Menjʉɔ te lí 4:4 - Eka Eswhī

⁴ Emɔ̄ʼ mekɔʼ lefɔ ntsɔp lekua mé megēm mbīa, é kɛ́nne akɔʼ mɛ́t nnéŋ á esɔŋ. Epɔ̄ melʉɛ ntsɔp lekua mé megēm mbīa, é náŋte éwú, ńzwík mefhɔ́ menzhó. Acɔʼ lefɔ á gɔ́ á athū pɔ́p, mɛ́ lɔk á gɔ́ɔl tɛ́ ncūŋte.

Menjʉɔ te lí 4:4 Iomraidhean Croise

Matío 19:28

Yɛɛ́so á pwɛt á mbū pɔ́p ŋ́gɛ: «Kwaʼ anuúnē meŋ shúŋɔ á wɛ́ ŋ́gɛ, a láʼ ekuʼ afʉʼ zīi, Ndém a ghʉɛ, akʉ̄ɛ akʉ̄ɛ á cʉ́ʼɛ azi eswhī, áfʉʼ zīi Méŋ‑Ŋiŋnɔŋ wuɔ, a náŋa ánɛ mía akɔʼ lefɔ zí, pɛ pīi pɛ ke tsé á nzem meŋ, pɛ enáŋte azɛ́ ánɛ ekɔʼ lefɔ ntsɔp pīa mé legēm, ésáʼ nzwɛt ŋgyā Islaɛl, étseŋ ŋgyā Islaɛl ntsɔp pīa mé legēm.

Lúkási 22:30

Afʉʼ mɛ́t, meŋ egɔ́ á efɔ, ḿpɛ epúte ŋgwʉ́ŋ, ḿpfɛ́t, ńnú, pɛ epiŋ nnáŋ ánɛ ekɔʼ lefɔ, ésáʼ nzwɛt ŋgyā Islaɛl, étseŋ ŋgyā ntsɔp pīa mé legēm. »

2 Timotɛ 4:8

Tɛ efhó tsetsɔŋɔ, meŋ ncʉ́ʼɛ nzwíʼtɛ áa ntaŋá yīi, ŋiŋ yīi a naáŋ páʼ Ndém a á si ŋkɔ̄ŋɔ, a pɔŋteé á lewɛ, ńtaŋá yīi Atsyapuɔ, á ndɔ̄k ndeŋ ndeŋ nzáʼ ntsaŋ, a a láʼ eyá mé meŋ, á aleʼé zīi, a záʼa ntsaŋ. A á le lɛ̄ ŋgyá mé meŋ ndaʼ á, a eyá tɛ mbɔɔ á mbū epuɔ metsem pīi, é gɛ nzī ntsáa á lejʉ̄ɔ á yí.

Menjʉɔ te lí 11:16

Meŋghi mɛ́t é shúŋne épúp, epɔ̄ melʉɛ ntsɔp lekua mé megēm mbīa pīi, pɔ́ é nnáŋte ánɛ ekɔʼ lefɔ tsɔ́p, á mvhɔ Ndém, é tswíʼte, ŋ́ŋɔ́ʼne tɛ ethū tsɔ́p é pfeŋ esī, ńdɔkɔ ŋgūʼtɛ á Ndém,

Menjʉɔ te lí 14:3

Epuɔ pwɔ̄, é nɔŋ nzɔ̄pɔ ntshi eswhī, á mvhɔ akɔʼ lefɔ, mbɔɔ á mvhɔ mena pwɔ̄ lekua, mbɔɔ á mvhɔ epɔ̄ melʉɛ. Ŋiŋ a le gɔ a á le kūʼ á lezɔp ntshi mɛ́t, té gɔ́ ánɛ nnɔ epuɔ ntsāʼ ŋkhʉ mé ntsāʼ ntsɔp lekua megēm lekua pwɔ̄ pīi, Ndém a le cūʼ á wɔ́p á ndo esī atsetsáʼ á.

Menjʉɔ te lí 19:14

Wɔ lʉɔ́ʼ‑ncu pīi, pɔ́ é athʉ́ lephū, é gɔ́ á nzem nzhɛ̄nɛ á yí, ńnáŋte azɔ́p ánɛ meféfhɔ́ melʉ́ɔ́, ńzwík mefhɔ́ menzhó, mɛ́ lɔk á lɛ́ɛŋ tɛ́ ncūŋte, é láne lɛ kwɛ́t.

