Menjʉɔ te lí 3:3 - Eka Eswhī

³ Púp, kímte ashuŋne Ndém zīi, mɛ́ le ziʼné á wú, mbɔɔ ntií zīi, o le lɔ̄k njúʼ, ńzīŋ páʼ á si ndʉ́ɛ́ épúp, ŋ́gɔ̄ nnɛ̄t ju, ŋ́gwáʼ atswhī tepɔŋ jú. O líi, mbɔ meŋ a veŋne, éshʉʼ páʼ ntsɔ́ŋ lā, tɛ o ó le zhɛ́ á afʉʼ zīi, meŋ á shʉʼ ɛ́

Menjʉɔ te lí 3:3 Iomraidhean Croise

Matío 25:13

Yɛɛ́so á ge emakne ndé ŋ́gɛ, pɛ egē enáŋ, ńnɔŋ mbípɛ, melaʼ mīi, pɛ te si nzhɛ́ɛ kɛ aleʼé lɛ́ɛ, kɛ njhʉ̄ lɛ́ɛ, ézi meŋ a a fú ezéŋ eshʉʼ ɛ́.

Málkúsi 13:33

Páʼ pɛ ka zhɛ́ afʉʼ zīi, menu mɛ́t e shʉʼ egɔ́ɔ lā, pɛ elāk athū zɛ́, ndɛ́ʼ ŋiŋ á lí.

Málkúsi 13:36

Ndɛ́ʼ á ge etɔ́kne á wɛ́, pɛ enɔ̄ɔŋ ndíi.

1 Tesalonik 5:2

Pɛ méŋwɛ̄t é si nchʉ́ɛ nnɛ̄t nzhɛ́ɛ á légɛ, a láʼ aleʼé zīi Atsyapuɔ a piŋɛ nzem, a etɔ́kne epuɔ, páʼ ntsɔ́ŋ a tɔ́knɛ á ŋiŋ etsōʼ lā.

1 Timotɛ 6:20

Timotɛ ga, pá á wú á lelɔk ajū mīi, Ndém a ke tsekné á mbū wu, ŋghʉ̄ mega. Pá meshuŋne mīi é cʉ́ʼɛ á letswīte á ŋiŋ, é tɔʼ epuɔ á lefɛ̄ nnɛ̄t ŋgyá á mbū Ndém. Ḿbá meshuŋne mīi, epuɔ é gē eshúŋ, ńnɔŋ ŋkwāŋa ŋ́gɛ, ashuŋne megaŋ azhɛ̄‑anu.

2 Timotɛ 1:13

Cʉ́ʼ, meshuŋne mīi é ke tó á nchu meŋ, ŋ́gɔ́ á anuúnē, e egɔ́ efʉʼ á mbū wu, á lelɔk nzíʼne emɔ̄ʼ epuɔ. Ŋ́gē ezíʼne epuɔ, ńnɔŋ efíɛ́ nnɛ̄t ŋgyáa á mbū Yɛɛ́so Klísto, ŋ́kɔ̄ŋ epuɔ melaʼ mīi, o lɛtneē ánɛ yí.

Eble 2:1

Páʼ á ké ŋgɔ́ páʼa lā, ḿpɛ pɔŋteé á lekūʼte ŋke yīi, ḿpɛ ke júʼē, tɛ é te. Tɛ á té épúp ɔ́, mbɔ ḿpɛ e fa nzhɛ.

2 Piɛ 1:13

Meŋ á ké njʉ́ɔ ŋ́gɛ, á ndeŋ ndeŋ á mbū meŋ, á gá lezɛ̄t á ndo esī atsetsáʼ ega páʼa, ŋ́kímte á wɛ́ emuɔ menu mɛ́t, ńdɔk nzīɛ á wɛ́.

2 Piɛ 3:1

Mepɔŋ mesoó pá, ajʉɔ á páʼa, ŋ́gɔ́ akɛtte mbáte pīa zīi, meŋ túɔ́ á mbū pɛ. Ánɛ mekɛtte muɔ mɛ́t mɛ́mbīa, meŋ nɔ̄ɔŋ nzīɛ leghi tsɛ́, ŋ́gɛ pɛ ewɛ̄ akwaŋte mbɔŋ ánɛ ajū mīi, mɛ́ ke ziʼné á wɛ́.

