Menjʉɔ te lí 1:4 - Eka Eswhī

⁴ Meŋ Jáaŋ, meŋ tíi akɛtte jʉɔ páʼa, á mbū meŋgyā alúŋ epuɔ Yɛɛ́so esambīa mīi, é apak ŋgɔŋ Azíi. Ŋ́gɛ Ndém yīi a á éwú, mbɔ a le zī ŋgɔ́ éwú, éláʼ ezéŋ eshʉʼe, a eghʉ̄ anu mbɔŋ té ndhʉ ánɛ pɛ, ńnéŋ apwɛne á ntē pɛ. Ŋ́gɛ ezwakne esambīa tsīi, é faʼa á mbū Ndém, ńtshíte á mvhɔ akɔʼ Lefɔ Ndém, e eghʉ̄ anu mbɔŋ té ndhʉ ánɛ pɛ, ńnéŋ apwɛne á ntē pɛ.

Menjʉɔ te lí 1:4 Iomraidhean Croise

Jáaŋ 1:1

Amɔ̄ʼ azō a le pú nzɛ́t té gɔ́ éwú, ŋiŋ yīi, mɛ́ tɔɔ́ŋ á yí lɛ Ashuŋne, á gɔ́ áa éwú. Ŋiŋ mɛ́t yīi, a á Ashuŋne lā, pɔ́ Ndém mé nnɔ. Ashuŋne mɛ́t á gɔ́ á Ndém.

Mefaʼ Meziŋ-ntō 19:10

Á ghʉ épúp ŋguʼ epīa, tɛ epuɔ pīi é puú ŋgɔ́ á apak ŋgɔŋ Azíi, pɔ́ epuɔ Yúda mbɔɔ epuɔ Glɛk, é pú njúʼ anu Atsyapuɔ.

Mefaʼ Meziŋ-ntō 2:9

Emɔ̄ʼ epuɔ é tsetsɛlɛ pímpɛ, mbɔ pɔ́ efhó á ŋgɔŋ Páat, emɔ̄ʼ é fhó á ŋgɔŋ Mɛdi pɔ́ Elam, mbɔɔ Mezopotami. Emɔ̄ʼ é zéŋ efhó á Yudéa pɔ́ Kapados mbɔɔ á Pɔ́ɔŋ, ŋ́ghʉ̄ á Azíi.

Lomɛŋ 1:7

Meŋ tíi akɛtte jʉɔ páʼa, á mbū pɛ epuɔ tésɔŋ Lóma metsem. Á wɛ́ pīi Ndém a kɔɔ̄ŋ á wɛ́, á wɛ́ pīi Ndém a le tɔ́ŋ á wɛ́, ŋ́gɛ pɛ egɔ́ epuɔ pí. Ŋ́gɛ Mɔʼɔ́ yímpɛ Ndém, pɔ́ Yɛɛ́so Klísto Atsyapuɔ yímpɛ, e elɛ ŋghʉ̄ anu mbɔŋ té ndhʉ ánɛ pɛ, ŋ́ghʉ̄ pɛ enáŋ mé apwɛne.

1 Kɔlɛŋte 1:3

Ŋ́gɛ Mɔʼɔ́ yímpɛ Ndém, pɔ́ Atsyapuɔ Yɛɛ́so Klísto, e eghʉ̄ anu mbɔŋ té ndhʉ ánɛ pɛ, ŋ́ghʉ̄ pɛ enáŋ mé apwɛne.

2 Kɔlɛŋte 1:2

Ŋ́gɛ Mɔʼɔ́ yímpɛ Ndém pɔ́ Atsyapuɔ Yɛɛ́so Klísto, e elɛ ŋghʉ̄ anu mbɔŋ té ndhʉ ánɛ pɛ, ŋ́ghʉ̄ pɛ enáŋ mé apwɛne.

Eble 13:8

Yɛɛ́so Klísto a te kúmne, a gɔ́ éyi a kɛ ezɔ́, ŋ́gɔ́ lɛ akɔ̄ lɛ́, mbɔ a á ayáʼa, ŋ́gɔ́ áa épúp, épiŋ enáŋa egɔ́ɔ áa épúp.

