Menjʉɔ te lí 2:2 - Eka Eswhī

² Meŋ á si nzhɛ́ɛ mefaʼ mú, ńnɔŋ nzhɛ́ɛ ŋgʉɔ̄ʼ zīi, o ó si njʉ́ɔ éwú, ńnɔŋ nzhɛ́ɛ páʼ o ó si ŋkāka ete ánɛ mefaʼ mɛ́t. Ńnɔŋ nzhɛ́ɛ páʼ, o gɔ le véŋ á légɛ, pɛ a wɔ fʉʼte‑menu tepɔŋ, e enáŋ á. O ke zwíʼ epuɔ pīi, pɔ́ é si ŋ́gɛ pɔ́ é meziŋ‑ntō, mbiŋ nzī te epiɛ́ ɛ́, ńjʉ́ɔ pɔ́ gɔ́ áa wɔ táŋ‑mela.

Menjʉɔ te lí 2:2 Iomraidhean Croise

Matío 7:23

Meŋ ndɛ ndé á mbū pɔ́p ŋ́gɛ: “Meŋ ndaá nzi ŋgɔ́ aleʼé, ńjʉ́ɔ á wɛ́ ɛ́. Pɛ efhó á lezēŋ meŋ ŋgʉ̄ɔte, pɛ wɔ fʉʼ‑mele anu.”

Jáaŋ 6:6

A le gē elé épúp, ńdɔkɔ nzwíʼɛ á Fílíio, ŋ́gɔ̄ á njʉ́ɔ páʼ a a ghʉ épúp. Yí méŋwɛ̄t é nɔŋ nzhɛ́ɛ páʼ, yí gɔ eghʉ épúp.

Galat 1:7

Meŋ eké eshúŋ á wɛ́, mmɔʼ ŋke mbɔŋ ndɛʼɛ é zi te éwú ú. A cʉ́ʼɛ épúp, mbɔ emɔ̄ʼ epuɔ mé si efāʼa á lemaʼ atāk á nnɔ pɛ, ńnɔŋ ŋkɔ̄ŋɔ á wɔ́p á lekūmne ŋke mbɔŋ yīi é cʉteē á Klísto.

Efɛze 4:14

Ajɔ̄ afʉʼ, ḿpɛ é le zɛ́t ewɔŋkhʉ̄ ɛ́. Epuɔ pīi é táŋa mela, pɔ́ le zéŋ ndɔ̄k anu zīi, pɔ́ zíʼnɛ epuɔ, ŋ́ghʉ̄ ḿpɛ fāa nzhɛ ɛ́. Pɔ́ le zéŋ ndɔ̄k á yímpɛ ŋgáne, páʼ ntshi é lɔkɔ azaŋné akɛnūʼ, ŋ́gánɛ lá á.

1 Tesalonik 1:3

Pek tshií á mvhɔ Mɔʼɔ́ yímpɛ Ndém tɛ́ eswíŋtɛ épúp, ńnɔŋ ŋkímtɛ ajū mīi, lefɛ̄ nnɛ̄t wɛ ŋgyá á mbū yí, a le tshoné á wɛ́, pɛ ghʉ̄ʉ. Ńzéŋ nnɔŋ ŋkímtɛ páʼ, ŋkɔŋne zīi pɛ wɛ̄ɛ, e le tshoné á wɛ́, pɛ ghʉ̄ʉ afaʼ, ńdɔk ntswíte emɔ̄ʼ epuɔ. Ńnɔŋ ŋkímtɛ páʼ, pɛ é si nnéŋɛ ntē té ká, ńzwíʼtɛ ajū mīi, Ndém a le laʼnēē. Á gɔ́ lɛ: Atsyapuɔ yímpɛ Yɛɛ́so Klísto, a a láʼ ezéŋ epiŋ nzem.

1 Tesalonik 5:21

Pɛ echʉ́ nnɛ̄t ntsāʼ akʉ̄ɛ akʉ̄ɛ, ńjʉ́ɔ á azi mbɔŋ, ŋ́kúʼte.

2 Timotɛ 2:19

Táʼ, epuɔ pīi pɔ́ le fɛ́ nnɛ̄t ŋgyá á mbū Yɛɛ́so, pɔ́ teē páʼ kwaʼ atsék zīi, Ndém mé le nɔ̄ŋŋ̄, azō á gɔ le wɔ́p nʉʼne. Mɛ́ tií ánɛ atsék mɛ́t ŋ́gɛ: «Atsyapuɔ a zhɛɛ́ epuɔ pí». Mɛ́ zeéŋ ntí éwú ŋ́gɛ: «Ŋiŋ a nɔŋ ndʉ́ɛ́ ŋ́gɛ yí lɛtneē ánɛ Atsyapuɔ, á kʉ á mɛnzhɛ tepɔŋ. »

Eble 6:10

Ndém a á páʼā, ḿbú ŋgɔ́ áa ŋiŋ ndeŋ ndeŋ. A gɔ le lēkne afaʼ mbɔŋ zɛ́ ɛ́. Pɛ le gē etswi á légɛ, pɛ kɔɔ̄ŋ á yí, ŋ́ghʉ̄ afaʼ, ńdɔ̄k ntswíte epuɔ pí. Pɛ é tsetsɔŋɔ, ńzéŋ nzɛ́t ŋ́ghʉ̄ ghʉ.

