Menjʉɔ te lí 1:3 - Eka Eswhī

³ Eshhʉ̄ mbɔŋ a á si ŋgɔ́ á ŋiŋ yīi, a á tɔ́ŋ aŋwaʼne jʉɔ. Meshhʉ̄ mbɔŋ é si ŋgɔ́ epuɔ pīi, pɔ́ juúʼ anu zīi, á tó á nchu Ndém, ḿbiŋ nzīŋ páʼ á si ndʉ́ɛ́, melaʼ mīi afʉʼ zīi, menu mɛ́t é gʉɔ mé ntɔ́kɔ, á tshóne tɛ mbáte.

Menjʉɔ te lí 1:3 Iomraidhean Croise

Matío 24:15

Ntɔŋɔ ajʉʼ aŋwaʼne jʉɔ, a echʉ́ nnɛ̄t njúʼ. Yɛɛ́so á zéŋ ndé ŋ́gɛ: «Pɛ shʉʼɛ njʉ́ɔ mbɔ mɛ́ ŋghʉ̄ anu avhō, á ntē Mía Ŋgyā Ndém, tɛ á nɔ̄ŋ efāŋnɛ ejʉʼ páʼ, ntswi‑ŋke Ndém Ndanía a lɛɛ́ ndʉ́ɛ́ lā,

Lúkási 11:28

Yɛɛ́so á pwɛt ndé ŋ́gɛ: «Kwaʼ eshhʉ̄ mbɔŋ, a gɔ́ áa ŋiŋ yīi, á juúʼ ashuŋne Ndém, ŋ́ghʉ̄ ndeŋ ndeŋ épúp. »

Lomɛŋ 13:11

Páʼ pɛ é si ncuŋtɛ nzhɛ́ɛ afʉʼ alāʼ zīi, ḿpɛ é éwú lā, tsetsɔŋɔ á si ŋgɔ́ á afʉʼ zīi, ŋiŋ a te pɔŋté á lezēŋ ndí í. Afʉʼ zīi Ndém a gɔ eghʉ ḿpɛ etswɛ́t, á tshóte mbáte, tɛ ntɔ́k afʉʼ zīi, ḿpɛ le zɛ́t nzii á lefɛ̄ nnɛ̄t ŋgyá á mbū Yɛɛ́so.

Lomɛŋ 13:12

Etsōʼ a á zii ntɔ́k, njhʉ̄ é si ŋgɔ̄ á ndáa. Púp, ḿpɛ ewáʼ menu nzém, ḿbɛ́ á tsitsi ncu yīi mɛ́ lɔkɔ ndʉɔ́ʼɔ, afʉʼ zīi ejʉʼ é si efóko.

1 Piɛ 4:7

A lɛɛ̄ nzɛ́t áa méŋ agáʼ afʉʼ lɛ, akʉ̄ɛ akʉ̄ɛ zīi á ŋgɔŋ ega lɛ́, a epú mmī. Melaʼ épúp tɛ́, ndɛ́ʼ leghi tsɛ́ é kʉ, pɛ ekúʼte nnɛ̄t zɛ, ńdɔk mbɔ́k azō á levɛ̄ne á wɛ́ á leswīŋte Ndém.

2 Piɛ 3:8

Mesoó pá, amɔ̄ʼ azō á éwú zīi, pɛ te pɔŋté á lelekne ɛ́. Á mbū Atsyapuɔ páʼā, taʼ aleʼé alāʼ, á gɔ́ páʼ ŋguʼ ntsāʼ lā. Ŋguʼ ntsāʼ, é gɔ́ páʼ taʼ aleʼé lā.

Menjʉɔ te lí 22:10

Cɔʼ Ndém, á zéŋ ndé á mbū meŋ ŋ́gɛ: «Ndɛ́ʼ o eféŋ ŋke yīi, Ndém a á tswi á ntē aŋwaʼne jʉɔ, á ntsem, melaʼ mīi njhʉ̄ zīi, menu mɛ́t é gʉɔ mé mbūɔ̄, e é páte.

Menjʉɔ te lí 22:12

Yɛɛ́so, a á si ŋké ndʉ́ɛ́ ŋ́gɛ: «Awuɔ yīi meŋ cʉʼɛ́ eshʉʼ shʉʼe lāa. Ége eshʉʼ épúp, éwɛ ntaŋá, éfhó ánɛ afaʼ awiɛ́ awiɛ́, tɛ́ e yá eyí.

Menjʉɔ te lí 22:20

Ŋiŋ yīi a á si ntswīi ŋ́gɛ, menu mɛ́t é anuúnē, a á si ndʉ́ɛ́ ŋ́gɛ: «Kwaʼ anuúnē, meŋ cʉʼɛ́ eshʉʼ shʉʼe. » Á épúp, shʉʼɛ̄ mé Atsyapuɔ Yɛɛ́so.

Menjʉɔ te lí 3:11

Á cʉ́ʼ ŋgʉɔ mbīa, meŋ eshʉ̄ʼ. Lefɛ̄ nnɛ̄t yīi o wɛɛ̄, kúʼtɛ tɛ e etē, tɛ ŋiŋ a á le kūʼ á levɛ̄ne á wú, á leta á lezēŋ Ndém ɛ́.