Jáak 1:17

Ajūɔ tsem zīi, á teē nzwiŋ, ńzéŋ ŋgɔ́ té alɔ́ʼ, á fhoó á lephū á mbū Ndém, á mbū Mɔʼɔ́ meŋkaʼ mīi é lephū, tɛ́ esóʼo. A te kúmne, a te sɛ̄t nnéŋ epuɔ á ntē nzém ɛ́.

Menjʉɔ te lí 1:1

Menu mīi é ntē aŋwaʼne jʉɔ, é si ŋgɔ́ menu mīi é lʉɔneē, mbɔ Yɛɛ́so Klísto a le tswī á mbū wɔ júʼ‑nchu Ndém. Ndém a le yá menu muɔ mɛ́t á mbū yí ŋ́gɛ, a elɔk ntswī á wɔ́p mecū mīi, é cʉ́ʼɛ eshʉʼ shʉʼe. Yɛɛ́so Klísto a le tó á cɔʼ yi, ŋ́gɛ a egʉɔ ntswī menu mɛ́t, á mbū ŋgaŋ afaʼ yi Jáaŋ.

Menjʉɔ te lí 1:11

Ńnɔŋ ndʉ́ɛ́ ŋ́gɛ: «Ajū mīi o ó si njʉ́ɔ, tí á ntē aŋwaʼne, ńtó ŋgyá á meŋgyā alúŋ epuɔ Yɛɛ́so esambīa. Ńdɔkɔ ndʉ́ɛ́ ánɛ metésɔŋ Efɛze, Smiine, Pɛɛgam, Tiatii, Saadɛs, Filadɛlfi mbɔɔ Laodisɛ. »

Menjʉɔ te lí 1:17

Meŋ nde jʉ́ɔ á yí épúp, ńdɛ ŋgwhʉ̄ á mekhu yí, páʼ apfhō azō lā. Á zápa apū ete zí ánɛ meŋ, ńdé ŋ́gɛ: «Te zéŋ mbɔ́k, meŋ á si ŋgɔ́ Nzií, ńzéŋ ŋgɔ́ Nzokó.

Menjʉɔ te lí 1:20

Ŋ́gɔ́ mé anu zīi, mecɔʼ saŋ esambīa pīi, o ó jʉ́ɔ meŋ ŋgwɛ ánɛ apū ete zá, mbɔɔ ecū mīi, mɛ́ le lɔ̄k á gɔ́ɔl ncūŋte, mɛ́ tshíɛ meláam éwú lā, é lɔkɔ ndʉ́ɛ́, mbɔ mecɔʼ saŋ esambīa é páʼā, ŋ́gɔ́ mecɔʼ Ndém pīi, é cʉtɛ meŋgyā alúŋ epuɔ Yɛɛ́so esambīa. Metsō esambīa mīi mɛ́ tshíɛ meláam éwú, é gɔ́ meŋgyā alúŋ epuɔ Yɛɛ́so esambīa.

Menjʉɔ te lí 1:8

Atsyapuɔ Ndém a leé ŋ́gɛ: «Meŋ á si ŋgɔ́ á Alfa, ŋ́gɔ́ á Omega, ńdɔkɔ ndʉ́ɛ́ nzií, ńzéŋ ŋgɔ́ nzokó. Ŋ́gɔ́ ŋiŋ yīi a á éwú mbɔ a le zī ŋgɔ́ éwú, éláʼ ezéŋ eshʉʼe. Ŋ́gɔ́ á Atsyantsɔp.

Menjʉɔ te lí 1:9

Meŋ Jáaŋ méŋ mɔ́ wɛ, ńdɛ̄tne ánɛ Yɛɛ́so páʼ pɛ lā, meŋ á si njʉ́ɔ azá ŋgʉɔ̄ʼ páʼ pɛ lā, ńnɔŋ ŋŋíŋɛ azá á ntē Lefɔ Ndém. Mɛ́ le lɔ̄k á gá ŋgʉ̄ɔ mé Patmos, álāʼ, ntshi é kɛ́nne nnéŋ á esɔŋ, ńdɔ̄kɔ á gá ŋgʉɔ épúp, melaʼ ashuŋne Ndém zīi, meŋ kuʼtéē, mbɔɔ melaʼ anu Yɛɛ́so zīi, meŋ shúŋɔ.

