Menjʉɔ te lí 3:2 - Eka Eswhī

² Te zéŋ ndí, kúʼte á méŋ agáʼ lefɛ̄ nnɛ̄t yīi, a á ntē wu, ńcʉ́ʼɛ ŋgɔ̄ áa ŋkwhʉ́ɛ, tɛ a etē. Meŋ ndʉ́ɛ́ épúp melaʼ mīi, meŋ ka jʉ́ɔ, mefaʼ mú, é gɔ́ mbɔŋ tɛ mbɔŋ, á mvhɔ Ndém ga á.

Menjʉɔ te lí 3:2 Iomraidhean Croise

Matío 23:5

Ajūɔ tsem zīi pɔ́ é si ŋghʉ̄ɛ, pɔ́ lɔkɔ efāʼa ŋghʉ̄ áa lɛ mɛ́ ejʉ́ɔ á wɔ́p. Á epúp tɛ́ pɔ́ ghʉʉ̄ azɔ́p atūʼ ashuŋne Ndém, á tswhi efáŋ. Á zéŋ ŋgɔ́ épúp tɛ́, pɔ́ ghʉʉ̄ melē nzhó mɔ́p, é tswhi esāk.

Matío 25:13

Yɛɛ́so á ge emakne ndé ŋ́gɛ, pɛ egē enáŋ, ńnɔŋ mbípɛ, melaʼ mīi, pɛ te si nzhɛ́ɛ kɛ aleʼé lɛ́ɛ, kɛ njhʉ̄ lɛ́ɛ, ézi meŋ a a fú ezéŋ eshʉʼ ɛ́.

Matío 25:7

Epɔ̄ ŋgɔ pwɔ̄ legēm é júʼ épúp, ḿbú ndū á esī metsem, ḿbɛ́tte meláam pɔ́p.

Mefaʼ Meziŋ-ntō 18:23

Ŋ́kó éwú, ńnáʼ nzi nnáŋ, tɛ́ nzéŋ ŋgʉ̄ɔ á leziŋ. Ńnɔŋ ntɔ́ktɛ ánɛ metésɔŋ á ntē apak ŋgɔŋ Ŋgalati pɔ́ Fliji, ńtswíʼtɛ epuɔ Yɛɛ́so metsem ánɛ lefɛ̄ nnɛ̄t.

1 Piɛ 4:7

A lɛɛ̄ nzɛ́t áa méŋ agáʼ afʉʼ lɛ, akʉ̄ɛ akʉ̄ɛ zīi á ŋgɔŋ ega lɛ́, a epú mmī. Melaʼ épúp tɛ́, ndɛ́ʼ leghi tsɛ́ é kʉ, pɛ ekúʼte nnɛ̄t zɛ, ńdɔk mbɔ́k azō á levɛ̄ne á wɛ́ á leswīŋte Ndém.

1 Piɛ 5:8

Ndɛ́ʼ pɛ ecʉ́ʼ, azō á kʉɛtɛ leghi tsɛ́. Ndɛ́ʼ pɛ elí. Sɛ́ta, á ŋgaŋ mbo wɛ, a á lezēŋ pɛ efʉʼ metsem, ŋ́kɛ́nnɛ efāʼa á ŋiŋ yīi, a a sɛt á yí. A á si ŋkɛ́nnɛ páʼ na nzwi yīi, a gaʼtɛ ŋkɛ́nnɛ efāʼa ajū mīi, a gʉɔ mé mpfɛ́tɛ lā.

Menjʉɔ te lí 16:15

Táʼ, Atsyapuɔ á lé ŋ́gɛ: «Awuɔ yīi meŋ á si shʉ̄ʼɛ páʼ ntsɔ́ŋ la. Eshhʉ̄ mbɔŋ a á si ŋgɔ́ á ŋiŋ yīi, meŋ a ge eshʉʼe, a enɔ̄ŋ le ndí í. Á ŋiŋ yīi menzhó é zɛɛ́t á mbe nnɛ̄t yí, á lɔkɔ te ŋkɔ̄ŋɔ á yí á leziŋ atseŋ te nzhó ɔ́, ḿbɔ́k á mɛ́ lejʉ̄ɔ á yí, esē é kú á yí. »

Menjʉɔ te lí 2:4

Táʼ, o wɛɛ̄ á taʼ alɔ́ʼ yīi, meŋ gɔ á eshúŋ wu, á gɔ́ á légɛ, o te zɛ́ ŋkɔ̄ŋɔ á gá páʼ, o lɛɛ́ ŋkɔŋɔ á gá épúp ɔ́.

Menjʉɔ te lí 3:1

Tí á mbū cɔʼ Ndém yīi, a cʉtɛ alúŋ epuɔ Yɛɛ́so zīi, á tésɔŋ Saadɛs ŋ́gɛ: «Ŋiŋ yīi a wɛɛ̄ ezwakne esambīa tsīi, é faʼa á mbū Ndém, ńzéŋ ŋgwɛ̄ mecɔʼ saŋ esambīa, a á si ndʉ́ɛ́ ŋ́gɛ: Meŋ á si nzhɛ́ɛ mefaʼ mú. Epuɔ é si ndʉ́ɛ́ ŋ́gɛ o ó nte, káʼā mbɔ o lē ŋkhwʉ́.

Menjʉɔ te lí 3:3

Púp, kímte ashuŋne Ndém zīi, mɛ́ le ziʼné á wú, mbɔɔ ntií zīi, o le lɔ̄k njúʼ, ńzīŋ páʼ á si ndʉ́ɛ́ épúp, ŋ́gɔ̄ nnɛ̄t ju, ŋ́gwáʼ atswhī tepɔŋ jú. O líi, mbɔ meŋ a veŋne, éshʉʼ páʼ ntsɔ́ŋ lā, tɛ o ó le zhɛ́ á afʉʼ zīi, meŋ á shʉʼ ɛ́