Menjʉɔ te lí 1:2 - Eka Eswhī

² Jáaŋ a lɛ si eshúŋɔ epuɔ ŋ́gɛ, ŋkwa menu mīi yí le jʉ́ɔ̄, é si ŋgɔ́ ashuŋne Ndém, Yɛɛ́so Klísto mé tswi á légɛ é anuúne.

Menjʉɔ te lí 1:2 Iomraidhean Croise

Jáaŋ 1:32

Jáaŋ á zéŋ eshúŋ ajū mīi, a á si nzhɛ́ɛ ánɛ Yɛɛ́so, ńdé ŋ́gɛ: «Meŋ ke jʉ́ɔ̄, Azwakne Ndém, á fhó á lephū esóʼo páʼ akepēŋ lā, ḿbú ntā ánɛ yí.

Jáaŋ 12:17

Táʼ, atʉtʉ epuɔ zīi, á le jʉ́ɔ á yí á leghʉ Lazaa á zím ánɛ lewhʉ̄, éfhó á lesi ntó, á nɔŋ eshúŋɔ ajū mīi, pɔ́ le jʉ́ɔ̄.

Jáaŋ 19:35

Ŋiŋ yīi a pɛ́tɛ menu muɔ mɛ́t, a pɛ́tɛ, mbɔ a le jʉ́ɔ̄. Anu zīi a piŋɛ eshúŋɔ, á gɔ́ anuúnē. Ŋgaŋ a á si nzhɛ́ɛ á légɛ, anu zīi yí shúŋɔ, á si ŋgɔ́ anuúnē, tɛ́ pɛ azɛ́, e efhó éwú, éfɛ́ nnɛ̄t ŋgyá á mbū Ndém.

Jáaŋ 21:24

Ŋiŋ nnɔ Yɛɛ́so wuɔ mɛ́t mé shúŋɔ menu muɔ, mbɔ yí mé le tíī. Pek é si mbiŋɛ nzhɛ́ɛ á légɛ, anu zīi a shúŋɔ á anuúnē.

Jáaŋ 3:11

Kwaʼ anuúnē anuúnē, meŋ shúŋɔ á wú ŋ́gɛ, pek é si ŋgē eshúŋɔ menu, é gɔ́ mīi, pek é si nzhɛ́ɛ. Éshúŋɔ ajū mīi, pek é njʉ́ɔ. Pɛ pīiŋ nnɔ̄ŋ te mvéŋɛ anu mɛ́t zīi, pek shúŋɔ ɔ́.

Mefaʼ Meziŋ-ntō 22:15

Ńdɔk ŋ́gɛ, o egɔ́ á njhʉɛ‑njʉ́ɔ yi, éshúŋ á mbū epuɔ menɔŋ metsem, áju mīi ó njʉ́ɔ nzéŋ ńjúʼ.

Mefaʼ Meziŋ-ntō 26:16

Táʼ, ké ndū á esī ntshí á ajʉʼ. Meŋ tswii nnɛ̄t za páʼa, ŋ́gɔ̄ á ndɔɔ̄k wu, éghʉ á ŋgaŋ afaʼ ga. Wu mé gɔ á eshúŋ epuɔ, páʼ meŋ á tswi nnɛ̄t za á mbū wu ayáʼa, ézéŋ eshúŋ á wɔ́p emɔ̄ʼ menu mīi, meŋ a shʉʼ elɔk njʉɔ te lí, éghʉ o ejʉ́ɔ.

Mefaʼ Meziŋ-ntō 4:20

Ŋ́gɔ́ mé pek, mbɔ pek gɔ eké eshúŋ áa ajū mīi, pek ke jʉ́ɔ̄, ńzéŋ njúʼ. »

1 Kɔlɛŋte 1:6

Ńzhɛ́ ŋ́gɛ, ashuŋne Yɛɛ́so Klísto zīi, meŋ nde shúŋ á wɛ́ lā, Ndém a ke ghʉ̄ʉ̄, pɛ chʉ́ nnɛ̄t ŋkúʼte mé taʼ ntē.

1 Kɔlɛŋte 2:1

Mbɔɔ meŋ azá me epɔ̄ memía, meŋ ndɛɛ́ eshʉʼɛ á alāʼ pɛ páʼā, meŋ te eshʉ̄ʼɛ á ntswiī pɛ ŋ́gɛ, meŋ zhɛɛ́ á leshūŋne ɛ́, meŋ te lɔ̄k memía ashuŋne tɛ́ eshúŋ á wɛ́ á anuúnē zīi, Ndém a le lʉ̄ɔ̄ ɔ́.

1 Jáaŋ 1:1

Pek tíi akɛtte jʉɔ páʼa, ńdɔkɔ eshúŋɔ á wɛ́ ashuŋne zīi, á ghʉɛ mɛ́ gɔ́ɔ éwú, áshuŋne zīi mɛ́ le gē enɔŋ ŋgɔŋ, á gɔ́ áa éwú. Pek le júʼ ashuŋne mɛ́t, ńdɔ̄k menēk mék njʉ́ɔ, ńchʉ́ nnɛ̄t mbēte á yí, ńdɔ̄k mbū mék mpfēŋ á yí.

1 Jáaŋ 4:14

Ndém Mɔʼɔ́ a le tó á Méŋ yi ŋ́gɛ, a eshʉʼ ŋghʉ̄, ŋgɔŋ e tswɛ́t. Pek le jʉ́ɔ á yí mé menēk, ńnɔŋ eshúŋɔ á légɛ á anuúnē.