Menjʉɔ te lí 16:5

Meŋ júʼ cɔʼ Ndém yīi, a pɔɔ́ŋ mete ánɛ mentshi, á lé á mbū Ndém ŋ́gɛ: «O ó Ndɔk‑ndeŋ ndeŋ ŋghʉ̄ menu, wu yīi, o éwú, mbɔ o le zī ŋgɔ́, wu mé ndaʼ Ndém, o ó tswi á légɛ, o ó ŋiŋ ndeŋ ndeŋ.

Menjʉɔ te lí 2:12

Tí á mbū cɔʼ Ndém yīi, a cʉtɛ alúŋ epuɔ Yɛɛ́so zīi, á tésɔŋ Pɛɛgam ŋ́gɛ: «Ŋiŋ yīi a wɛɛ̄ ŋŋí ncu é swíne, ńdó meshhʉ̄ mbīa, a á si ndʉ́ɛ́ ŋ́gɛ:

Menjʉɔ te lí 2:18

Tí á mbū cɔʼ Ndém yīi a cʉtɛ alúŋ epuɔ Yɛɛ́so zīi, á tésɔŋ Tiatii ŋ́gɛ: «Méŋ Ndém, á ŋiŋ yīi menēk mí é kɛʼɛ̄ ejʉʼ páʼ melē mmók lā, mekhu mí é ŋwaŋne páʼ mmɔʼ ntií atʉɛ́ zīi, mɛ́ tok lā, a á si ndʉ́ɛ́ ŋ́gɛ:

Menjʉɔ te lí 2:8

Tí á mbū cɔʼ Ndém yīi, a cʉtɛ alúŋ epuɔ Yɛɛ́so zīi, á tésɔŋ Smiine ŋ́gɛ: «Ŋiŋ yīi a á Nzií, ńzéŋ ŋgɔ́ Nzokó, á ŋiŋ yīi a le kwhʉ́ʉ̄, ḿbiŋ nzím ánɛ lewhʉ̄, a á si ndʉ́ɛ́ ŋ́gɛ:

Menjʉɔ te lí 22:16

Yɛɛ́so á zéŋ ndé ŋ́gɛ: «Meŋ nde tó á cɔʼ ga ŋ́gɛ, a eshʉʼ ntswī ŋke wuɔ, á mbū pɛ pīi, pɛ é ntē meŋgyā alúŋ epuɔ Yɛɛ́so. Meŋ á si ŋgɔ́ atɔ̄p, ánɛ ndhu Ndavít. Ŋ́gɔ́ á cɔʼ saŋ yīi, a ŋwaŋnɛ, ḿbhʉ́ɛ melanjhʉ̄. »

Menjʉɔ te lí 22:8

Meŋ Jáaŋ, meŋ nde júʼ menu mɛ́t, ńzéŋ njʉ́ɔ. Ńjúʼ, ńzéŋ njʉ́ɔ épúp, ńtswíʼte á mekhu cɔʼ Ndém yīi, a ke nɔ̄ŋ ntswii á gá menu mɛ́t, ŋ́ŋɔ́ʼne tɛ athū zá á pfeŋ esī, ŋ́gɔ̄ á ŋguʼté á yí.

Menjʉɔ te lí 3:1

Tí á mbū cɔʼ Ndém yīi, a cʉtɛ alúŋ epuɔ Yɛɛ́so zīi, á tésɔŋ Saadɛs ŋ́gɛ: «Ŋiŋ yīi a wɛɛ̄ ezwakne esambīa tsīi, é faʼa á mbū Ndém, ńzéŋ ŋgwɛ̄ mecɔʼ saŋ esambīa, a á si ndʉ́ɛ́ ŋ́gɛ: Meŋ á si nzhɛ́ɛ mefaʼ mú. Epuɔ é si ndʉ́ɛ́ ŋ́gɛ o ó nte, káʼā mbɔ o lē ŋkhwʉ́.