Menjʉɔ te lí 19:4

Epɔ̄ melʉɛ ntsɔp lekua megēm mbīa, mbɔɔ mena lekua pwɔ̄, é tswíʼte, ŋ́ŋɔ́ʼne tɛ ethū tsɔ́p é pfeŋ esī, á mvhɔ Ndém páʼ a naáŋ ánɛ akɔʼ lefɔ, ŋ́gūʼte á yí ndé ŋ́gɛ: «Á épúp, Alelúya. »

Menjʉɔ te lí 2:10

Ndɛ́ʼ o epɔ́k ŋgʉɔ̄ʼ zīi, o gʉɔ mé njʉ́ɔ. Júʼɔ́, Sɛ́ta a shʉʼ egɔ emɔ̄ʼ megaŋ nnɔ pɛ, émaʼte á wɔ́p á ŋgyā atʉɛ́, élɔkɔ etátɛ á wɛ́. Púp, pɛ enáŋ á ntē ŋgʉɔ̄ʼ eleʼé legēm. Pɛ eké efɛ́ nnɛ̄t ŋgyá áa mbū meŋ, tɛ ndáʼ ŋkwhʉ́. Pɛ ghʉɛ épúp, mbɔɔ pɛ e fú eta á lezēŋ Ndém.

Menjʉɔ te lí 20:4

Á tɔ́k épúp, meŋ zéŋ njʉ́ɔ ekɔʼ lefɔ, epuɔ pīi pɔ́ nnáŋte éwú, mɛ́ yá mete á mbū pɔ́p, á lelɔk esáʼ epuɔ. Meŋ zéŋ njʉ́ɔ egega epuɔ pīi, mɛ́ le zaʼté ethū tsɔ́p melaʼ mīi, pɔ́ le kuʼté ashuŋne Ndém, ńnɔŋ eshúŋɔ á ŋiŋ yīi, Yɛɛ́so a ewiɛ́. Égega epuɔ pīi, pɔ́ lɛ te wūʼte á na mbɔɔ akeke zí í, ḿbiŋ te véŋ ŋ́gɛ, mɛ́ etshí á ayiŋne na, á mvhɔ eshhʉ̄ pɔ́p, mbɔɔ ánɛ apū zɔ́p ɔ́. Ndém á ghʉ, epuɔ puɔ mɛ́t, é zím ánɛ lewhʉ̄, pɔ́ a Klísto é sáʼ ŋgɔŋ, ánɛ meŋguʼ ntsāʼ.

Menjʉɔ te lí 3:18

Melaʼ épúp tɛ́, meŋ tékɛ á wú ŋ́gɛ, o eshʉ̄ʼ á mbū meŋ, ńzó á gɔ́ɔl yīi, mɛ́ é tɔ á mmók, ńtōk tɛ á ŋwaŋne, tɛ́ ndɔk ncʉ́ʼ á kwaʼ ŋgaŋ lewūʼ. Ńzó mefhɔ́ menzhó ndɔk ŋkápte mbe nnɛ̄t ju, tɛ́ esē é le zéŋ ŋkú á wú melaʼ mīi, o ó atseŋ te nzhó ɔ́. Ńzó afho, ńdɔk mbɛ́t menēk mú, ńzéŋ njʉ́ɔ ejʉʼ.

Menjʉɔ te lí 4:10

Ŋ́gē ezɔp épúp, epɔ̄ melʉɛ pwɔ̄ ntsɔp lekua mé megēm mbīa é tswíʼte, ŋ́ŋɔ́ʼne tɛ ethū tsɔ́p é pfeŋ esī, ńdɔkɔ ŋgūʼtɛ á ŋiŋ yīi, a á nte, á meŋguʼ meŋguʼ, ńnɔŋ mmāʼtɛ ecɔʼ lefɔ tsɔ́p á mvhɔ akɔʼ lefɔ, ńnɔŋ ndʉ́ɛ́ ŋ́gɛ:

Menjʉɔ te lí 4:6

Emɔ̄ʼ mía ntshi, ńdáne lɛ kwɛ́t, ŋ́gɔ́ páʼ apak ajʉɔ‑eshhʉ̄ lā, á gɔ́ á mvhɔ akɔʼ lefɔ mɛ́t. Emɔ̄ʼ mena lekua, ŋ́gwɛ̄ menēk á mvhɔ pɔ́ nzem, é gɔ́ á tsetsɛlɛ, ńtʉɔ́ʼte á akɔʼ lefɔ mɛ́t.

Menjʉɔ te lí 5:11

Meŋ jʉ́ɔ atʉtʉ mecɔʼ Ndém, ńjúʼ ŋghi zɔp, pɔ́ gɔ́ mentsāʼ tɛ nzáne, tɛ ŋgɔ́ yīi mɛ́ gɔ le sáŋ. Ńtshí ŋkɛ́ne akɔʼ lefɔ, mbɔɔ mena pwɔ̄ pɔ́ a epɔ̄ melʉɛ.