3 Jáaŋ 1:12

A gɔ́ mé Demetlus, mbɔ epuɔ metsem, é kiím lezēŋ tsí á mbɔŋɔ́. Mbɔɔ ashuŋne Ndém zīi, a kuʼteé, á si ntswīi á légɛ, a á ŋiŋ ndeŋ ndeŋ. Pek méŋwɛ̄t azék, é si ntswíi ntāŋ yí ŋ́gɛ, a á ŋiŋ ndeŋ ndeŋ. O pīiŋ nnɔ̄ŋ nzhɛ́ɛ á légɛ, pek shúŋɔ épúp, á gɔ́ anuúnē.

Menjʉɔ te lí 1:11

Ńnɔŋ ndʉ́ɛ́ ŋ́gɛ: «Ajū mīi o ó si njʉ́ɔ, tí á ntē aŋwaʼne, ńtó ŋgyá á meŋgyā alúŋ epuɔ Yɛɛ́so esambīa. Ńdɔkɔ ndʉ́ɛ́ ánɛ metésɔŋ Efɛze, Smiine, Pɛɛgam, Tiatii, Saadɛs, Filadɛlfi mbɔɔ Laodisɛ. »

Menjʉɔ te lí 1:19

Púp, tí ajū mīi o ó jʉ́ɔ, mbɔɔ ajū mīi, á si ntɔ́kɔ tsetsɔŋɔ, mbɔɔ azi a páte.

Menjʉɔ te lí 1:9

Meŋ Jáaŋ méŋ mɔ́ wɛ, ńdɛ̄tne ánɛ Yɛɛ́so páʼ pɛ lā, meŋ á si njʉ́ɔ azá ŋgʉɔ̄ʼ páʼ pɛ lā, ńnɔŋ ŋŋíŋɛ azá á ntē Lefɔ Ndém. Mɛ́ le lɔ̄k á gá ŋgʉ̄ɔ mé Patmos, álāʼ, ntshi é kɛ́nne nnéŋ á esɔŋ, ńdɔ̄kɔ á gá ŋgʉɔ épúp, melaʼ ashuŋne Ndém zīi, meŋ kuʼtéē, mbɔɔ melaʼ anu Yɛɛ́so zīi, meŋ shúŋɔ.

Menjʉɔ te lí 12:11

Epɔ̄ memía pímpɛ mɛ́t, é ge ejhʉ́ á yí épúp, á gɔ́ melaʼ mīi, Mɔ́ Njʉnjhʉ a le lɔ̄k metshi mí nzó á athū zɔ́p, mbɔɔ melaʼ ashuŋne Ndém páʼ, pɔ́ lɛ si ŋkúʼtɛ, eshúŋɔ ŋ́gɛ, á anuúnē. Pɔ́ lɛ te kɔ̄ŋ ethū nnɛ̄t tsɔ́p, tɛ mbɔ́k á wɔ́p á lekwhʉ̄ ɛ́.

Menjʉɔ te lí 12:17

Na ntap ntap, á zɛ́t nzáŋ á lɔ́ŋ á mbū menzwí mɛ́t záŋ. Ésɛ̄t, ńcʉ́ʼɛ ndʉɔ́ʼɔ áa avuʼ ndhu zi, épuɔ pīi pɔ́ kuʼteé mbé Ndém tɛ́ ndɔk nnáŋ, épuɔ pīi pɔ́ é efʉʼ metsem, éshúŋ á ŋiŋ yīi Yɛɛ́so a á ewiɛ́.

Menjʉɔ te lí 20:4

Á tɔ́k épúp, meŋ zéŋ njʉ́ɔ ekɔʼ lefɔ, epuɔ pīi pɔ́ nnáŋte éwú, mɛ́ yá mete á mbū pɔ́p, á lelɔk esáʼ epuɔ. Meŋ zéŋ njʉ́ɔ egega epuɔ pīi, mɛ́ le zaʼté ethū tsɔ́p melaʼ mīi, pɔ́ le kuʼté ashuŋne Ndém, ńnɔŋ eshúŋɔ á ŋiŋ yīi, Yɛɛ́so a ewiɛ́. Égega epuɔ pīi, pɔ́ lɛ te wūʼte á na mbɔɔ akeke zí í, ḿbiŋ te véŋ ŋ́gɛ, mɛ́ etshí á ayiŋne na, á mvhɔ eshhʉ̄ pɔ́p, mbɔɔ ánɛ apū zɔ́p ɔ́. Ndém á ghʉ, epuɔ puɔ mɛ́t, é zím ánɛ lewhʉ̄, pɔ́ a Klísto é sáʼ ŋgɔŋ, ánɛ meŋguʼ ntsāʼ.

Menjʉɔ te lí 22:21

Ŋ́gɛ Atsyapuɔ Yɛɛ́so a elɛ ŋghʉ̄ anu mbɔŋ té ndhʉ, ánɛ epuɔ Ndém metsem.

Menjʉɔ te lí 6:9

Mɔ́ Njʉnjhʉ á ŋɛ́ʼɛ elɛ, ánɛ ajʉʼ mbáte táa, meŋ jʉ́ɔ egega epuɔ pīi, mɛ́ le zwhité á wɔ́p melaʼ anu Ndém, mbɔɔ melaʼ páʼ pɔ́ le nɔ̄ŋ ntswii á légɛ, pɔ́ kuʼteé á Yɛɛ́so, é gɔ́ á atseŋ ajʉʼ nnɔɔ̄ŋ‑epɔʼ,