1 Jáaŋ 4:1

Mepɔŋ mesoó pá, ndɛ́ʼ ŋiŋ á lɛ ŋgē égɛ, Azwakne Ndém á ánɛ yí, pɛ lɛ mvéŋ véŋ. Ŋiŋ a lʉ́ɛ́ épúp, pɛ echʉ́ nnɛ̄t, ńtsāʼ á mbɔŋɔ́, ńjʉ́ɔ kɛ Azwakne Ndém á zi ŋgɔ́ ánɛ yí lɛ́ɛ. Meŋ ndʉ́ɛ́ páʼa melaʼ mīi, wɔ táŋ‑mela ŋ́gɛ, pɔ́ é metswi‑ŋke Ndém, é kʉʉ̄ŋ ŋkó tɛ ŋgɔŋ é ló.

Menjʉɔ te lí 2:5

Kímte ndéŋté yīi, o le tshí éwú, tɛ́ efhó éwú ŋgwhʉ̄ á esī. Ŋ́gɔ̄ nnɛ̄t ju, ŋ́gwáʼ atswhī tepɔŋ jú, ńcʉ́ʼɛ ŋghʉ̄ɛ áa mefaʼ mīi, o lɛɛ́ nzi ŋghʉ̄ɛ efʉʼ mvhɔ. Tɛ ŋgɔ́ te épúp ɔ́, mbɔ meŋ a shʉʼ shʉʼe, ékú á ajū mīi o tshíɛ á láam wu éwú. O gɔ́ te gɔ̄ nnɛ̄t ju, ŋ́gwáʼ atswhī tepɔŋ jú ú, mbɔ meŋ a shʉʼ eghʉ épúp.

Menjʉɔ te lí 2:6

Táʼ, ajū mīi meŋ á ké njʉ́ɔ ŋ́gɛ, o ó éwú nnɔŋ ŋghʉ̄ɛ á mbɔŋɔ́, á si ŋgɔ́ páʼ, ŋghʉʉ́‑menu epuɔ nnɔ yīi, mɛ́ tɔ́ŋɔ lɛ Nikolayit, é si mbékɛ á wú, páʼ é pékɛ á gá azá épúp.

Menjʉɔ te lí 2:9

Meŋ á si nzhɛ́ɛ ŋgʉɔ̄ʼ ju, ńnɔŋ nzhɛ́ɛ páʼ o ó ntē mbūŋ. Táʼ, o ké ŋgɔ́ á ŋgaŋ azō. Meŋ á si nzhɛ́ɛ nzɔ zīi, epuɔ pīi pɔ́ é si ŋ́gɛ, pɔ́ é epuɔ Yúda, ńdɔkɔ ntaŋá mela, é si ndɔ̄kɔ nzɔ̄ɔ á wú. Pɔ́ é si ŋgɔ́ nnɔ epuɔ pīi, pɔ́ wuʼtɛ á Sɛ́ta.

Menjʉɔ te lí 3:1

Tí á mbū cɔʼ Ndém yīi, a cʉtɛ alúŋ epuɔ Yɛɛ́so zīi, á tésɔŋ Saadɛs ŋ́gɛ: «Ŋiŋ yīi a wɛɛ̄ ezwakne esambīa tsīi, é faʼa á mbū Ndém, ńzéŋ ŋgwɛ̄ mecɔʼ saŋ esambīa, a á si ndʉ́ɛ́ ŋ́gɛ: Meŋ á si nzhɛ́ɛ mefaʼ mú. Epuɔ é si ndʉ́ɛ́ ŋ́gɛ o ó nte, káʼā mbɔ o lē ŋkhwʉ́.

Menjʉɔ te lí 3:15

meŋ á si nzhɛ́ɛ mefaʼ mú. Meŋ á si nzhɛ́ɛ á légɛ, o te lōo, o te ŋwɛ̄ɛ. Meŋ á si ŋké ntsáa ŋ́gɛ, o elō, ká ŋ́gɛ, o eŋwɛ̄.

Menjʉɔ te lí 3:8

Meŋ á si nzhɛ́ɛ mefaʼ mú, ńnɔŋ nzhɛ́ɛ á légɛ, o wɛɛ̄ áa méŋ agáʼ mete, táʼ, ŋ́ké nnɔ̄ŋ nzīŋɛ páʼ ashuŋne zá á si ndʉ́ɛ́ épúp, o te gá puŋne. Awuɔ yīi meŋ á tsɔ́ʼ mmɔʼ nchu ŋgyā á mvhɔ wu lāa, ŋiŋ a piŋɛ ŋgɔ́, a á le kɛɛ.