Menjʉɔ te lí 4:8 - Eka Eswhī

⁸ Ewiɛ́ na lɛ́, á nnɔ mena lekua pwɔ̄, a le wɛ̄ membap ntokó, menēk é gɔ́ ánɛ nzem ŋkɔŋ mbɔɔ ánɛ nzem ntsēŋ. Pɔ́ nɔŋ nzɔ̄pɔ ezokó pɔ́ etsōʼ té ká ŋ́gɛ: «Atsyapuɔ Ndém, Atsyantsɔp, a á te alɔ́ʼ, a á te alɔ́ʼ, a á te alɔ́ʼ. A á si ŋgɔ́ á ŋiŋ yīi, a le zī ŋgɔ́, á ŋiŋ yīi a éwú, ńzéŋ ŋgɔ́ á ŋiŋ yīi a a láʼ ezéŋ eshʉʼe. »

Menjʉɔ te lí 4:8 Iomraidhean Croise

Mefaʼ Meziŋ-ntō 20:31

Tɛ́ mbɔ, pɛ epíp, ńnɔŋ ŋkímtɛ páʼ, meŋ ke náŋ á tsetsɛlɛ pɛ ŋguʼ tɛ́t, ńnɔŋ ntswɛ̄tɛ á awíɛ awíɛ mé ntshi nnēk, é táŋ‑azokó pɔ́ etsōʼ.

2 Kɔlɛŋte 6:18

Atsyapuɔ ŋgaŋ mete ntsem, a le zéŋ ndé ŋ́gɛ: «Meŋ a shʉʼ egɔ́ á mbū pɛ, égɔ́ á Mɔʼɔ́ wɛ, pɛ egɔ́ á mbū meŋ, ŋ́gɔ́ ewɔŋkhʉ̄ pá epi mbaŋa, mbɔɔ epi wɔnzwí. »

1 Tesalonik 2:9

Ázi ŋgē egɔ́ me epɔ̄ memía, pɛ nɔ̄ɔŋ ŋkímtɛ páʼ, pek lɛ á tsetsɛlɛ pɛ, afaʼ á nɔŋ eswɛ́tɛ á wék, pek nɔ̄ɔŋ njʉ́ɔ ŋgʉɔ̄ʼ épúp. Pek lɛ etsōʼ pɔ́ ezokó, ńnɔŋ ŋghʉ̄ɛ afaʼ, ńdɔkɔ te ŋkɔ̄ŋɔ á wék, á lege etswi ŋke mbɔŋ Ndém á mbū pɛ, ńcʉ́ʼ á apiʼ, á mbū ŋiŋ wɛ ɛ́.

1 Timotɛ 4:16

Lak á athū jú, ánɛ ewu lenāŋ. Ńdāk athū jú, ánɛ anu zīi o zíʼnɛ epuɔ. Gɔ́ efʉʼ metsem, ńnɔŋ ŋkāka áa ete. O gɔ eghʉ épúp, tɛ́ Ndém a eláʼ ŋghʉ̄ o etswɛ́t, epuɔ pīi pɔ́ júʼɔ á wú, e etswɛ́t azɔ́p.

2 Timotɛ 4:2

sáʼ ŋke mbɔŋ, ésáʼ ŋŋiŋ ŋiíŋ, ésáʼ á afʉʼ zīi, epuɔ menɔŋ é si ŋkɔ̄ŋɔ á lejūʼ, mbɔɔ afʉʼ zīi, pɔ́ té si ŋkɔ̄ŋɔ. Ésáʼ ndɔk eshúŋ epuɔ ajū mīi, pɔ́ é si efāa, ésáʼ ndɔk nthú alɔ́ʼ epuɔ, ésáʼ ndɔk ŋgyá epuɔ ŋgate. Ŋ́ké ŋgē eghʉ épúp, ńnɔŋ ŋkwɛ́tɛ ntē, ńdɔkɔ nzíʼnɛ á wɔ́p.

Eble 13:8

Yɛɛ́so Klísto a te kúmne, a gɔ́ éyi a kɛ ezɔ́, ŋ́gɔ́ lɛ akɔ̄ lɛ́, mbɔ a á ayáʼa, ŋ́gɔ́ áa épúp, épiŋ enáŋa egɔ́ɔ áa épúp.

