Menjʉɔ te lí 1:1 - Eka Eswhī

¹ Menu mīi é ntē aŋwaʼne jʉɔ, é si ŋgɔ́ menu mīi é lʉɔneē, mbɔ Yɛɛ́so Klísto a le tswī á mbū wɔ júʼ‑nchu Ndém. Ndém a le yá menu muɔ mɛ́t á mbū yí ŋ́gɛ, a elɔk ntswī á wɔ́p mecū mīi, é cʉ́ʼɛ eshʉʼ shʉʼe. Yɛɛ́so Klísto a le tó á cɔʼ yi, ŋ́gɛ a egʉɔ ntswī menu mɛ́t, á mbū ŋgaŋ afaʼ yi Jáaŋ.

Menjʉɔ te lí 1:1 Iomraidhean Croise

Jáaŋ 12:49

Meshuŋne mīi, meŋ á shúŋ, é té fhɔ́ɔ á mbū meŋ ɛ́. Mɔʼɔ́ ga, mbɔ yí mé le tó á gá á ŋgɔŋ, yí mé shúŋ á gá anu zīi, meŋ gɔ́ elé, ánu zīi meŋ gɔ elɔ̄ɔk ńzíʼne epuɔ.

Jáaŋ 15:15

meŋ ńde zéŋ ntɔ́ŋ á wɛ́ lɛ, wɔ zíʼne afaʼ á. Nziʼnɛ afaʼ a te zhɛ́ ajū mīi, mɔʼɔ́ afaʼ yi, a á si ŋkwāŋtɛ ɛ́. Meŋ cʉ́ʼɛ ntɔ́ŋɔ á wɛ́ áa lɛ, mesoó pá, éfhó ánɛ páʼ, ajūɔ tsem zīi, Mɔʼɔ́ ga a le ziʼné á gá, meŋ ke ghʉ̄ pɛ zhɛ́.

Jáaŋ 17:8

Ńnɔŋ nzhɛ́ɛ á légɛ, ashuŋne ntsem zīi, meŋ ke ziʼné á wɔ́p, á gɔ́ áa azi o le yá á mbū meŋ. Pɔ́ le tswí ashuŋne mɛ́t, ńcuŋte nzhɛ́ á légɛ, meŋ fhɔ́ɔ áa mbū wu, ḿvéŋ á légɛ, wu mé le tó á gá á ŋgɔŋ.

Jáaŋ 3:32

ńnɔŋ eshúŋɔ ajū mīi, a á njʉ́ɔ, mbɔɔ azi a á njúʼ. Ŋiŋ á piŋ te véŋ anu zīi, a shúŋɔ ɔ́.

Jáaŋ 8:26

Ŋ́gɔ́ mé pɛ, mbɔ meŋ zɛɛ́t ŋgwɛ menu tɛ nzáne mīi, meŋ a shúŋ ánɛ pɛ, mbɔɔ emi meŋ a záʼe. Táʼ, ŋiŋ yīi, a le tó á gá á ŋgɔŋ, a á ŋgaŋ anuúnē. Anu zīi, meŋ ke júʼ á mbū yí, aziɛ́ tɛ́ meŋ á si eshúŋɔ á mbū ŋgɔŋ. »

Lomɛŋ 16:25

Awuʼte a egɔ́ á mbū Ndém. Yí mé kuūʼ á leghʉ, lefɛ̄ nnɛ̄t wɛ á tswhí ŋgʉ̄ɔ mé mvhɔ, páʼ ŋke mbɔŋ yīi, meŋ tswii, é si ndʉ́ɛ́ épúp. Ŋ́ke yīi meŋ sáʼa eshúŋɔ epuɔ ánɛ Yɛɛ́so Klísto. Ńzéŋ ŋkūʼ á leghʉ, lefɛ̄ nnɛ̄t wɛ á tswhí ŋgʉ̄ɔ mé mvhɔ, páʼ ntsem zīi, Ndém a le sīā, ŋ́ghʉ̄ ḿpɛ zhɛ́, e leé épúp. Ntsem mɛ́t, Ndém a le lʉɔ̄ tɛ efhó tɛ meŋguʼ meŋguʼ.

Galat 1:12

Ŋiŋnɔŋ mé lɛ te tswī ŋke mɛ́t, á mbū meŋ ɛ́. Ŋiŋnɔŋ mé té zíʼne á gá anu zīi, ŋke mɛ́t é lʉ́ɛ́ ɛ́. Yɛɛ́so Klísto mé le kɛʼɛ́ atseŋ ŋke mɛ́t, ŋ́ghʉ̄ meŋ ezhɛ́.

