Menjʉɔ te lí 4:1 - Eka Eswhī

¹ Meŋ nde jʉ́ɔ ecʉɔ etsō mɛ́t tɛ é mi, ńzéŋ njʉ́ɔ, taʼ nchu ŋgyā é tsɔ́ʼɔ ntshí á athʉ́ lephū, ŋghi zīi meŋ nde zī nté njhʉ̄ njúʼ á leshūŋne á mbū meŋ, ézi e le nɔ̄ŋ nzwɛnɛ páʼ ŋghi ntaŋ lā, é lé mé meŋ ŋ́gɛ: «Pʉ́ɛ́ eshʉ̄ʼ mé ega, meŋ etswī á wú ajū mīi, á gʉɔ me mbátɛ. »

Menjʉɔ te lí 4:1 Iomraidhean Croise

Matío 3:16

Ńnōʼ á Yɛɛ́so á ntshi, tɛ á fhó éwú ntó. Ńdɛ ŋgē ejʉ́ɔ, lephū é tsɔ́ʼɔ ntshí, á jʉ́ɔ Azwakne Ndém á fhó éwú esóʼo, ŋ́gɔ́ páʼ akepēŋ lā, éshʉʼ nnáŋ ánɛ yí.

Málkúsi 1:10

Yɛɛ́so á ghʉ nnɔ̄ŋ efhɔ́ɔ á ntshi ntúɔ́, ńdɛ njʉ́ɔ, lephū é tsɔ́ʼɔ ntshí, á jʉ́ɔ Azwakne Ndém á fhó éwú esóʼo nnáŋ ánɛ yí, ŋ́gɔ́ páʼ akepēŋ lā.

Lúkási 3:21

Á lɛ amɔ̄ʼ aleʼé, tɛ mɛ́ zɛ́t té néŋ á Jáaŋ á ŋgyā atʉɛ́, á noʼ alāʼ á ntshi tɛ á mi, Yɛɛ́so á shʉʼ azí, á noʼ á yí á ntshi. Yɛɛ́so á nɔŋ eswíŋtɛ á Ndém, lephū é lɛ ntsɔ́ʼɔ ntshí.

Jáaŋ 16:13

Afʉʼ zīi Azwakne Ndém a shʉʼ shʉʼe, á ŋiŋ yīi a a kwaʼ eshúŋ á wɛ́, á ŋiŋ yīi Ndém a á ewíɛ́, a eghʉ̄ pɛ ezhɛ́ á anuúnē ntsem. A te shʉʼ eshúŋ menu mīi, é fhɔ́ɔ á mbū yí í. A a shʉʼ eshúŋ ajū mīi, a ke júʼē. A a shʉʼ epú eshúŋ á wɛ́ ajū mīi, a shʉʼ tɛ́ shʉʼe.

Mefaʼ Meziŋ-ntō 10:11

Á jʉ́ɔ lephū é tsɔ́ʼɔ ntshí, amɔ̄ʼ azō á fhó éwú esóʼo ntshí á esī, ŋ́gɔ́ páʼ mía apū nzhó zīi, mɛ́ kuʼteé meshhʉ̄ lekua lā.

Mefaʼ Meziŋ-ntō 7:56

Etiɛn á lɛ mvēŋne, ńdé ŋ́gɛ: «Pɛ ecʉte njʉ́ɔ, meŋ á ega njʉ́ɔ mbɔ lephū é tsɔ́ʼɔ ntshí, Méŋ‑Ŋiŋnɔŋ á tshí á ŋkɔʼɔ́ apū ete Ndém. »

Menjʉɔ te lí 1:10

Á lɛ amɔ̄ʼ aleʼé alāʼ Atsyapuɔ, Azwakne Ndém á shʉʼ ŋkó ánɛ meŋ, meŋ júʼ mmɔʼ ntenté ŋghi, páʼ ŋghi ntaŋ lā, é gɔ́ á nzem meŋ eshúŋnɛ.

Menjʉɔ te lí 1:12

Meŋ mbēkne nnɛ̄t, ŋ́gɔ̄ á njʉ́ɔ á ŋiŋ yīi a shúŋnɛ á mbū meŋ. Ḿbēkne nnɛ̄t épúp, ńjʉ́ɔ ecū mīi mɛ́ tshíɛ meláam éwú. Etsō mɛ́t é tshíte á esī esambīa, mbɔ mɛ́ le lɔ̄k á gɔ́ɔl tɛ́ ncūŋte, meláam é tshíte éwú.

Menjʉɔ te lí 1:19

Púp, tí ajū mīi o ó jʉ́ɔ, mbɔɔ ajū mīi, á si ntɔ́kɔ tsetsɔŋɔ, mbɔɔ azi a páte.

Menjʉɔ te lí 11:12

Wɔ tswi‑ŋke mémpīa mɛ́t, é júʼ mmɔʼ ŋghi teté, é fhó á lephū, ńdé mé pɔ́p ŋ́gɛ: «Pɛ ekɔ́ʼ eshʉ̄ʼ mé ega. » Pɔ́ gē ekɔ́ʼ mé lephū, alɔ á zémne á wɔ́p, megaŋ mbo pɔ́p é nɔŋ ncʉ̄ʉ á wɔ́p.

Menjʉɔ te lí 11:19

Ŋ́gūʼte á Ndém tɛ nzáʼ, Mía Ŋgyā Ndém á athʉ́ lephū á tsɔ́ʼɔ ntshí, akʉp eka á ŋwak á ntē éwú, mɛ́ lɛ njʉ́ɔ, meŋŋí mbeŋ é ŋwaŋ, ńjúʼ meŋghi, ńjúʼ lefaŋ á levɛ̄tte, esī atsetsáʼ é pú ncʉ̄ʼne, mewɛ tɛ nzáne é pú ŋgwhʉ̄.

Menjʉɔ te lí 16:17

Cɔʼ Ndém mbáte esambīa, á fuʼte ezi ndɔ̄ŋ ánɛ efwɔ̄k, mmɔʼ ŋghi teté é fhó á Mía Ŋgyā Ndém á lephū, mé ajʉʼ akɔʼ lefɔ, ńdé ŋ́gɛ: «Á pú nzōko. »

Menjʉɔ te lí 19:11

Meŋ ndɛ̄ɛ njʉ́ɔ, lephū é tsɔ́ʼɔ ntshí, ńjʉ́ɔ á féfhɔ́ lʉ́ɔ́ á ŋwak, ŋiŋ yīi a naáŋ á ndo éwú, lezēŋ tsí é gɔ́ lɛ Te sɛt‑nzem, mbɔɔ lɛ Nziŋ‑ndeŋ ndeŋ, a lɔɔ̄k á ndeŋ ndeŋ tɛ́ ndʉɔ́ʼ ncu, ńzéŋ ndɔ̄k á ndeŋ ndeŋ tɛ nzáʼ ntsaŋ.

Menjʉɔ te lí 22:6

Cɔʼ Ndém, á zéŋ ndé á mbū meŋ ŋ́gɛ: «Meshuŋne muɔ, é ajʉʼ éwú ŋgɔ́ épúp, ŋ́gɔ́ á anuúnē. Atsyapuɔ Ndém páʼ a le yá Azwakne zí á mbū metswi‑ŋke pí lā, a le tó á cɔʼ yi á mbū wɔ júʼ‑nchu yí ŋ́gɛ, a eshʉʼ ntswī á wɔ́p ajū mīi, a pɔŋteé á leshʉʼ, tɛ á cʉʼɛ́ eshʉʼ shʉʼe. »