Menjʉɔ te lí 1:4

Meŋ Jáaŋ, meŋ tíi akɛtte jʉɔ páʼa, á mbū meŋgyā alúŋ epuɔ Yɛɛ́so esambīa mīi, é apak ŋgɔŋ Azíi. Ŋ́gɛ Ndém yīi a á éwú, mbɔ a le zī ŋgɔ́ éwú, éláʼ ezéŋ eshʉʼe, a eghʉ̄ anu mbɔŋ té ndhʉ ánɛ pɛ, ńnéŋ apwɛne á ntē pɛ. Ŋ́gɛ ezwakne esambīa tsīi, é faʼa á mbū Ndém, ńtshíte á mvhɔ akɔʼ Lefɔ Ndém, e eghʉ̄ anu mbɔŋ té ndhʉ ánɛ pɛ, ńnéŋ apwɛne á ntē pɛ.

Menjʉɔ te lí 1:8

Atsyapuɔ Ndém a leé ŋ́gɛ: «Meŋ á si ŋgɔ́ á Alfa, ŋ́gɔ́ á Omega, ńdɔkɔ ndʉ́ɛ́ nzií, ńzéŋ ŋgɔ́ nzokó. Ŋ́gɔ́ ŋiŋ yīi a á éwú mbɔ a le zī ŋgɔ́ éwú, éláʼ ezéŋ eshʉʼe. Ŋ́gɔ́ á Atsyantsɔp.

Menjʉɔ te lí 11:17

ńnɔŋ ndʉ́ɛ́ ŋ́gɛ: «Pek é syákne á wú, á Atsyapuɔ Ndém ŋgaŋ mete ntsem. Á wú yīi, o ó éwú, mbɔ o le zī ŋgɔ́. Ésyákne á wú, melaʼ mīi o ó lɔk eju ntií á lelɔk esáʼ ŋgɔŋ, ńtswī á mía mía mete mú.

Menjʉɔ te lí 14:11

Ŋghī mmók, e efhɔ́ɔ á ntē mmók yīi pɔ́ é éwú njʉ́ɔ ŋgʉɔ̄ʼ, ŋ́kɔ́ɔʼ á meŋguʼ meŋguʼ. Á etsōʼ pɔ́ ezokó, ŋ́gɔ́ yīi pɔ́ gɔ le wɛ̄ njhʉ̄ á lelɔk nzwīte ɛ́. Mɛ́ lʉ́ɛ́ epuɔ pīi, pɔ́ é tswíʼte, ŋ́ŋɔ́ʼne tɛ athū á pfēŋ esī á mvhɔ na, mbɔɔ á mvhɔ akeke zí. Á ŋiŋ ntsem yīi, mɛ́ é tí lezēŋ na mɛ́t ánɛ yí. »

Menjʉɔ te lí 14:3

Epuɔ pwɔ̄, é nɔŋ nzɔ̄pɔ ntshi eswhī, á mvhɔ akɔʼ lefɔ, mbɔɔ á mvhɔ mena pwɔ̄ lekua, mbɔɔ á mvhɔ epɔ̄ melʉɛ. Ŋiŋ a le gɔ a á le kūʼ á lezɔp ntshi mɛ́t, té gɔ́ ánɛ nnɔ epuɔ ntsāʼ ŋkhʉ mé ntsāʼ ntsɔp lekua megēm lekua pwɔ̄ pīi, Ndém a le cūʼ á wɔ́p á ndo esī atsetsáʼ á.

Menjʉɔ te lí 15:3

Pɔ́ nɔŋ nzɔ̄pɔ ntshi yīi, Mɔɔ́sɛ ŋgaŋ afaʼ Ndém a le zɔ̄pē. Ńzéŋ nɔŋ nzɔ̄pɔ ntshi yīi, Mɔ́ Njʉnjhʉ a le zɔ̄p azí. Pɔ́ nɔŋ nzɔ̄pɔ ndʉ́ɛ́ ŋ́gɛ: «Atsyapuɔ Ndém, Atsyantsɔp, mefaʼ mú é zánee, ḿbú mbɔ̄ŋ tɛʼ. Efɔ ŋgɔŋ ntsem, eju ntií leghʉ anu, e gɔ́ áa ndeŋ ndeŋ, ŋ́gɔ́ anuúne.