Efɛze 3:3

Pɛ le zéŋ njúʼ páʼ, Ndém a le kɛʼté ntsem zi, ŋ́ghʉ̄ meŋ ezhɛ́. Meŋ á ndáʼ nnáʼ ŋkia éshúŋ á wɛ́.

Tíit 1:1

Meŋ Pɔ́ɔl ŋgaŋ afaʼ Ndém, ŋ́gɔ́ á nziŋ‑ntō Yɛɛ́so Klísto, á leghʉ epuɔ pīi Ndém a le tsɔ́ʼ á wɔ́p, é fɛ́ nnɛ̄t ŋgyá á mbū yí, mbɔɔ á leghʉ pɔ́ zhɛ́ anuúnē ánɛ Yɛɛ́so, ńdɔk nnáŋ páʼ Ndém a á si ŋkɔ̄ŋɔ.

Menjʉɔ te lí 1:19

Púp, tí ajū mīi o ó jʉ́ɔ, mbɔɔ ajū mīi, á si ntɔ́kɔ tsetsɔŋɔ, mbɔɔ azi a páte.

Menjʉɔ te lí 1:9

Meŋ Jáaŋ méŋ mɔ́ wɛ, ńdɛ̄tne ánɛ Yɛɛ́so páʼ pɛ lā, meŋ á si njʉ́ɔ azá ŋgʉɔ̄ʼ páʼ pɛ lā, ńnɔŋ ŋŋíŋɛ azá á ntē Lefɔ Ndém. Mɛ́ le lɔ̄k á gá ŋgʉ̄ɔ mé Patmos, álāʼ, ntshi é kɛ́nne nnéŋ á esɔŋ, ńdɔ̄kɔ á gá ŋgʉɔ épúp, melaʼ ashuŋne Ndém zīi, meŋ kuʼtéē, mbɔɔ melaʼ anu Yɛɛ́so zīi, meŋ shúŋɔ.

Menjʉɔ te lí 17:1

Á tɔ́k épúp, taʼ cɔʼ Ndém ánɛ mecɔʼ Ndém esambīa pwɔ̄ pīi, pɔ́ le wɛ̄ mendɔ̄ŋ esambīa á mbū pɔ́p lā, á tshóte nnɛ̄t, ńdé mé meŋ ŋ́gɛ: «Shʉʼɛ̄, meŋ etswī á wú páʼ, Ndém a a záʼ ntsaŋ mía mía ŋgaŋ agā menzwí épúp. Á mía mía tésɔŋ yīi, mɛ́ le kwɛ́t á legʉ̄ŋ amaane ntshi.

Menjʉɔ te lí 19:10

Meŋ ndɛ̄ɛ ntswíʼte á mekhu yí, ŋ́ŋɔ́ʼne tɛ athū á pfeŋ esī, ŋ́gɔ̄ á ŋguʼté á yí, tɛ́ á lé mé meŋ ŋ́gɛ: «Ndɛ́ʼ o eghʉ̄ épúp. Meŋ á azá ŋgaŋ afaʼ Ndém páʼ wu, mbɔɔ páʼ epɔ̄ memía pú pīi, pɔ́ ziŋɛ ánɛ mekhu Yɛɛ́so. Ndém tɛ́ o pɔŋteé á lewuʼte. » Anuúnē zīi Yɛɛ́so a le ziʼné epuɔ, aziɛ́ mé tshoneé á ŋiŋ á letswi ŋke yí.

Menjʉɔ te lí 19:9

Taʼ cɔʼ Ndém, á lé mé meŋ ŋ́gɛ: «Tí ŋ́gɛ: Meshhʉ̄ mbɔŋ é si ŋgɔ́ epuɔ pīi, mɛ́ é tɔ́ŋ á wɔ́p ánɛ lekāk alaá‑ŋgyā Mɔ́ Njʉnjhʉ. » Ńzéŋ ndé á mbū meŋ ŋ́gɛ: «Meshuŋne muɔ, é si ŋgɔ́ meshuŋne, ńtúɔ́ á nchu Ndém. »

Menjʉɔ te lí 21:2

Ńjʉ́ɔ á tésɔŋ Ndém, á Yelósalɛm eswhī, á fhó á lephū, á lezēŋ Ndém esóʼo, ŋ́gɔ́ páʼ nzwí ŋge yīi, a á tswiŋ nnɛ̄t zi, ńdɔkɔ nzwíʼtɛ á ndō yi lā.