Menjʉɔ te lí 5:14

Mena pwɔ̄ lekua é nɔŋ mbwɛ̄tɛ ŋ́gɛ: «Á épúp, epɔ̄ melʉɛ é tswíʼte, ŋ́ŋɔ́ʼne tɛ ethū tsɔ́p é pfeŋ esī, ŋ́gūʼte á Ndém pɔ́ Mɔ́ Njʉnjhʉ. »

Menjʉɔ te lí 5:6

Meŋ zéŋ njʉ́ɔ á Mɔ́ Njʉnjhʉ, á tshí á legʉ̄ŋ akɔʼ lefɔ, melák meféŋ mīi, mɛ́ le lɔ̄k nzwhí á yí, é gɔ́ ánɛ yí, mena pwɔ̄ lekua pɔ́ epɔ̄ melʉɛ é tʉɔ́ʼte á yí. Mendɔ̄ŋ é gɔ́ á athū Mɔ́ Njʉnjhʉ mɛ́t esambīa, á wɛ menēk esambīa. Menēk esambīa mɛ́t é gɔ́ ezwakne esambīa tsīi, é faʼa á mbū Ndém, mbɔ Ndém a le tó á ndo esī atsetsáʼ ejʉʼ tsem.

Menjʉɔ te lí 5:8

Ńtswí aŋwaʼne mɛ́t épúp, mena lekua pwɔ̄, ŋ́ghʉ̄ epɔ̄ melʉɛ ntsɔp lekua mé megēm mbīa pwɔ̄, é tswíʼte, ŋ́ŋɔ́ʼne tɛ ethū tsɔ́p é pfeŋ esī á mvhɔ Mɔ́ Njhʉnjhʉ mɛ́t. Awíɛ awíɛ á wɛ akékwɛlé mbɔɔ mendɔ̄ŋ meluʼ á mbū yí. Mendɔ̄ŋ é gɔ́ mbɔ mɛ́ le lɔ̄k á gɔ́ɔl tɛ́ ncūŋte, alamńda á gɔ́ á ntē éwú tɛ ndó, ńdɔk ŋgɔ́ meswiŋte epuɔ Ndém.

Menjʉɔ te lí 6:11

Mɛ́ yá á fhɔ́ nzhó á mbū awíɛ awíɛ á nnɔ pɔ́p, ńdé á mbū pɔ́p ŋ́gɛ: «Pɛ enáʼ nzéŋ ńzwíʼte á méŋ agáʼ afʉʼ, tɛ nnɔ epuɔ pīi, á si mbɔ́ŋtɛ á légɛ, mɛ́ ezwhíte á wɔ́p páʼ pɛ lā, e epō. Ńnɔ mesoó afaʼ pɛ́, mbɔɔ nnɔ epɔ̄ memía pɛ́ á nzem Yɛɛ́so. »

Menjʉɔ te lí 7:11

Mecɔʼ Ndém ntsem pīi, é ntshíte ŋkɛ́nne akɔʼ lefɔ nnéŋ á esɔŋ, ŋ́kɛ́nne epɔ̄ melʉɛ, ŋ́kɛ́nne mena pwɔ̄ lekua, é tswíʼte á esī, ŋ́ŋɔ́ʼne á mvhɔ akɔʼ lefɔ, tɛ ethū tsɔ́p é pfeŋ esī, ŋ́gūʼte á Ndém.

Menjʉɔ te lí 7:9

Ajɔ̄ mɛ́t á tɔ́k épúp, meŋ zɛ́t ncʉ̄te cʉte, ńjʉ́ɔ atʉtʉ epuɔ menɔŋ, á zá tɛ ŋgɔ́ yīi, ŋiŋ a gɔ le kūʼ á lesāŋ á. Éfhɔ́ɔ á ŋgɔŋ ŋgɔŋ, éfhɔ́ɔ ánɛ etseŋ ŋgyā ntsem, ánɛ elāʼ tsem, éwɔ shúŋ á ntií ntiī elāʼ. Pɔ́ pú ntshíte ajʉʼ, á mvhɔ akɔʼ lefɔ, mbɔɔ á mvhɔ Mɔ́ Njʉnjhʉ. Ḿmāʼ meféfhɔ́ menzhó, ŋ́gwɛ̄ ezāŋ menaʼ á mbū pɔ́p.

Menjʉɔ te lí 9:7

Ŋgím mɛ́t é gɔ́ páʼ melʉ́ɔ́ pīi, mɛ́ mbɛ́tte á lelɔk ndʉɔ́ʼ ncu lā. Ethū tsɔ́p é gɔ́ páʼ, pɔ́ ntɔ̄ʼ acɔʼ lefɔ, mɛ́ lɔk á gɔ́ɔl tɛ́ ncūŋte lā. Alá eshhʉ̄ zɔ́p á gɔ́ páʼ, alá eshhʉ̄ epuɔ menɔŋ lā.