Menjʉɔ te lí 15:7

Mmɔʼ na ánɛ mena pwɔ̄ lekua, á yá mendɔ̄ŋ esambīa, mɛ́ lɔk á gɔ́ɔl tɛ́ ncūŋte á mbū mecɔʼ Ndém esambīa, ajū mīi á tswii azāŋalɔ́ŋ Ndém yīi, a naáŋ meŋguʼ meŋguʼ, á gɔ́ á ntē éwú tɛ ndó.

Menjʉɔ te lí 16:14

Pɔ́ métɛ́t é si ŋgɔ́ mesī, ńnɔŋ ŋghʉ̄ɛ meŋkʉʼne menu. Pɔ́ gʉɔ njʉ́ɔ mefɔ ŋgɔŋ ntsem, ŋ́gɔ̄ á ncúʼte á pɔ́p, pɔ́ elʉɔ́ʼ á Atsyantsɔp Ndém, ánɛ mía aleʼé zīi, a záʼa ntsaŋ.

Menjʉɔ te lí 16:7

Cɔʼ Ndém á lé épúp, meŋ zéŋ njúʼ mmɔʼ ŋghi, é fhó á ajʉʼ nnɔɔ̄ŋ‑epɔʼ ndé ŋ́gɛ: «Á épúp mé Atsyapuɔ Ndém, me Atsyantsɔp, o lɔɔ̄k anuúnē pɔ́ ndeŋ ndeŋ, tɛ́ nzáʼ ntsaŋ. »

Menjʉɔ te lí 19:15

Mmɔʼ ŋŋí ncu é nɔŋ ntúɔ́ á nchu yí, ŋ́gɔ́ á swíswí, á lɔkɔ ŋgɔ̄ á ndʉɔ́ʼ ŋgɔŋ ntsem. A a lʉɔ́ʼ tɛ ejhʉ́, ésáʼ á wɔ́p, té ŋiŋ ŋŋíʼne á yí. Éneŋte á wɔ́p páʼ mɛ́ neŋtɛ ntá athʉ́, ńdɔkɔ ŋkíɛ́ meluʼ lā. Éghʉ épúp, é lɔkɔ tswi azāŋalɔ́ŋ Atsyantsɔp Ndém.

Menjʉɔ te lí 19:4

Epɔ̄ melʉɛ ntsɔp lekua megēm mbīa, mbɔɔ mena lekua pwɔ̄, é tswíʼte, ŋ́ŋɔ́ʼne tɛ ethū tsɔ́p é pfeŋ esī, á mvhɔ Ndém páʼ a naáŋ ánɛ akɔʼ lefɔ, ŋ́gūʼte á yí ndé ŋ́gɛ: «Á épúp, Alelúya. »

Menjʉɔ te lí 21:22

Meŋ ké te á Mía Ŋgyā Ndém, á tésɔŋ mɛ́t jʉ́ɔ. Á gɔ́ páʼ, eyi Mía Ŋgyā Ndém a á si ŋgɔ́ á Atsyapuɔ, á Atsyantsɔp Ndém méŋwɛ̄t, ńzéŋ ŋgɔ́ á Mɔ́ Njʉnjhʉ.

Menjʉɔ te lí 3:7

Tí á mbū cɔʼ Ndém yīi, a cʉtɛ alúŋ epuɔ Yɛɛ́so zīi, á tésɔŋ Filadɛlfi ŋ́gɛ: «Ŋiŋ yīi a fhɔ́ɔ á mbū Ndém, ŋ́gɔ́ á ŋgaŋ anuúne, ŋ́gwɛ̄ á kí Efɔ Ndavít, ŋ́gɔ́ á ŋiŋ yīi a tsɔ́ʼɔ, ŋiŋ a á le kɛ̄ɛ, ŋ́kɛ̄, ŋiŋ a á le tsɔ́ʼ, a á si ndʉ́ɛ́ ŋ́gɛ:

Menjʉɔ te lí 4:4

Emɔ̄ʼ mekɔʼ lefɔ ntsɔp lekua mé megēm mbīa, é kɛ́nne akɔʼ mɛ́t nnéŋ á esɔŋ. Epɔ̄ melʉɛ ntsɔp lekua mé megēm mbīa, é náŋte éwú, ńzwík mefhɔ́ menzhó. Acɔʼ lefɔ á gɔ́ á athū pɔ́p, mɛ́ lɔk á gɔ́ɔl tɛ́ ncūŋte.

