Menjʉɔ te lí 13:3 - Eka Eswhī

³ Amɔ̄ʼ athū na mɛ́t, á gɔ́ páʼ mɛ́ nzáʼ tɛ á cʉ́ʼɛ ŋgɔ̄ áa ŋgwhʉɛ́ lā. Táʼ, mɛ́ lɛ mbɛ́t á mía mía eféŋ mɛ́t tɛ é te. Epuɔ metsem á ndo esī atsetsáʼ, é jʉ́ɔ épúp, á pɔŋ á wɔ́p tɛʼ, pɔ́ pú ntsé á nzem na mɛ́t.

Menjʉɔ te lí 13:3 Iomraidhean Croise

Lúkási 2:1

Á le gē egɔ́ afʉʼ mɛ́t, Ágúsi á gɔ́ ŋwɛ́t ŋgɔŋ Lóma. Á shʉʼ nnáŋ tɛ nnéŋ lepé ŋ́gɛ, mɛ́ epú esáŋ epuɔ metsem á ntē melāʼ mīi a pɔ́ŋŋ.

Jáaŋ 12:19

Epuɔ Falísia é jʉ́ɔ épúp, ńdé á tsetsɛlɛ pɔ́p ŋ́gɛ: «Pɛ ka jʉ́ɔ kɛ. Amɔ̄ʼ ajū mīi, ḿpɛ gɔ ezéŋ ŋghʉ̄, á té éwú ú. Pɛ ejʉ́ɔ páʼ, alāʼ ntsem á pú ŋgɔ́ á nzem yí.

Mefaʼ Meziŋ-ntō 8:13

Kwaʼ Simɔŋ yí méŋwɛ̄t á júʼ azí, ḿvéŋ, mɛ́ noʼ á yí á ntshi. Á fhó épúp, ńcʉ́ʼɛ nnáŋa áa lezēŋ akhu Fílíio, ńjʉ́ɔ meyiŋne pɔ́ meŋkʉʼne anu mīi, a lɔkɔ mete Ndém ŋghʉ̄ɛ, á kʉʼne á yí tɛʼ.

Menjʉɔ te lí 13:12

Ŋ́gwɛ̄ mete páʼ mvhɔ na wɔ̄ yīi, a le fhó á ntshi ntó lā, á lelɔk esáʼ epuɔ. Ŋ́gē esáʼe, mvhɔ na á tshí á ajʉʼ, ńnɔŋ njʉ́ɔɔ. Á ghʉ, wɔ náŋ á ndo esī atsetsáʼ metsem, é tswíʼte, ŋ́ŋɔ́ʼne tɛ ethū tsɔ́p é pfeŋ esī, ŋ́gūʼte mvhɔ na. Á na wɔ̄ yīi, mɛ́ mbɛ́t á mía mía eféŋ yi, tɛ é te lā.

Menjʉɔ te lí 13:14

Á lɔk meŋkʉʼne menu mīi, mɛ́ é yá á yí mete á lelɔk ŋghʉ̄, á mvhɔ mvhɔ na lā, ḿbɔ̄pte wɔ náŋ á ndo esī atsetsáʼ. Ńtshóne á wɔ́p á lekɔ̄ akeke, ńdɔk ŋghʉ̄ mekuʼ na wɔ̄ yīi, mɛ́ le lɔ̄k ŋŋí ncu, ńnéŋ á mía mía eféŋ ánɛ yí, mɛ́ zéŋ mbɛ́t tɛ é te lā.

Menjʉɔ te lí 17:10

Epi métáa á nnɔ pɔ́p é té zɛ́t, taʼ á náŋ ánɛ akɔʼ lefɔ, mmɔʼ taʼ á zɛ́t té shʉʼ. A a ké eshʉʼ shʉʼe, énáŋ ánɛ akɔʼ lefɔ, áa méŋ afʉʼ lɛ̄ɛ.

Menjʉɔ te lí 17:11

Na yīi a lɛ éwú, á piīŋ te zɛ́t lā, a á si ŋgɔ́ á efɔ mbáte lefaá. A á azí, á nnɔ epi emɔ̄ʼ mefɔ esambīa. A a shʉʼ epiŋ nzem, Ndém a eghʉ̄ a elákne.

Menjʉɔ te lí 17:13

Mefɔ puɔ mɛ́t legēm, é pú ŋgwɛ̄ áa taʼ akwaŋte. Á gɔ́ á lelɔk mete pɔ́ mbʉʼ zɔp, éfāʼ á mbū na.

Menjʉɔ te lí 17:17

Éghʉ épúp melaʼ mīi, Ndém á le néŋ á taʼ akwaŋte á ntē pɔ́p, á gɔ́ á wɔ́p á leghʉ ajū mīi, yí Ndém a á si ŋkwāŋtɛ, á gɔ́ á lesāʼ lefɔ, páʼ na a á si ŋkɔ̄ŋɔ, tɛ Ndém a eláʼ ŋghʉ̄, ashuŋne zí méŋwɛ̄t a epō.

Menjʉɔ te lí 17:6

Meŋ jʉ́ɔ á menzwí mɛ́t, mbɔ a á nnú metshi epuɔ tɛ mbía, métshi epuɔ Ndém, épuɔ pīi, pɔ́ shúŋɔ á ŋiŋ yīi, Yɛɛ́so a á ewiɛ́. Meŋ jʉ́ɔ á yí épúp, á pú ntsyā á gá tɛʼ.

Menjʉɔ te lí 17:8

Na yīi o ó jʉ́ɔ lā, a lɛ éwú, táʼ, a piīŋ te zɛ́t. A a shʉʼ efhó á ntē apeŋte, épe, Ndém a eghʉ̄ a elákne. Epuɔ menɔŋ á ndo esī atsetsáʼ pīi, Ndém a laá ntií nzēŋ mɔ́p á ntē aŋwaʼne nzēŋ epuɔ pīi, pɔ́ wɛɛ̄ lenāŋ leswhī, tɛ efhó páʼ, a le nɔ̄ŋ ŋgɔŋ ɔ́, e shʉʼ ejʉ́ɔ á na mɛ́t, anu a etsyā á wɔ́p, melaʼ mīi a lɛ éwú, éshʉʼ ŋkwhʉ́, a a fú ezéŋ eshʉʼe. »