2 Piɛ 3:10

Aleʼé zīi Atsyapuɔ a shʉʼɛ, a eshʉ̄ʼ páʼ ntsɔ́ŋ lā. Aleʼé mɛ́t, mɛ́ lɛ njʉ́ɔ, lephū e epú nzwɛ̄t lɛ wúuu, ḿmī. Mmók e epú ntɔ̄ ajūɔ tsem zīi, á éwú, tɛ a ecʉ́ʼ avhō. Esī atsetsáʼ ntsem pɔ́ ajūɔ tsem zīi á éwú, e epú ndákne.

Menjʉɔ te lí 16:15

Táʼ, Atsyapuɔ á lé ŋ́gɛ: «Awuɔ yīi meŋ á si shʉ̄ʼɛ páʼ ntsɔ́ŋ la. Eshhʉ̄ mbɔŋ a á si ŋgɔ́ á ŋiŋ yīi, meŋ a ge eshʉʼe, a enɔ̄ŋ le ndí í. Á ŋiŋ yīi menzhó é zɛɛ́t á mbe nnɛ̄t yí, á lɔkɔ te ŋkɔ̄ŋɔ á yí á leziŋ atseŋ te nzhó ɔ́, ḿbɔ́k á mɛ́ lejʉ̄ɔ á yí, esē é kú á yí. »

Menjʉɔ te lí 2:25

Ńdaʼ ŋ́gɛ, lefɛ̄ nnɛ̄t yīi pɛ wɛɛ̄, pɛ ekúʼte tɛ a etē, tɛ meŋ ndáʼ mbīŋ nzem.

Menjʉɔ te lí 2:5

Kímte ndéŋté yīi, o le tshí éwú, tɛ́ efhó éwú ŋgwhʉ̄ á esī. Ŋ́gɔ̄ nnɛ̄t ju, ŋ́gwáʼ atswhī tepɔŋ jú, ńcʉ́ʼɛ ŋghʉ̄ɛ áa mefaʼ mīi, o lɛɛ́ nzi ŋghʉ̄ɛ efʉʼ mvhɔ. Tɛ ŋgɔ́ te épúp ɔ́, mbɔ meŋ a shʉʼ shʉʼe, ékú á ajū mīi o tshíɛ á láam wu éwú. O gɔ́ te gɔ̄ nnɛ̄t ju, ŋ́gwáʼ atswhī tepɔŋ jú ú, mbɔ meŋ a shʉʼ eghʉ épúp.

Menjʉɔ te lí 22:7

Cɔʼ Ndém, á zéŋ ndé ŋ́gɛ: «Yɛɛ́so a á si ndʉ́ɛ́ ŋ́gɛ: awuɔ yīi, meŋ cʉʼɛ́ eshʉʼ eshʉʼ lā. Eshhʉ̄ mbɔŋ á si ŋgɔ́ á ŋiŋ yīi, a á si nzīŋɛ páʼ ŋke wuɔ yīi, Ndém a le tswī á ntē aŋwaʼne jʉɔ, é si ndʉ́ɛ́ épúp. »

Menjʉɔ te lí 3:11

Á cʉ́ʼ ŋgʉɔ mbīa, meŋ eshʉ̄ʼ. Lefɛ̄ nnɛ̄t yīi o wɛɛ̄, kúʼtɛ tɛ e etē, tɛ ŋiŋ a á le kūʼ á levɛ̄ne á wú, á leta á lezēŋ Ndém ɛ́.

Menjʉɔ te lí 3:19

Meŋ cɔɔ́k epuɔ metsem pīi, meŋ kɔɔ̄ŋ á wɔ́p, ńtswá á wɔ́p mbɔɔ tswaá. Ké ŋkāk ete ánɛ lefɛ̄ nnɛ̄t, ŋ́gɔ̄ nnɛ̄t ju, ŋ́gwáʼ atswhī tepɔŋ jú.

Menjʉɔ te lí 3:2

Te zéŋ ndí, kúʼte á méŋ agáʼ lefɛ̄ nnɛ̄t yīi, a á ntē wu, ńcʉ́ʼɛ ŋgɔ̄ áa ŋkwhʉ́ɛ, tɛ a etē. Meŋ ndʉ́ɛ́ épúp melaʼ mīi, meŋ ka jʉ́ɔ, mefaʼ mú, é gɔ́ mbɔŋ tɛ mbɔŋ, á mvhɔ Ndém ga á.