Menjʉɔ te lí 4:5 - Eka Eswhī

⁵ Ŋŋí mbeŋ pɔ́ meŋghi epuɔ mbɔɔ lefaŋ, é nɔŋ efhɔ́ɔ ánɛ akɔʼ lefɔ mɛ́t ntúɔ́. Meláam esambīa é tshíte á mvhɔ akɔʼ lefɔ mɛ́t, ńnɔŋ ŋkhʉ́ɛ, ńdūɔ́ lɛ swaŋ swaŋ swaŋ, ŋ́gɔ́ ezwakne esambīa tsīi é faʼa á mbū Ndém.

Menjʉɔ te lí 4:5 Iomraidhean Croise

Matío 25:1

Yɛɛ́so á zéŋ ndé ŋ́gɛ: «Lefɔ Ndém é swhií anu epɔ̄ ŋgɔ legēm pīi, pɔ́ le tswíʼ meláam pɔ́p, ńdɔk ntó ŋ́gɔ̄ á nzwíʼte tɛnzwí ŋge.

Matío 3:11

Meŋ, meŋ á si nnōʼo á wɛ́ áa ntshi ndaʼ, ńdɔkɔ ntswīi á légɛ, pɛ é wáʼ atswhī tepɔŋ zɛ́. Táʼ, ndʉɛ yīi a á nzem meŋ eshʉ̄ʼɛ, a puú ntsyā á gá, tɛ meŋ zi te kūʼ yīi, meŋ gɔ eŋɔ́ʼne á esī, ésɔ̄ŋ meláŋ mí í. A a shʉʼ azí páʼā, énéŋ Azwakne Ndém ánɛ epuɔ, ézéŋ enéŋ mmók ánɛ epuɔ.

Mefaʼ Meziŋ-ntō 2:3

Pɔ́ jʉ́ɔ amɔ̄ʼ azō á ŋwak, ŋ́gɔ́ páʼ melē mmók lā, ŋ́gāpte nnɛ̄t, ŋ́gʉɔ ntshí á athū awíɛ awíɛ á nnɔ pɔ́p.

Menjʉɔ te lí 1:4

Meŋ Jáaŋ, meŋ tíi akɛtte jʉɔ páʼa, á mbū meŋgyā alúŋ epuɔ Yɛɛ́so esambīa mīi, é apak ŋgɔŋ Azíi. Ŋ́gɛ Ndém yīi a á éwú, mbɔ a le zī ŋgɔ́ éwú, éláʼ ezéŋ eshʉʼe, a eghʉ̄ anu mbɔŋ té ndhʉ ánɛ pɛ, ńnéŋ apwɛne á ntē pɛ. Ŋ́gɛ ezwakne esambīa tsīi, é faʼa á mbū Ndém, ńtshíte á mvhɔ akɔʼ Lefɔ Ndém, e eghʉ̄ anu mbɔŋ té ndhʉ ánɛ pɛ, ńnéŋ apwɛne á ntē pɛ.

Menjʉɔ te lí 10:3

Ńnɔŋ ŋgāʼtɛ mé atʉɛ́ ŋghi, páʼ njʉnjhʉ meŋgēm e gaʼtɛ épúp lā. Ŋ́gāʼte épúp, lefaŋ é vɛ́tte ŋgʉɔ esambīa.

Menjʉɔ te lí 11:19

Ŋ́gūʼte á Ndém tɛ nzáʼ, Mía Ŋgyā Ndém á athʉ́ lephū á tsɔ́ʼɔ ntshí, akʉp eka á ŋwak á ntē éwú, mɛ́ lɛ njʉ́ɔ, meŋŋí mbeŋ é ŋwaŋ, ńjúʼ meŋghi, ńjúʼ lefaŋ á levɛ̄tte, esī atsetsáʼ é pú ncʉ̄ʼne, mewɛ tɛ nzáne é pú ŋgwhʉ̄.

Menjʉɔ te lí 3:1

Tí á mbū cɔʼ Ndém yīi, a cʉtɛ alúŋ epuɔ Yɛɛ́so zīi, á tésɔŋ Saadɛs ŋ́gɛ: «Ŋiŋ yīi a wɛɛ̄ ezwakne esambīa tsīi, é faʼa á mbū Ndém, ńzéŋ ŋgwɛ̄ mecɔʼ saŋ esambīa, a á si ndʉ́ɛ́ ŋ́gɛ: Meŋ á si nzhɛ́ɛ mefaʼ mú. Epuɔ é si ndʉ́ɛ́ ŋ́gɛ o ó nte, káʼā mbɔ o lē ŋkhwʉ́.

Menjʉɔ te lí 5:6

Meŋ zéŋ njʉ́ɔ á Mɔ́ Njʉnjhʉ, á tshí á legʉ̄ŋ akɔʼ lefɔ, melák meféŋ mīi, mɛ́ le lɔ̄k nzwhí á yí, é gɔ́ ánɛ yí, mena pwɔ̄ lekua pɔ́ epɔ̄ melʉɛ é tʉɔ́ʼte á yí. Mendɔ̄ŋ é gɔ́ á athū Mɔ́ Njʉnjhʉ mɛ́t esambīa, á wɛ menēk esambīa. Menēk esambīa mɛ́t é gɔ́ ezwakne esambīa tsīi, é faʼa á mbū Ndém, mbɔ Ndém a le tó á ndo esī atsetsáʼ ejʉʼ tsem.

Menjʉɔ te lí 8:5

Cɔʼ Ndém á lɛ ntswíʼ atūʼ á lelɔk ntɔ̄ á aŋsaŋ, éfhó á ajʉʼɛ nnɔɔ́ŋ‑epɔʼ, ḿbɛ́ mmók nnéŋ éwú tɛ é ló, ḿmāʼ á ndo esī atsetsáʼ. Mɛ́ lɛ njúʼ lefaŋ á levɛ̄tte, ńjúʼ meŋghi, ńjʉ́ɔ meŋŋí mbeŋ, esī atsetsáʼ é pú ncʉ̄ʼne.