Menjʉɔ te lí 3:14

Tí á mbū cɔʼ Ndém yīi, a cʉtɛ alúŋ epuɔ Yɛɛ́so zīi, á tésɔŋ Laodisɛ ŋ́gɛ: «Ŋiŋ yīi lezēŋ tsí lɛ Á épúp, á kwaʼ ŋiŋ yīi a tswii á légɛ, anu Ndém á anuúne. Á ŋiŋ yīi Ndém a le lɔ̄k á yí tɛ́ nnɔ̄ŋ ŋgɔŋ, a á si ndʉ́ɛ́ ŋ́gɛ:

Menjʉɔ te lí 3:7

Tí á mbū cɔʼ Ndém yīi, a cʉtɛ alúŋ epuɔ Yɛɛ́so zīi, á tésɔŋ Filadɛlfi ŋ́gɛ: «Ŋiŋ yīi a fhɔ́ɔ á mbū Ndém, ŋ́gɔ́ á ŋgaŋ anuúne, ŋ́gwɛ̄ á kí Efɔ Ndavít, ŋ́gɔ́ á ŋiŋ yīi a tsɔ́ʼɔ, ŋiŋ a á le kɛ̄ɛ, ŋ́kɛ̄, ŋiŋ a á le tsɔ́ʼ, a á si ndʉ́ɛ́ ŋ́gɛ:

Menjʉɔ te lí 4:5

Ŋŋí mbeŋ pɔ́ meŋghi epuɔ mbɔɔ lefaŋ, é nɔŋ efhɔ́ɔ ánɛ akɔʼ lefɔ mɛ́t ntúɔ́. Meláam esambīa é tshíte á mvhɔ akɔʼ lefɔ mɛ́t, ńnɔŋ ŋkhʉ́ɛ, ńdūɔ́ lɛ swaŋ swaŋ swaŋ, ŋ́gɔ́ ezwakne esambīa tsīi é faʼa á mbū Ndém.

Menjʉɔ te lí 4:8

Ewiɛ́ na lɛ́, á nnɔ mena lekua pwɔ̄, a le wɛ̄ membap ntokó, menēk é gɔ́ ánɛ nzem ŋkɔŋ mbɔɔ ánɛ nzem ntsēŋ. Pɔ́ nɔŋ nzɔ̄pɔ ezokó pɔ́ etsōʼ té ká ŋ́gɛ: «Atsyapuɔ Ndém, Atsyantsɔp, a á te alɔ́ʼ, a á te alɔ́ʼ, a á te alɔ́ʼ. A á si ŋgɔ́ á ŋiŋ yīi, a le zī ŋgɔ́, á ŋiŋ yīi a éwú, ńzéŋ ŋgɔ́ á ŋiŋ yīi a a láʼ ezéŋ eshʉʼe. »

Menjʉɔ te lí 5:6

Meŋ zéŋ njʉ́ɔ á Mɔ́ Njʉnjhʉ, á tshí á legʉ̄ŋ akɔʼ lefɔ, melák meféŋ mīi, mɛ́ le lɔ̄k nzwhí á yí, é gɔ́ ánɛ yí, mena pwɔ̄ lekua pɔ́ epɔ̄ melʉɛ é tʉɔ́ʼte á yí. Mendɔ̄ŋ é gɔ́ á athū Mɔ́ Njʉnjhʉ mɛ́t esambīa, á wɛ menēk esambīa. Menēk esambīa mɛ́t é gɔ́ ezwakne esambīa tsīi, é faʼa á mbū Ndém, mbɔ Ndém a le tó á ndo esī atsetsáʼ ejʉʼ tsem.

Menjʉɔ te lí 8:2

Meŋ jʉ́ɔ mecɔʼ Ndém esambīa pīi, é gɛ ntshítɛ á mvhɔ yí, mɛ́ yá mentaŋ esambīa á mbū pɔ́p.