Menjʉɔ te lí 21:9

Mmɔʼ cɔʼ Ndém, á nnɔ mecɔʼ Ndém esambīa pīi, pɔ́ ŋgwɛ̄ mendɔ̄ŋ esambīa á mbū pɔ́p, mezoknzem ŋgʉɔ̄ʼ esambīa, é gɔ́ á ntē éwú tɛ ndó, á shʉʼ eshúŋne á mbū meŋ, ńdé ŋ́gɛ: «Shʉʼɛ̄, meŋ etswī á wú á nzwí ŋge, á nzwí Mɔ́ Njʉnjhʉ. »

Menjʉɔ te lí 22:1

Cɔʼ Ndém á zéŋ ntswī á gá mmɔʼ mía ntshi yīi, é ghʉɛ mɛ́ taa á lezēŋ Ndém, é nɔŋ ŋwāŋnɛ páʼ ŋglaási lā. Ńnɔŋ efhɔ́ɔ ánɛ akɔʼ Lefɔ Ndém, pɔ́ Mɔ́ Njʉnjhʉ ntúɔ́.

Menjʉɔ te lí 22:16

Yɛɛ́so á zéŋ ndé ŋ́gɛ: «Meŋ nde tó á cɔʼ ga ŋ́gɛ, a eshʉʼ ntswī ŋke wuɔ, á mbū pɛ pīi, pɛ é ntē meŋgyā alúŋ epuɔ Yɛɛ́so. Meŋ á si ŋgɔ́ atɔ̄p, ánɛ ndhu Ndavít. Ŋ́gɔ́ á cɔʼ saŋ yīi, a ŋwaŋnɛ, ḿbhʉ́ɛ melanjhʉ̄. »

Menjʉɔ te lí 22:6

Cɔʼ Ndém, á zéŋ ndé á mbū meŋ ŋ́gɛ: «Meshuŋne muɔ, é ajʉʼ éwú ŋgɔ́ épúp, ŋ́gɔ́ á anuúnē. Atsyapuɔ Ndém páʼ a le yá Azwakne zí á mbū metswi‑ŋke pí lā, a le tó á cɔʼ yi á mbū wɔ júʼ‑nchu yí ŋ́gɛ, a eshʉʼ ntswī á wɔ́p ajū mīi, a pɔŋteé á leshʉʼ, tɛ á cʉʼɛ́ eshʉʼ shʉʼe. »

Menjʉɔ te lí 22:8

Meŋ Jáaŋ, meŋ nde júʼ menu mɛ́t, ńzéŋ njʉ́ɔ. Ńjúʼ, ńzéŋ njʉ́ɔ épúp, ńtswíʼte á mekhu cɔʼ Ndém yīi, a ke nɔ̄ŋ ntswii á gá menu mɛ́t, ŋ́ŋɔ́ʼne tɛ athū zá á pfeŋ esī, ŋ́gɔ̄ á ŋguʼté á yí.

Menjʉɔ te lí 22:9

Tɛ́ á lé mé meŋ ŋ́gɛ: «Ndɛ́ʼ o eghʉ̄ʉ épúp. Meŋ á azá ŋgaŋ afaʼ Ndém páʼ wu, mbɔɔ páʼ epɔ̄ memía pú, métswi‑ŋke Ndém, mbɔɔ páʼ epuɔ pīi pɔ́ ziīŋ páʼ menu mīi, é ntē aŋwaʼne ega, é si ndʉ́ɛ́ épúp. Ndém, tɛ́ o pɔŋteé á lewuʼte á yí. »

Menjʉɔ te lí 4:1

Meŋ nde jʉ́ɔ ecʉɔ etsō mɛ́t tɛ é mi, ńzéŋ njʉ́ɔ, taʼ nchu ŋgyā é tsɔ́ʼɔ ntshí á athʉ́ lephū, ŋghi zīi meŋ nde zī nté njhʉ̄ njúʼ á leshūŋne á mbū meŋ, ézi e le nɔ̄ŋ nzwɛnɛ páʼ ŋghi ntaŋ lā, é lé mé meŋ ŋ́gɛ: «Pʉ́ɛ́ eshʉ̄ʼ mé ega, meŋ etswī á wú ajū mīi, á gʉɔ me mbátɛ. »

Menjʉɔ te lí 5:7

Mɔ́ Njʉnjhʉ mɛ́t á tshóte nnɛ̄t mé lezēŋ ŋiŋ yīi, a á nnáŋ ánɛ akɔʼ lefɔ lā, á lɔk apū ete ŋgyá aŋwaʼne á mbū yí, á tswí.