáa mekuʼ á mbū yí, ńdɔkɔ esyáknɛ á yí.

Menjʉɔ te lí 4:9 Iomraidhean Croise

Eble 7:25

É melaʼ épúp tɛ́, a kuūʼ á yí á leghʉ, epuɔ pīi pɔ́ é si nzápa ánɛ yí, ńtshótɛ nnɛ̄t mé lezēŋ Ndém, é tswɛ́t tɛ ndaʼ, melaʼ mīi, a á efʉʼ metsem, ŋ́gɔ́ áa nte, ńzéŋ nnɔŋ eswíŋtɛ á Ndém á athū pɔ́p.

Eble 7:8

Ndhu Levi, épuɔ pīi, mɛ́ gapa etsō nzhɛ legēm ŋgyáa á taʼ nzhɛ á mbū pɔ́p, pɔ́ é si ŋgɔ́ epuɔ pīi, pɔ́ e láʼ ekwhʉ́te kwhʉ́te. Á piŋ eshʉ̄ʼ ánɛ Mɛlkisedɛk, mbɔ mɛ́ le yá nzhɛ azō áa mbū yí. Á piŋ ŋgɔ́ á ŋiŋ yīi, mɛ́ zhɛɛ́ ŋ́gɛ, a zɛɛ́t áa nte.

Menjʉɔ te lí 1:18

Ŋ́gɔ́ nte. Meŋ nde kwhʉ́ʉ̄, ńzím ánɛ lewhʉ̄, tɛ awuɔ yīi, meŋ mbiīŋ ŋgɔ́ nte á meŋguʼ meŋguʼ lāa. Meŋ nde tsyā á lewhʉ̄, ḿbɔ́ŋ mete ánɛ alāʼ mepfhō.

Menjʉɔ te lí 10:6

ndɔ̄k lezēŋ ŋiŋ yīi, a naáŋ meŋguʼ meŋguʼ, ŋ́kā. Á ŋiŋ yīi, a le ghʉ̄ lephū mbɔɔ ajūɔ tsem zīi, á éwú. Á ŋiŋ yīi, a le ghʉ̄ esī atsetsáʼ mbɔɔ ajūɔ tsem zīi á éwú. Á ŋiŋ yīi, a le ghʉ̄ á mía ntshi mbɔɔ ajūɔ tsem zīi á éwú. Ŋ́ka ndé ŋ́gɛ: «Emɔ̄ʼ njhʉ̄ zīi, mɛ́ e zéŋ ezwíʼte, e te zɛ́t. »

Menjʉɔ te lí 15:7

Mmɔʼ na ánɛ mena pwɔ̄ lekua, á yá mendɔ̄ŋ esambīa, mɛ́ lɔk á gɔ́ɔl tɛ́ ncūŋte á mbū mecɔʼ Ndém esambīa, ajū mīi á tswii azāŋalɔ́ŋ Ndém yīi, a naáŋ meŋguʼ meŋguʼ, á gɔ́ á ntē éwú tɛ ndó.

Menjʉɔ te lí 21:5

Ŋiŋ yīi a naáŋ ánɛ akɔʼ lefɔ, a á lé ŋ́gɛ: «Awuɔ yīi meŋ gɔ á ŋghʉɛ́ ajūɔ tsem leswhī leswhī la. » Ḿbiŋ ndé mé meŋ ŋ́gɛ: «Tí ŋ́gɛ, meshuŋne muɔ é si ŋgɔ́ anuúnē, ŋ́gɔ́ á ajʉʼ éwú ŋgɔ́ épúp. »

Menjʉɔ te lí 4:2

Azwakne Ndém á lɛ eshʉ̄ʼ ŋkó ánɛ meŋ. Meŋ ndɛ njʉ́ɔ, akɔʼ lefɔ á tshí á lephū, ŋiŋ á náŋ ánɛ akɔʼ mɛ́t,

Menjʉɔ te lí 4:8

Ewiɛ́ na lɛ́, á nnɔ mena lekua pwɔ̄, a le wɛ̄ membap ntokó, menēk é gɔ́ ánɛ nzem ŋkɔŋ mbɔɔ ánɛ nzem ntsēŋ. Pɔ́ nɔŋ nzɔ̄pɔ ezokó pɔ́ etsōʼ té ká ŋ́gɛ: «Atsyapuɔ Ndém, Atsyantsɔp, a á te alɔ́ʼ, a á te alɔ́ʼ, a á te alɔ́ʼ. A á si ŋgɔ́ á ŋiŋ yīi, a le zī ŋgɔ́, á ŋiŋ yīi a éwú, ńzéŋ ŋgɔ́ á ŋiŋ yīi a a láʼ ezéŋ eshʉʼe. »

Menjʉɔ te lí 5:1

Meŋ zéŋ njʉ́ɔ aŋwaʼne ánɛ apū ete ŋiŋ yīi, a á nnáŋ ánɛ akɔʼ lefɔ, mbɔ mɛ́ ntí azō á nzem ntē éwú, pɔ́ nzem apɛ́. Aŋwaʼne mɛ́t á gɔ́ ŋkɛ́tte kɛtté, mbɔ mɛ́ ndɔ̄k elɛ ŋgyɛ̄t ejʉʼ esambīa.

Menjʉɔ te lí 6:16

Ńnɔŋ ndʉ́ɛ́ á mbū mekwɛ̄t, mbɔɔ á mbū memía metɔ́ ŋ́gɛ: «Pɛ eswia eswɛ́t á wék, ḿbú efōko á wék, tɛ ŋiŋ yīi, a naáŋ ánɛ akɔʼ lefɔ, a á le pú nzéŋ á wék njʉ́ɔ ɔ́. Mɔ́ Njʉnjhʉ, a á le tswá á wék ŋgʉɔ athʉ́ lepé ɛ́.

Menjʉɔ te lí 7:15

Melaʼ épúp tɛ́ pɔ́ tshiteé á Mía Ŋgyā Ndém, á mvhɔ akɔʼ Lefɔ Ndém, ńnɔŋ ŋgyáa lepɛ á mbū yí, étsōʼ pɔ́ ezokó. Ŋiŋ yīi a naáŋ ánɛ akɔʼ lefɔ, a a shʉʼ elɔk ntap zi, ékápte á wɔ́p.