Menjʉɔ te lí 4:6

Emɔ̄ʼ mía ntshi, ńdáne lɛ kwɛ́t, ŋ́gɔ́ páʼ apak ajʉɔ‑eshhʉ̄ lā, á gɔ́ á mvhɔ akɔʼ lefɔ mɛ́t. Emɔ̄ʼ mena lekua, ŋ́gwɛ̄ menēk á mvhɔ pɔ́ nzem, é gɔ́ á tsetsɛlɛ, ńtʉɔ́ʼte á akɔʼ lefɔ mɛ́t.

Menjʉɔ te lí 4:9

Mena é le nɔ̄ŋ nzɔpɔ efʉʼ metsem, ńdɔkɔ ŋgūʼtɛ á ŋiŋ yīi, a naáŋ ánɛ akɔʼ lefɔ, á ŋiŋ yīi a á nte, á meŋguʼ meŋguʼ. Ńzɔ̄pɔ, ńdɔkɔ ŋgyáa mekuʼ á mbū yí, ńdɔkɔ esyáknɛ á yí.

Menjʉɔ te lí 5:6

Meŋ zéŋ njʉ́ɔ á Mɔ́ Njʉnjhʉ, á tshí á legʉ̄ŋ akɔʼ lefɔ, melák meféŋ mīi, mɛ́ le lɔ̄k nzwhí á yí, é gɔ́ ánɛ yí, mena pwɔ̄ lekua pɔ́ epɔ̄ melʉɛ é tʉɔ́ʼte á yí. Mendɔ̄ŋ é gɔ́ á athū Mɔ́ Njʉnjhʉ mɛ́t esambīa, á wɛ menēk esambīa. Menēk esambīa mɛ́t é gɔ́ ezwakne esambīa tsīi, é faʼa á mbū Ndém, mbɔ Ndém a le tó á ndo esī atsetsáʼ ejʉʼ tsem.

Menjʉɔ te lí 6:1

Á tɔ́k épúp, meŋ zéŋ njʉ́ɔ á Mɔ́ Njʉnjhʉ, á ŋɛ́ʼɛ elɛ ánɛ mvhɔ ajʉʼ ánɛ mejʉʼ mwɔ̄ esambīa. Meŋ júʼ mvhɔ na ánɛ mena pwɔ̄ lekua, á lé mé ŋghi teté ŋ́gɛ: «Shʉʼɛ̄. » Ŋghi zi é nɔŋ nzwɛ̄nɛ, páʼ ŋghi lefaŋ lā.

Menjʉɔ te lí 6:6

Meŋ júʼ azō páʼ ŋghi ŋiŋ lā, é fhó á tsetsɛlɛ mena lekua pwɔ̄, ńnɔŋ ndʉ́ɛ́ ŋ́gɛ: «Mɛ́ e lɔk ŋkāp taʼ aleʼé alāʼ afaʼ, ézó á méŋ apií lɛ́si ká méŋ apū ŋgesáŋ. Ŋgɔ́ mé mevɛ̄t pɔ́ meluʼ, ndɛ́ʼ o pfēeŋ nzwiŋ. »

Menjʉɔ te lí 7:11

Mecɔʼ Ndém ntsem pīi, é ntshíte ŋkɛ́nne akɔʼ lefɔ nnéŋ á esɔŋ, ŋ́kɛ́nne epɔ̄ melʉɛ, ŋ́kɛ́nne mena pwɔ̄ lekua, é tswíʼte á esī, ŋ́ŋɔ́ʼne á mvhɔ akɔʼ lefɔ, tɛ ethū tsɔ́p é pfeŋ esī, ŋ́gūʼte á Ndém.

Menjʉɔ te lí 7:15

Melaʼ épúp tɛ́ pɔ́ tshiteé á Mía Ŋgyā Ndém, á mvhɔ akɔʼ Lefɔ Ndém, ńnɔŋ ŋgyáa lepɛ á mbū yí, étsōʼ pɔ́ ezokó. Ŋiŋ yīi a naáŋ ánɛ akɔʼ lefɔ, a a shʉʼ elɔk ntap zi, ékápte á wɔ́p.